01-Jul-2024

ତରଭା (କପିଳାସ ସେଠ): ତରଭା ଥାନା ପରିସରରେ ଆଇ ଆଇ ସି ଅନିତା କିଡୋ ଙ୍କ ଅଧ୍ୟକ୍ଷତାରେ ନୂତନ ଭାରତର ନୂତନ ଆଇନ ସଚେତନତା ନେଇ  ନୂତନ ଅପରାଧିକ ଆଇନର କାର୍ଯ୍ୟକାରିତା ଭାରତୀୟ ନ୍ୟାୟ ସଂହିତା-୨୦୨୩  (ଇଣ୍ଡିଆନ ପେନାଲ କୋଡ଼ ୧୮୬୦ ବଦଳରେ )ଭାରତୀୟ ନାଗରିକ ସୁରେକ୍ଷା ସଂହିତା ୨୦୨୩ (କୋଡ଼ ଅଫ କ୍ରିମିନାଲ ପ୍ରୋସିଜିଓର ୧୯୭୩ ବଦଳରେ) ଭାରତୀୟ ସାକ୍ଷ୍ୟ ଅଧିନିୟମ ୨୦୨୩(ଇଣ୍ଡିଆନ ଏଭିଡେନ୍ସ ଆକ୍ଟ ୨୮୭୨ ବଦଳରେ)ନୂତନ ନିୟମ ଆଜି ଠାରୁ ଦେଶରେ ଲାଗୁ ହୋଇ ଥିବା ନେଇ  ସଚେତନତା ଓ ସୂଚନା ଆୟୋଜିତ ସଭାରେ ଆଇ.ଆଇ.ସି. କିଡୋ ପ୍ରକାଶ କରିଥିଲେ । ତରଭା ଜେ ଏମ ଏମ ଏଫ ସି. ର   ଏ ପି ପି. ଉମେଶ ନାଏକ, ଓକିଲ ସଂଘ ସଭାପତି ସୁରେଶ ମହଲା, ଏସ.ଆଇ ମରୁତ ଚନ୍ଦ୍ର ପଧାନ ମଞ୍ଚାସୀନ ହୋଇ ଥିଲେ I ଓକିଲ ସଂଘ ସଭାପତି ଶ୍ରୀ ମହଲା ଦେଶରେ ନୂତନ ନିୟମ କାର୍ଯ୍ୟକାରିତା ଉପରେ ମତ ରଖିଥିବା ବେଳେ ଦେଶରେ ଓକିଲଙ୍କ ଡ୍ରେସ କୋଡ଼ ର ପରିବର୍ତ୍ତନ ଆବଶ୍ୟକତା ରହିଛି ବୋଲି ଦେବେନ୍ଦ୍ର ନାଏକ ମତ ରଖିଥିଲେ I  ଏହା ପରେ ତରଭା ସହରରେ ସକାଳ ୯. ୩0ରୁ ୧୦ଟା ପର୍ଯ୍ୟନ୍ତ  ଏବଂ ଅପରାହ୍ନ ୩.୩୦ ରୁ ୪ଟା ପର୍ଯ୍ୟନ୍ତ ସହରର ମୁଖ୍ୟ ରାସ୍ତା ଓ ନୁଆଁପଡା ରାସ୍ତାରେ ଟ୍ରାଫିକ ସମସ୍ୟା ବୃଦ୍ଧି ପାଉଛି I  ରଥଯାତ୍ରା ସମୟରେ ଅଧିକ ପୋଲିସ ମୃତୟନ ସହ ଅସାମାଜିକ କାର୍ଯ୍ୟକଳାପ ବନ୍ଦ କରିବା I  ଖୁଲମଖୁଲା ଦେଶୀ ମଦ ବିକ୍ରି ସମେତ ବାଇକ ଚୋରି ,  ସହରରେ କଡାକଡ଼ି ଭାବ ରେ ପେଟ୍ରୋଲିଙ୍ଗ କରିବା ପାଇଁ ଉପସ୍ଥିତ କର୍ମକର୍ତ୍ତା, ଯୁବ ଗୋଷ୍ଠୀ ଆଇ ଆଇ ସି ଙ୍କ ଦୃଷ୍ଟିଆକର୍ଷଣ କରି ଆଲୋଚନା କରିଥିଲେ I  ଜୟପ୍ରକାଶ ନାରାୟଣ ସାହୁ, ରାମ ନାଏକ,  ମାହେଶ୍ୱରୀ ସଂଗଠନ ସଭାପତି ପ୍ରଦୀପ ମେହେରଙ୍କ ସମେତ ସଂଗଠନର ବହୁ ସଭ୍ୟ, ସାମ୍ବାଦିକ  ରାଜକୁମାର ମହାଣା, ରାଜେଶ ମେହେର, କପିଳାସ ସେଠ, କଲ୍ୟାଣ ନାଏକ, ନରୋତ୍ତମ ମଲ୍ଲିକ, ସୁକାନ୍ତ ମିଶ୍ର, ଭୋଳା ବର୍ମା, ଏ ଏସ ଆଇ ନିମାଇଁ ବାରିକ ଓ ସ୍ଥାନୀୟ ପୋଲିସ ଅଧିକାରୀ, କର୍ମଚାରି, ଯୁବଗୋଷ୍ଠୀଙ୍କ ସମେତ ବହୁ ବ୍ୟକ୍ତି ଉପସ୍ଥିତ ଥିଲେ  I ମେଣ୍ଡା ଫାଣ୍ଡି ଅଧିକାରୀ ଏସ ଆଇ ରବୀନ୍ଦ୍ର ସାହୁ ପରିଚାଳନା, ସ୍ୱାଗତ  ଓ ଧନ୍ୟବାଦ ଦେଇ ଥିଲେ I