03-Jul-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର):  ଇଂରେଜ ଅମଳରୁ ଆମ ଦେଶରେ ଦଣ୍ଡ ବିଧାନ ସିଆରପିସି ଅନୁସାରେ ଚାଲି ଆସୁଥିଲା । ଦେଶର ବର୍ତ୍ତମାନର  ପରିସ୍ଥିତି, ଲୋକଙ୍କ ଆଚାର ବ୍ୟବହାର, ଅପରାଧିକ କାର୍ଯ୍ୟକଳାପ ତଥା ବିଭିନ୍ନ ଦୃଷ୍ଟି କୋଣରୁ ପୁରୁଣା ଆଇନକୁ ବଦଲାଇ ଦେଶରେ ଗତ ଜୁଲାଇ ୧ ତାରିଖରୁ ଭାରତୀୟ ନ୍ୟାୟ ସଂହିତା ଆଇନ ଲାଗୁ କରା ଯାଇଛି । ଏହି ଅବସରରେ ଡୁଙ୍ଗୁରିପାଲି ଥାନାଧିକାରୀ ସତ୍ୟନାରାୟଣ ପଧାନଙ୍କ ଅଧ୍ୟକ୍ଷତାରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି l ପୁରୁଣା ଆଇନ ବଦଳରେ କେଉଁ ନୂଆଁ ଆଇନରେ କଣ ରହିଛି ସେ ଉପରେ ସଚେନତା କରିଥିଲେ । ୧୮୬୦ ଇଣ୍ଡିଆ ପେନାଲ କୋଡ ବଦଳରେ ଭାରତୀୟ ନ୍ୟାୟ ସଂହିତା ୨୦୨୩, କୋଡ୍ ଅଫ୍ କ୍ରିମିନାଲ ପ୍ରୋସିଜିଓଜ, ୧୯୭୩ ବଦଳରେ ଭାରତୀୟ ନାଗରୀକ ସୁରକ୍ଷା ସଂହିତା ୨୦୨୩ ଓ ଇଣ୍ଡିଆନ ଏଭିଡେନସ୍ ଆକ୍ଟ ୧୯୭୨ ବଦଳରେ ଭାରତୀୟ ସାକ୍ଷ୍ୟ ଅଧିନିୟମ ୨୦୨୩କୁ ପରିବର୍ତ୍ତନ ହୋଇଅଛି । ନୂତନ ଆଇନରେ ପ୍ରତ୍ୟେକ ପୀଡିତାଙ୍କୁ ସୁନିଶ୍ଚିତ ନ୍ୟାୟ, ମହିଳା ଏବଂ ଶିଶୁଙ୍କ ସୁରକ୍ଷାକୁ ପ୍ରାଧାନ୍ୟ, ତ୍ୱରିତ ନ୍ୟାୟ ପାଇଁ ସଠିକ୍ ମସୟରେ ମାମଲାର ବିଚାର ଅନଲାଇନ  ଏଫଆଇରର ସୁବିଧା, ଡିଜିଟାଲ ପ୍ରମାଣର ବ୍ୟବହାର, ମବ୍ ଲିଥିଙ୍ଗ ଏବଂ ସଂଗଠିତ ଅପରାଧ ଇତ୍ୟାଦି ଅପରାଧିକ ଆଇନରେ ଅନ୍ତର୍ଭୂକ୍ତ, ସ୍ୱଷ୍ଟ ଓ ସ୍ୱଚ୍ଛ ଅନୁସନ୍ଧାନ ପାଇଁ ସାକ୍ଷୀର ବିବୃତି ଏବଂ ଯାଞ୍ଚର ଅଡିଓ-ଭିଡିଓ ରେକର୍ଡିଂ ରହିଛି । କେତେକ ପ୍ରମୁଖ ପୁରୁଣା ଆଇନର ଧାରା ବଦଳି ଏହାର ନୁଆ ଧାରା ଅନୁସାରେ ମାମଲା ଋୁଜୁ ହୋଇ ତଦନ୍ତ ହେବ ।ଉକ୍ତ ପ୍ରମୁଖ ନୂତନ ଧାରା ହେଲା- ହତ୍ୟା ଭଳି ଗୁରୁତର ଅପରାଧ ପାଇଁ ଆଇପିସି ୩୦୨ ପୁରଣା ଆଇନ ବଦଳରେ ବର୍ତ୍ତମାନ ଭାରତୀୟ ନ୍ୟାୟ ସଂହିତାରେ ୧୦୩, ଚୋରୀ ପାଇଂ ୩୭୯, ସେହିପରି ୩୦୪(ଏ) ବଦଳରେ୧୦୬, ୩୦୪(ବି)-୮୦, ୩୦୬-୧୦୮,୩୦୯-୨୨୬, ୨୮୬-୨୮୭, ୨୯୪-୨୯୬, ୫୦୯-୭୯, ୩୨୩-୧୧୫, ଆରଡବ୍ଲ୍ୟ ୧୪୯--୧୯୦, ୩୨୪,୩୨୫,୩୨୬-୧୧୮,୩୩୮-୧୨୫ବଦଳରେ ରହିଅଛି । ପକ୍ସୋ, ଏସସି/ଏସଟି ଆଇନରେ ପରିବର୍ତ୍ତନ ହୋଇ ନାହିଁ । ରାସ୍ତା ରୋକ, ସଂଗଠିତ ଆକ୍ରମଣ ପାଇଁ କଠୋର ଦଣ୍ଡ ରହିଅଛି । ଜଣେ  ଆଗରୁ ଘଟଣା ଘଟିଥିବା ଥାନା ଅଧିନରେ ଜଣେ ପିଡିତା ଅଭିଯୋଗ କରିପାରୁଥିଲେ । କିନ୍ତୁ ବର୍ତ୍ତମାନ   କୌଣସି ଥାନାରେ ଅଭିଯୋଗ କରିପାରିବ । ଜଣେ ଅନ୍ ଲାଇନ ମାଧ୍ୟମରେ ଅଭିଯୋଗ କରିପାରିବ । ମାତ୍ର  ତିନି ଦିନ ମଧ୍ୟରେ ଥାନାରେ ପହଞ୍ଚି ତଦନ୍ତରେ ପୁଲିସକୁ ସହ ଯୋଗ କରିବ । ଅନ୍ୟଥା ତାଙ୍କର ଅଭିଯୋଗ ଖାରଜ ହେବା ଉପରେ ନୂତନ ଆଇନରେ ରହିଛି ।  ଉକ୍ତ କାର୍ଯ୍ୟକ୍ରମରେ ଗଣମାଧ୍ୟମର ପ୍ରତିନିଧି, ସଚେନତ ନାଗରୀକ, ବିଭିନ୍ନ ପଞ୍ଚାୟର ଲୋକ ପ୍ରତିନିଧି ଯୋଗ ଦେଇଥିଲେ । ସବ୍ ଇନ୍‌ପେକ୍ଟର ଟଙ୍କଧର ଛତିଆ, ଏଏସଆଇ ଏକାମ୍ର ନାହାକ ନୂତନ ଆଇନ ଓ ପୁରାତନ ଆଇନର ପାର୍ଥକ୍ୟ ଉପସ୍ଥାନ କରିଥିଲେ । ଶେଷରେ ଏଏସଆଇ ମହନ ବରିହା ଧନ୍ୟବାଦ ଅର୍ପଣ କରିଥିଲେ ।