07-Jun-2024

ସିନ୍ଧେକେଲା,(ଦୀନେଶ ଜୈନ)
 ପ୍ରଜାପିତା ବ୍ରହ୍ମାକୁମାରି ଈଶ୍ୱରୀୟ ବିଶ୍ୱ ବିଦ୍ୟାଳୟ ସିନ୍ଧେକେଲା ଉପ ସେବା କେନ୍ଦ୍ର ପକ୍ଷରୁ ବିଶ୍ୱ ପରିବେଶ ଦିବସ ଅବସରରେ ଝଣ୍ଡା ଉତ୍ତୋଲନ ସହ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ବ୍ରହ୍ମାକୁମାରି  ସଂସ୍ଥାର ମନୀଷା ଭଉଣୀ ଓ ଯମୁନା ଭଉଣୀଙ୍କ ନେତୃତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଥମେ ଉପ ସେବାକେନ୍ଦ୍ର ରେ ଝଣ୍ଡା ଉତ୍ତୋଳନ କରାଯାଇଥିଲା ପରେ ସ୍ଥାନୀୟ ଦ୍ୱାରସେହ୍ନି ମନ୍ଦିର ନିକଟ ଗ୍ରାମୀଣ ପାର୍କ ରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଶେଷ  ଅତିଥି ଭାବରେ ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ , ସମିତି ସଭ୍ୟ ତଥା ବ୍ଲକ ଅଧ୍ୟକ୍ଷ ପ୍ରତିନିଧି ଭୋଳାନାଥ ବେହେରା , ବଣିକ ସଙ୍ଘ ସଭାପତି ସୁବାଷ ଜୈନ , ଅଗ୍ରୱାଲ ସଭା ପୂର୍ବତନ ସଭାପତି ଫୁଲଚନ୍ଦ ଜୈନ , ସାମ୍ବାଦିକ ଦିନେଶ ଜୈନ , ମହିଳା ମଣ୍ଡଳର ବରିଷ୍ଠ ସଦସ୍ୟା ସରଲା ଜୈନ , ୱାଡ଼ ସଭ୍ୟ ନୂତନ ସାହୁ ପ୍ରମୁଖ ଯୋଗଦେଇ ବୃକ୍ଷ ହିଁ ଜୀବନ , ବୃକ୍ଷ ବିନା ମନୁଷ୍ୟ ବଞ୍ଚିବା କଷ୍ଟକର କାରଣ ବୃକ୍ଷ ବିନା ପ୍ରଦୂଷଣ ବଢ଼ିବାରେ ଲାଗୁଛି

ଯାହା ଫଳରେ ସ୍ୱାସ୍ଥ୍ୟ ଖରାପ ହେଉଛି ଏଣୁ  ଆମେ ସମସ୍ତେ ଗୋଟିଏ ଲେଖାଏଁ ବୃକ୍ଷରୋପଣ କରିବା ପାଇଁ ସଂକଳ୍ପ ନେବା ବୋଲି ମତ ଦେଇଥିଲେ । ମନୀଷା ଭଉଣୀ ସଭା କୁ ସମ୍ଭୋଦିତ କରି କହିଥିଲେ ଯେ ଆମ ଶରୀର ପୃଥ୍ବୀ , ଜଳ , ବାୟୁ , ଅଗ୍ନି ଓ ଆକାଶ  ଏହି ପାଞ୍ଚ ତତ୍ତ୍ଵ କି ମିଶି ତିଆରି ହୋଇଛି । ଏଣୁ ଏହି ପାଞ୍ଚ ତତ୍ତ୍ଵ ଯଦି ପ୍ରଦୂଷିତ ହୁଏ ତେବେ ଏହାର ପ୍ରଭାବ ଆମ ଶରୀର ଉପରେ ପଡିବ । ଏଣୁ ପରିବେଶ ସୁରକ୍ଷା ଅତ୍ୟନ୍ତ ଜରୁରୀ ।  ଶେଷରେ ସମସ୍ତେ ମିଶି ପାର୍କର ବିଭିନ୍ନ ଜାଗାରେ ଆୟୁର୍ବେଦ ଔଷଧୀୟ ବୃକ୍ଷରୋପଣ କରିଥିଲେ । କାର୍ଯ୍ୟକ୍ରମରେ ସଂସ୍ଥାରେ ଜଡିତ ଥିବା ସମସ୍ତ ସଦସ୍ୟ ଓ ସଦସ୍ୟା ବିଶେଷ ସହଯୋଗ କରିଥିଲେ ।