01-Jun-2024

ସଇଁତଲା(ପ୍ରେରଣା ଖବର ): ବର୍ତମାନ ପଶ୍ଟିମ ଓଡ଼ିଶାରେ ଅଗ୍ନିବର୍ଷା ଯୋଗୁଁ ସାଧାରଣ ଧନଜୀବନ ଅସ୍ତବ୍ୟସ୍ତ ହୋଇପଡିଛି। ଏତିକି ବେଳେ ଲୋକଙ୍କ ପିଇବା ପାଣି ସମସ୍ୟାକୁ ଦୂର କରିବା ପାଇଁ ଆଗକୁ ଆସିଛନ୍ତି ଜଣେ ମହାନୁଭବ । ସେ ହେଉଛନ୍ତି ବଲାଙ୍ଗୀର ଜିଲ୍ଲା ସଇଁତଲାର ବିଶିଷ୍ଟ ଶିଳ୍ପପତି ମଦନଲାଲ ଅଗ୍ରୱାଲ l ସଇଁତଲା ସହରରେ ଦୀର୍ଘ ଦିନରୁ ପାଣି ସମସ୍ୟା ଲାଗି ରହି ଥିବା ବେଳେ ଏବେ ସଇଁତଲା ଅଞ୍ଚଳରେ ପ୍ରବଳ ଖରା। ସଇଁତଲା ସହରରେ ପାଖାପାଖି ତାପମାତ୍ରା ୪୬ ଡିଗ୍ରୀ ରହୁଥିବା ବେଳେ ଟୋପାଏ ପାଣି ପାଇଁ ଲୋକେ ଡହକବିକଳ ହେଉଛନ୍ତି l ଏଭଳି ପରିସ୍ଥିତିରେ ବିଶିଷ୍ଟ ସମାଜସେବୀ ମଦନଲାଲ ଅଗ୍ରୱାଲ ଖରାକୁ ଖାତିର ନକରି ଲୋକଙ୍କୁ ପାଣି ଯୋଗଇ ଦେଇଛନ୍ତି । ସଇଁତଲା ସହରର ଗିରିଗୋବର୍ଧନ ପଡା ଓ କଂଅରପଡାକୁ ପାଣି ଟାଙ୍କର ସାହାଯ୍ୟରେ ପ୍ରତ୍ୟକ ଦିନ ପିଇବା ପାଣି ଯୋଗାଇ ଦେଉଛନ୍ତି ମଦନଲାଲ l ଲୋକଙ୍କୁ ପ୍ରତ୍ୟକ ଦିନ ସକାଳ ୧୦ରେ  ଟାଙ୍କର ଯୋଗେ ପାଣି ଯୋଗାଇ ଦେଇ ସମସ୍ତଙ୍କ ମୁହଁରେ ହସ ଫୁଟାଇ ପାରିଛନ୍ତି ସେ । ତେବେ ମଦନ ଲାଲ  ଅଗ୍ରୱାଲଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।