12-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ଅବକାରୀ ବିଭାଗ ପକ୍ଷରୁ ପୃଥକ ପୃଥକ ସ୍ଥାନରେ ଚଢାଉ କରାଯାଇ ଗଞ୍ଜେଇ ସହ ବାଇକ୍ ଓ ମଦ ସହ ବାଇକ ଜବତ କରି କେଶ ନମ୍ବର 36/24 ଓ 37/24ରେ ଦୁଇଟି ମାମଲା ୠଜୁକରି କରିଥିବା ବେଳେ ଉଭୟ ଘଟଣା ର ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବିଭାଗୀୟ ସୂତ୍ରରୁ ଜଣାପଡ଼ିଛି | ବିଶ୍ଵସ୍ତ ସୂତ୍ରରୁ ଖବର ପାଇ କଣ୍ଟାମାଳ ଅବକାରୀ ଅଧିକାରୀ ସୂର୍ଯ୍ୟକାନ୍ତ ମଲ୍ଲିକଙ୍କ ନେତୃତ୍ୱରେ ଅବକାରୀ ବିଭାଗର ଏକ ଟିମ୍ କଣ୍ଟାମାଳ ଥାନା ବରଗାଁ ପଞ୍ଚାୟତ ବୁଢାଖୋଲ ଗ୍ରାମ ରାସ୍ତା ନିକଟରୁ ଏକ ହିରୋ ସୁପର ସ୍ପ୍ଲେଣ୍ଡର ବାଇକ (ଓଡ଼ି ୨୭ ବି ୯୫୧୯) କୁ ସନ୍ଦେହରେ ଅଟକାଇ ଯାଞ୍ଚ କରିଥିଲେ  l ଯାଞ୍ଚ ସମୟରେ ବାଇକରୁ ୩କେଜି ଗଞ୍ଜେଇ ଜବତ୍ କରିଥିବା ବେଳେ ଘଟଣାରେ ସଂପୃକ୍ତ  ମନମୁଣ୍ଡା ଥାନା ବଉଳସିଙ୍ଗା ଗ୍ରାମର ପ୍ରଦୀପ ପ୍ରଧାନ (୨୬) କୁ ଗିରଫ କରିଥିଲେ  l  ଏନେଇ କଣ୍ଟାମାଳ ଅବକାରି ବିଭାଗ ପକ୍ଷରୁ ୩୬/୨୪ରେ ଏକ ମାମଲା ରୁଜ୍ଜୁକରି ଅଭିଯୁକ୍ତ କୁ କୋର୍ଟ

ଚାଲାଣ କରାଯାଇଥିବା କଣ୍ଟାମାଳ ଅବକାରୀ ଅଧିକାରୀ ସୂର୍ଯ୍ୟକାନ୍ତ ମଲ୍ଲିକ ସୂଚନା ଦେଇଛନ୍ତି | ସେହିପରି ଅନ୍ୟ ଏକ ଘଟଣାରେ ଏହି ଟିମ୍ ବରଗାଁ ପଞ୍ଚାୟତ କୁମେଲବନ୍ଧ ଗାଁ ଛକ ନିକଟରେ ଚଢାଉ କରି ୧୨ଲିଟର ମଦ ସହ ଏକ ବାଇକ୍  (ଓଡ଼ି ୨୭ ୫୨୦୮) ଜବତ୍ କରିଥିବା ବେଳେ ଘଟଣା ସହ ସମ୍ପୃକ୍ତ ଉତୁର୍ଲା ଗ୍ରାମର ବାଳକ ବଗର୍ତ୍ତି (୫୫) କୁ ଗିରଫ କରି କେଶ ନମ୍ବର ୩୭/୨୪ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ସୂଚନା ମିଳିଛି | ଏହି ଚଢ଼ାଉରେ କଣ୍ଟାମାଳ ଅବକାରୀ ଥାନାଧିକାରୀ ସୂର୍ଯ୍ୟକାନ୍ତ ମଲ୍ଲିକ, ଶୁକେଶିନି କୁଜ୍ଜୁର୍, ଶ୍ରୀକାନ୍ତ ବେହେରା, ଆନନ୍ଦ ମେହେର ପ୍ରମୁଖ ସାମିଲ ଥିଲେ |