01-Jun-2024

ତରଭା(କପିଳାସ ସେଠ): ପଶ୍ଚିମାଞ୍ଚଲ ସମେତ ତରଭା ବ୍ଲକ ଅଞ୍ଚଳରେ ପ୍ରଚଣ୍ଡ ରୌଦ୍ରତାପ ବୃଦ୍ଧି ପାଇବ  ସହ ସନ୍ଧ୍ୟାରେ ଝାଂଜି ପବନ ବହୁ ଥିବାରୁ ଜନଜୀବନ ଅସ୍ତବ୍ୟସ୍ତ ହୋଇପଡୁଛି I ଦିନକୁ ଦିନ ତାପମାତ୍ରା ସଦାସର୍ବଦା ୪୫ରୁ ୪୬ଡିଗ୍ରୀ ତାପମାତ୍ରା ରହୁଛି I ଅଧିକାଂଶ ଅଞ୍ଚଳରେ ବନ୍ଧ, କଟା, ନାଳ, ଜୋର ଶୁଖିଲା ପଡିଛି  I ମଣିଷ ଠାରୁ ଆରମ୍ଭ କରି ପଶୁ, ପକ୍ଷୀ, ଜୀବ  ଜନ୍ତୁ ପାଣି ପାଇଁ ଡହକ ବିକଳ ହୋଇ ପଡୁଛନ୍ତି  I ପ୍ରଚଣ୍ଡ ରୌଦ୍ରତାପ ଓ ପାନୀୟ ଜଳ ଅଭାବ ଯୋଗୁଁ ଅଞ୍ଚଳ ରେ ଅଂଶୁଘାତ ଜନିତ ସମସ୍ୟା ସୃଷ୍ଟି ହେଉଛି  I ମିଲଥିବା ସୂଚନା ଅନୁଯାୟୀ ଅଂଶୁଘାତ ଜନିତ ମୃତ୍ୟୁ ହୋଇ ଥିବାର ଖବର ରହିଛି  I ତରଭା ପୋଲିସ ପକ୍ଷରୁ ସୂଚନା ଅନୁସାରେ ତରଭା ଥାନା ଅନ୍ତର୍ଗତ କୁମ୍ଭାର ମୁଣ୍ଡା ଗ୍ରାମପଂଚାୟତର ବଡଫଟାମୁଣ୍ଡା ଗ୍ରାମରେ ଅ°ଶୁଘାତରେ ଜଣେ ମହିଳାଙ୍କ ମୃତ୍ୟୁ ହୋଇଛି I  ମୃତା ମହିଳା ଜଣଙ୍କ ହେଲେ ବଡଫଟାମୁଣ୍ଡା ଗ୍ରାମର କରୁଣା ଅମାତଙ୍କ ସ୍ତ୍ରୀ  ରୁପକାନ୍ତୀ ଅମାତ (୫୦) ବୋଲି ଜଣାପଡିଛି।  ବର୍ତ୍ତମାନ କେନ୍ଦୁପତ୍ର ତୋଳା ସମୟ ହୋଇ ଥିବାରୁ ରୁପକାନ୍ତୀ ଗୁରୁବାର ସକାଳୁ କେନ୍ଦୁପତ୍ର ତୋଳିବା ପାଇଁ ଯାଇଥିଲେ। ପ୍ରଚଣ୍ଡ ଖରାରେ ବୁଲିବୁଲି କେନ୍ଦୁପତ୍ର ତୋଳି ମଧ୍ୟାହ୍ନରେ ଘରକୁ ଫେରିଥିଲେ। କିଛି ସମୟ ପରେ ସେ ଅସୁସ୍ଥତା ଅନୁଭବ କରି ବାନ୍ତି କରିଥିଲେ। ଅତ୍ୟଧିକ ଅସୁସ୍ଥତା ଅନୁଭବ କରି ଗୂରୁତର ହେବାରୁ ତାଙ୍କୁ ସନ୍ଧ୍ୟା ସମୟରେ ଚିକିତ୍ସା ପାଇଁ ତରଭା ଡାକ୍ତରଖାନାକୁ ଆଣିଥିଲେ। ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏସମ୍ପର୍କ ପୁଲିସ ଖବର ପାଇ ଡାକ୍ତରଖାନାରେ ପହଞ୍ଚି ଶବକୁ ଜବତ କରିଥିଲେ ମଧ୍ୟ ରାତି ହୋଇ ଯିବାରୁ ତଦନ୍ତ କରିପାରି ନ ଥିବା ବେଳେ ଶବ ବ୍ୟବଚ୍ଛେଦ ହୋଇ ପାରି ନ ଥିଲା  I ମହିଳାଙ୍କ ମୃତ୍ୟୁ ନେଇ  ପରିବାରଙ୍କ ପକ୍ଷରୁ ତରଭା ଥାନାରେ  ଲିଖିତ ଅଭିଯୋଗ ପରେ  ପୋଲିସ  ଆଜି ଶୁକ୍ରବାର  ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ଜଣାପଡ଼ିଛି।  ଦାୟିତ୍ୱ କମସରା ଫାଣ୍ଡି ଅଧିକାରୀ ଗଜାନନ ବେହେରା ଏହି ମାମଲା ତଦନ୍ତ ଦାୟିତ୍ୱ ଦିଆଯାଇ ଥିବାର  ଆଇ ଆଇ ସି ଅନିତା କିଡୋ ସୂଚନା ଦେଇଛନ୍ତି । ଏହି ପରି ବ୍ଲକର ବିଭିନ୍ନ ଗ୍ରାମରେ ଅଂଶୁଘାତ ଜନିତ ମୃତ୍ୟୁ ହେଉଥିଲେ ମଧ୍ୟ୍ୟ ଲୋକଙ୍କ ମଧ୍ୟ୍ୟରେ ସଚେତନତା ଅଭାବ ଯୋଗୁଁ ଲୋକଲୋଚନକୁ ଆସି ପାରୁନାହିଁ  I 
(ତରଭାରୁ କପିଳାସ ସେଠଙ୍କ ରିପୋର୍ଟ )