03-Jul-2024

ସିନ୍ଧେକେଲା(ଦୀନେଶ ଜୈନ): ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଥାନାରେ  ଆମ ପୋଲିସ ସମିତି ବୈଠକ ଅନୁଷ୍ଠିତ ହୋଇଯାଇଛି। ଥାନାଧିକାରୀ ବସନ୍ତ ଦଳାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ନୂତନ ଆଇନ ପ୍ରଣୟନକୁ ସ୍ୱାଗତ କରାଯାଇଥିଲା।ପୋଲିସ ସମିତି ସଦସ୍ୟ ବଣିକ ସଙ୍ଘ ସଭାପତି ସୁବାଷ ଜୈନ ଓ ସହସମ୍ପାଦକ ଅନିଲ ତ୍ରିପାଠୀ ଥାନାଧିକାରୀଙ୍କୁ ଅଞ୍ଚଳର ସମସ୍ୟା ସମ୍ପର୍କରେ ଅବଗତ କରାଇଥିଲେ । ସମସ୍ୟା ଗୁଡିକ ମଧ୍ୟରେ ସ୍କୁଲ ସମୟରେ ଛାତ୍ରଛାତ୍ରୀଙ୍କ ସୁରକ୍ଷା ଦୃଷ୍ଟିରୁ ସକାଳ ୯ ଟାରୁ ୧୧ ପର୍ଯ୍ୟନ୍ତ ଓ ଅପରାହ୍ନ ୩ଟା ରୁ ୫ ଟା ପର୍ଯ୍ୟନ୍ତ ଭାରୀଯାନ ସିନ୍ଧେକେଲା ମିନି

ସହର ଭିତର କୁ ପ୍ରବେଶ ନିଷେଧ କରାଯିବା ପାଇଁ ପ୍ରସ୍ତାଵ ଦେବା ସହ ଚାନ୍ଦୋତରା ଛକରେ ଥିବା ଯାତ୍ରୀ ବିଶ୍ରାମ ଗୃହକୁ ଅକ୍ତିଆର କରିଥିବା ଙ୍କ ଠାରୁ ତାକୁ ଖାଲି କରିବା ଅହରହ ବାଲି ଚାଲାଣ ଯୋଗୁଁ ଉନ୍ଦେର ନଦୀ ପୋଲ ଉପରେ ବାଲି ଭର୍ତ୍ତି ହୋଇ ଯାଇଥିବାରୁ ତାକୁ ସଫା କରିବା ପାଇଁ ପ୍ରସ୍ତାବ ରଖାଗଲା । ବୈଠକରେ ଅନ୍ୟମାନଙ୍କ ମଧ୍ୟରେ ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ, ଯୁବାମଞ୍ଚ ସଭାପତି ଅମିତ ଜୈନ, ସମାଜସେବୀ ମଧୁସୂଦନ ପଣ୍ଡା, ନାଗରିକ କମିଟି ସଭାପତି ସୁରିୟା ସାହୁ , ତେରାପଂଥ ସଭା ଅଧ୍ୟକ୍ଷ ରାମ ଅବତାର ଜୈନ, ଝରିଆଲ ପୂର୍ବତନ ସରପଞ୍ଚ କୃଷ୍ଣ ସାହୁ, ତ୍ରିନ୍ନାଥ ସାହୁ, ଅମରେନ୍ଦ୍ର ନନ୍ଦ ପ୍ରମୁଖ ଜଗନ୍ନାଥ ବେହେରା ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଦୀର୍ଘ ବର୍ଷରୁ ସିନ୍ଧେକେଲା ଥାନାରେ ଥିବା ଏଏସ ଆଇ ଜୟଶଙ୍କର ଆଚାର୍ଯ୍ୟ ତାଙ୍କ ଚାକିରୀରୁ ଅବସର ନେଉଥିବାରୁ ତାଙ୍କୁ ଆଇଆଇସି ବସନ୍ତ ଦଳାଇଙ୍କ ଅଧ୍ୟକ୍ଷତାରେ ବିଦାୟକାଳୀନ ସମ୍ଭାର୍ଦ୍ଧନା ଦିଆଯାଇଥିଲା ।