02-Jul-2024

ବୋଡ଼େନ  (ରାମନାଥ ପଣ୍ଡା )
ଜଙ୍ଗଲ ବୃଦ୍ଧି,ସନ୍ତୁଳିତ ପାଣିପାଗ ଓ ଉପଯୁକ୍ତ ଜଳବାୟୁ ନିମିତ୍ତ ବନମହୋତ୍ସବ ସହ ଜନସଚେତନତା ଅତ୍ୟନ୍ତ ଜରୁରୀ ।ତେଣୁ ଓଡ଼ିଶା ସରକାରଙ୍କ ଯୋଜନାନୁଯାୟୀ ବନମହୋତ୍ସବ ସପ୍ତାହ ପାଳନ ହେଉଥିବାବେଳେ ଆଜି ନୂଆପଡ଼ା ଜିଲ୍ଲା ବୋଡ଼େନ ବ୍ଳକ ସ୍ଥିତ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟରେ ଖଡ଼ିଆଳ ବନଖଣ୍ଡ ଅଧିନରେ ଥିବା ବୋଡ଼େନ ସେକ୍ସନ ଦ୍ଵାରା ବିଦ୍ୟାଳୟରେ ଏକ୍ ପେଡ୍ ମାଁ କେ ନାମ୍ ଆଧାରରେ ବନମହୋତ୍ସବ ପାଳନ କାର୍ଯ୍ୟକ୍ରମର ସଭାରେ ଖରୀଆର ବନଖଣ୍ଡ ଅଧିକାରୀ ମହମ୍ମଦ ଅଜିଜ୍ ଖାନ (ଆଇ ଏଫ୍ ଏସ) ମୁଖ୍ୟ ଅତିଥି ଥିବା ବେଳେ ବୋଡ଼େନ ବି ଡି ଓ ପ୍ରିୟରଞ୍ଜନ କୁମାର ମୁଖ୍ୟ ବକ୍ତା , ବିଶିଷ୍ଟ ଅତିଥି ଭାବେ ବ୍ଲକ ଅଧ୍ୟକ୍ଷା ପ୍ରେମ ଶିଳା ନାଗ,ସମ୍ମାନିତ ଅତିଥି ରୂପେ ସ୍ଥାନୀୟ କଲେଜର ଅଧ୍ୟକ୍ଷ ହେମନ୍ତ କୁମାର ମୁଣ୍ଡ, ଖରୀଆର ରେଞ୍ଜର ସଂସ୍କୃତା ବଡ଼ନାୟକ,ଇଂରାଜୀ ଅଧ୍ୟାପକ ସାମୁଏଲ ଦାନି ମଞ୍ଚାସିନ ଥିଲେ ।

ଇତିହାସ ଅଧ୍ୟାପକ ଗୟାଧର ମହାନ୍ତି ଅତିଥିଙ୍କୁ ସ୍ବାଗତ ଜଣାଇବା ସହ ସ୍ବାଗତସମ୍ଭାଷଣ ରଖିଥିଲେ ।ଅଧ୍ୟାପକ ସାମୁ ଏଲ ଦାନୀ ମଞ୍ଚ ପରିଚାଳନା କରିଥିଲେ ।ଅତିଥିଙ୍କ ସମ୍ଭାଷଣ ପରେ ବିଦ୍ୟାଳୟରେ ପୂର୍ବରୁ ଆୟୋଜିତ ଦୁଇଟି ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛଅ ଜଣ ପ୍ରତିଯୋଗୀଙ୍କୁ ମଞ୍ଚା ସିନ ଅତିଥି ମାନଙ୍କ ମାଧ୍ୟମରେ ପୁରସ୍କୃତ କରାଯାଇଛି ।ସମ୍ପୂର୍ଣ୍ଣ ବ୍ଲକ ମଧ୍ୟରେ କେମିତି ବୃକ୍ଷ ରୋପଣ ହୋଇ ପାରିବ ତା'ରି  ପାଇଁ ନିୟମିତ ପ୍ରୟାସ କରୁଥିବା ଫରେଷ୍ଟର ଦୁର୍ଯ୍ୟୋଧନ ପ୍ରସାଦ ଦୀକ୍ଷିତ ଧନ୍ୟବାଦ୍ ଅର୍ପଣ କରିଥିଲେ । ତଦ୍ ପରେ ବିଦ୍ୟାଳୟର  ଚତୁଃପାର୍ଶ୍ଵରେ ବୃ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହେlଇଥିଲା।ଆଜିର କାର୍ଯ୍ୟକ୍ରମରେ ବିଦ୍ୟାଳୟର ଶହ ଶହ ଛାତ୍ର ଛାତ୍ରୀ ,ବିଦ୍ୟାଳୟର ଅଧ୍ୟାପକ ଅଧ୍ୟାପିକା,ଅନ୍ୟାନ୍ୟ ଷ୍ଟାଫ୍,ଫରେଷ୍ଟ ଗାର୍ଡ ପୁରୁଷୋତ୍ତମ ନାଗ ତଥା  ବନବିଭାଗୀୟ କର୍ମଚାରୀ ନନ୍ଦିନୀ ସୁନାନି,ସୁଦାମ କୁମାର ବାଗ,ତରୁଣ ତେଜି,ପି ଏନ ଜି ଓ ଷ୍ଟାଫ୍  ମଲ୍ଲିକାର୍ଯୁନ ମଲ୍ଲିକ ଓ ଯୋଶୀ ବାବୁ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ ରୂପାୟନ ଦେଇଥିଲେ ।