11-Jul-2024

ବଲାଙ୍ଗୀର(ପ୍ରେରଣା ଖବର)- ଆଗକୁ ବିଧାନସଭାସତ୍ର ଆରମ୍ଭ ହେବାକୁ ଯାଉଛି । ତେଣୁ ବିଧାନସଭାରେ ବଲାଙ୍ଗୀରର ମୁଖ୍ୟ ସମସ୍ୟା ଗୁଡିକୁ ଉପସ୍ଥାପନ କରିବା ବିଷୟରେ ବଲାଙ୍ଗୀରର ନବନିର୍ବାଚିତ ବିଧାୟକ କଳିକେଶନାରାୟଣ ସିଂଦେଓ ଆଜି ଜନସହଭାଗିତା କାର୍ଯ୍ୟକ୍ରମ କରିଛନ୍ତି। ନିର୍ବାଚନ ବେଳେ ସେ ଲୋକଙ୍କ ପାଖରେ ଦେଇଥିବା ପ୍ରତିଶୃତିଗୁଡିକୁ ପୂରଣ କରିବା ସହ ଲୋକଙ୍କଠାରୁ ମତସଂଗ୍ରହ କରି ଜନସହଭାଗିତା ଜରିଆରେ ସମସ୍ୟାଗୁଡିକୁ ସମାଧାନ କରାଯିବାକୁ ଏଭଳି କାର୍ଯ୍ୟକ୍ରମ କରାଯାଇଥିବା କଳକେଶ ସୂଚନା ଦେଇଥିଲେ । ସ୍ଥାନୀୟ ପେଲସଲାଇନ ମୀନା ଟେଣ୍ଟହାଉସ ଠାରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲା ବିଜେଡି ଯୁବସଭାପତି ରାଜେନ୍ଦ୍ର ହୋତା ପ୍ରାରମ୍ଭିକ ସୂଚନା ଦେଇଥିଲେ । ଏହି କାର୍ଯ୍ୟକ୍ରମରେ ଶତାଧିକ ସଂଗଠନର କର୍ମକର୍ତ୍ତା ସାମିଲ ହୋଇ ନିଜ ନିଜ ମତ ଉପସ୍ଥାପନ କରିଥିଲେ। ଏହି ଆଲୋଚନାରେ ବଲାଙ୍ଗୀରରେ କୃଷିବିଶ୍ୱବିଦ୍ୟାଳୟ ସ୍ଥାପନ କରିବା, ଦେଓଗାଁ ଚିନିକଳକୁ ପୁନଃକାର୍ଯ୍ୟକ୍ଷମ କରିବା, ରାଜେନ୍ଦ୍ର ବିଶ୍ୱବିଦ୍ୟାଳୟ, ମହିଳା ମହାବିଦ୍ୟାଳୟ ଇତ୍ୟାଦି ଶିକ୍ଷାନୁଷ୍ଠାନର ଅଧ୍ୟାପକ ସମସ୍ୟା ଓ ଟାଟାପାୱାର ଲଗାଇଥିବା ସ୍ମାର୍ଟମିଟରକୁ ବନ୍ଦ କରାଇବାକୁ ,ସହରରେ ନିଶାକାରବାର ବନ୍ଦ କରିବା, ସହରକୁ ସବୁଜସୁନ୍ଦର କରିବାକୁ ବ୍ୟାପକ ବୃକ୍ଷରୋପଣ କରିବା ଇତ୍ୟାଦି ବିଷୟରେ ବିଭିନ୍ନ ମହଲରୁ ପ୍ରସ୍ତାବ ଆସିଥିଲା । ଏଥିସହ ଧାନ କିଣାରେ ସ୍ୱଚ୍ଛତା, ପୌରପାଳିକାର ଡ୍ରେନସଫେଇ ଇତ୍ୟାଦି ପ୍ରସଙ୍ଗ ମଧ୍ୟ ଉଠିଥିଲା । ଏହି ସବୁ ସମସ୍ୟାକୁ ନେଇ ସେ ବିଧାନସଭାରେ ଆଲୋଚନା କରିବେ ଓ ସମାଧାନ କରିବା ଦିଗରେ ପଦକ୍ଷେପ ନେବେ ବୋଲି କଳିକେଶ ତାଙ୍କ ବକ୍ତବ୍ୟରେ କହିଥିଲେ । ଏହି କାର୍ଯ୍ୟକ୍ରମରେ ନାଗରିକ କମିଟିର ସଭାପତି ଡ.ଶ୍ରୀକର ମିଶ୍ର, ସଂପାଦକ ମଧୁସୂଦନ ନାୟକ,ବଣିକସଂଘର କିଶୋର ରଥ, କେମିଷ୍ଟ ଏଣ୍ଡ ଡ୍ରଗିଷ୍‌ଟ ଏସୋସିଏସନର ଲୋଟସ ଷଢଙ୍ଗୀ, ଜିଲ୍ଲା ଓକିଲ ସଂଘ ର ସଭାପତି ଅମରେଶ ତ୍ରିପାଠୀ, ରେଳ ଉପଭୋକ୍ତା ସଂଘର ତରୁଣ କୁମାର ମିଶ୍ର,ବରିଷ୍ଠ ନାଗରିକ ମଞ୍ଚର ଗୌରଚରଣ ପୁରୋହିତ,ବଲାଙ୍ଗୀର ସ୍ୱେଚ୍ଛାସେବୀ ସଂଗଠନର ସନ୍ତୋଷ ପଟ୍ଟନାୟକ, ନାରୀଶକ୍ତି ଫାଉଣ୍ଡେସନର 

ମମତା ଜେନା, ଅଘରିଆ ସମାଜର ସଭାପତି ଶୁଭ୍ରାଂଶୁ ପଟେଲ, କୁଲତା ସମାଜ, ଡୁମାଳ ସମାଜ, ଉଠା ଦୋକାନୀ ସଂଘ ଇତ୍ୟାଦି ସମେତ ଶତାଧିକ ସଂଗଠନର କର୍ମକର୍ତ୍ତା ଓ ବୁଦ୍ଧିଜୀବୀ ଉପସ୍ଥିତ ରହି ପ୍ରସ୍ତାବ ଗୁଡିକ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପୌରାଧ୍ୟକ୍ଷା ଲିକା ସାହୁ, କାଉନସିଲର ଗଣ,ବିଜେଡିର ବରିଷ୍ଠନେତା ଲକ୍ଷ୍ମଣ କୁମାର ମେହେର, ଭଗବାନ ବଗର୍ତ୍ତି,ପ୍ରଦୀପ ସାହୁ, ସୁଶିଳ ଚାନ୍ଦ, ନରସିଂହ ବାଘ, ବିଜେଡି ଜିଲ୍ଲା ମହିଳା ସଭାପତି ଦମୟନ୍ତି ବାଘ, ପ୍ରଦ୍ୟୁମ୍ନ ହୋତା, ପ୍ରମୋଦ ବହିଦାର, ଶୈଳେନ୍ଦ୍ର ସାହୁ, ଦେବଦତ୍ତ ବେହେରା, ବିଭୁତିଭୁଷଣ ମିଶ୍ର,ଟୁନା ସ୍ୱାଇଁ , ଗୁଞ୍ଜ ଖାନ ପ୍ରମୁଖଙ୍କ ସହ ଶତାଧିକ ଲୋକ ଉପସ୍ଥିତ ରହିଥିଲେ ।