04-Jul-2024

ବିଜେପୁରେ ତା. ୦୪/୦୭ ( ପ୍ରେରଣା ଖବର ) :   ବିଜେପୁର ବ୍ଲକ ଅନ୍ତର୍ଗତ  ଗଣ୍ଠିଆପlଲି ଉଚ୍ଚ ବିଦ୍ୟାଳୟର  ଇକୋ କ୍ଲବ ଓ ୟୁନିଅର ରେଡ଼କ୍ରସ ତରଫରୁ ବନ ମହୋତ୍ସବ ପାଳିତ ହୋଇ ଯାଇଛି l  ବିଦ୍ୟାଳୟର ପ୍ରଧାନ ଶିକ୍ଷକ ପ୍ରମୋଦ କୁମାର ପାଣଗ୍ରାହୀଙ୍କ ତତ୍ତ୍ବାବଧାନରେ  ବିଦ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଥିଲା ।  କାର୍ଯ୍ୟକ୍ରମରେ ରେଡ଼କ୍ରସ କର୍ମୀ ବଲlଙ୍ଗୀର ଜିଲ୍ଲା ଡେଙ୍ଗ ହାଇସ୍କୁଲର ଶିକ୍ଷକ ରାମନାରାୟଣ ଦାଶ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l ଗଛ ଆମର ଜୀବନ୍ତ ଦେବତା, ଗଛ  ଜନ ଓ ଜଙ୍ଗଳରେ ଜୀବନ ସଂଚାରଣ କରିଥାଏ  ଓ ଉତ୍ତମ ପରିବେଶ ଯୋଗଇଥାଏ ,ବୃକ୍ଷର ମହାନ ଗୁଣ ଉପସ୍ଥିତ ଥିବା ବୁଦ୍ଧିଜୀବୀ ଗଣ ମତ ପ୍ରକାଶ କରିଥିଲେ ।

ପରେ ବିଦ୍ୟାଳୟର ନବ ନିର୍ମିତ ବଗିଚା ନିକଟରେ ବୃକ୍ଷ ରୋପଣ କରାଯାଇଥିଲା । ଗଛର ଉପଯୁକ୍ତ ଯତ୍ନ ନେବେ ବୋଲି ଛାତ୍ରଛାତ୍ରୀ ଶପଥ ପାଠ କରିଥିଲେ । ଜୁଲାଇ ୧ ତାରିଖରୁ ଆରମ୍ଭ ହୋଇଥିବା କାର୍ଯ୍ୟକ୍ରମରେ ବିଭିନ୍ନ ଦିନରେ ବିଭିନ୍ନ ପ୍ରକାର ପ୍ରତିଯୋଗିତା, ଆଲୋଚନା ଚକ୍ର, ସେମିନାର ଆଦି ଅନୁଷ୍ଠିତ ହୋଇଥିଲା । ବିଦ୍ୟାଳୟର ଶିକ୍ଷକ ଅଲେଖ ସାହୁ, ପ୍ରଶାନ୍ତ କୁମାର ପାଣଗ୍ରାହୀ, ଚିତ୍ତରଞ୍ଜନ ବେହେରା, ବ୍ରହ୍ମା ଦୀପ, ଭଗବାନ ଭୁଏ,ଦୀନବନ୍ଧୁ ବାଗ, କିଶୋର ଚନ୍ଦ୍ର ପାଣ୍ଡେ, ନିରଞ୍ଜନ ସାହୁ, ଶାନ୍ତନୁ ଅଦlବର୍ ଆଦି ଉପସ୍ଥିତ ଥିଲେ l କାର୍ଯ୍ୟକ୍ରମକୁ ଏନର୍ଜି କ୍ଲବ ଶିକ୍ଷକ ଆକାଶ କୁମାର ସlହା  ସହଯୋଗ କରୁଥିବାବେଳେ  ଜୁନିଅର ରେଡ଼କ୍ରସ  କାଉନସେଲର ତଥା ପ୍ରକୃତି ପ୍ରେମୀ ଇକୋ କ୍ଲବ ଶିକ୍ଷକ ହେମନ୍ତ କୁମାର ସାମଲ ଧନ୍ୟବାଦ ଅର୍ପଣ କରିଥିଲେ l