29-May-2024

ସିନ୍ଧେକେଲା(ଦୀନେଶ ଜୈନ )- ଓଡିଶା ପ୍ରାନ୍ତୀୟ ଜୈନ ଶ୍ୱେତାମ୍ବର ତେରାପଂଥ ସଭାର ଅଧ୍ୟକ୍ଷ ନିର୍ବାଚନ ଅନୁଷ୍ଠିତ ହୋଇଯାଇଛି । ବଲାଙ୍ଗିର ରେ ବିରାଜମାନ କରିଥିବା ଜୈନ ତେରାପଂଥ ଧର୍ମସଙ୍ଘ ଆଚାର୍ଯ୍ୟଶ୍ରୀ ମହାଶ୍ରମଣଙ୍କ ଶୁସୀଷ୍ୟା ସମଣି ନିର୍ଦେଶୀକା ଜିନ ପ୍ରଜ୍ଞାଜି ଓ ସମଣି କ୍ଷାନ୍ତି ପ୍ରଜ୍ଞାଜି ଙ୍କ ସାନିଧ୍ୟରେ ଅନୁଷ୍ଠିତ ସଭାରେ ସର୍ବ ପ୍ରଥମେ ନମସ୍କାର ମହାମନ୍ତ୍ର ଦ୍ୱାରା କାର୍ଯ୍ୟକ୍ରମର ସୁଭାରମ୍ବ କରାଗଲା । ଅଧ୍ୟକ୍ଷ ମୁକେଶ ଜୈନଙ୍କ ଅଧ୍ୟକ୍ଷତାରେ ସମ୍ପାଦକ ଅନୁପ ଜୈନ , କୋଷାଧ୍ୟକ୍ଷ ସୁଦର୍ଶନ ଜୈନ ବିଗତ ୨ ବର୍ଷର ଆୟବ୍ୟୟ ର ହିସାବ କିତାବ ପ୍ରସ୍ତୁତ କରିଥିଲେ । ନୂତନ ଅଧ୍ୟକ୍ଷ ପଦ ପାଇଁ ଦୁଇଜଣ ପ୍ରାର୍ଥୀ ଥିବାରୁ ସିଏ ନରେନ୍ଦ୍ର ଜୈନ ଙ୍କୁ ନିର୍ବାଚନ ଅଧିକାରୀ ଦାୟିତ୍ବ ଦିଆଯାଇଥିଲା ଓ ତାଙ୍କ ନେତୃତ୍ୱରେ ମତଦାନ ଆରମ୍ବ ହୋଇଥିଲା । ପୁରା ପଶ୍ଚିମ ଓଡ଼ିଶାରେ ମୋଟ ଭୋଟର ୩୭୧ ଜଣ ରହିଥିବା ବେଳେ ୧୫୩ ଜଣ ମତଦାନ କରିଥିଲେ ସେଥିମଧ୍ୟରୁ ୨ ଟି ଭୋଟ ନାକଚ ହୋଇଥିଲା । ପ୍ରାର୍ଥୀ ବଲାଙ୍ଗୀର ର ମନୋଜ ଜୈନଙ୍କୁ ୯୧ ଖଣ୍ଡ ଭୋଟ ମିଳିଥିବା ବେଳେ ଅନ୍ୟ ପ୍ରାର୍ଥୀ ଟିଟିଲାଗଡ଼ର ଗୋବିନ୍ଦ ଜୈନଙ୍କୁ ୬୦ ଖଣ୍ଡ ଭୋଟ ମିଳିଥିଲା । ସେହିପରି ଭାବରେ ମନୋଜ ଜୈନ ୩୧ ଖଣ୍ଡ ଭୋଟ ଅଧିକା ପାଇବାରୁ ତାଙ୍କୁ ନିର୍ବାଚନ ଅଧିକାରୀ ନୂତନ ଅଧ୍ୟକ୍ଷ ଘୋଷଣା କରିଥିଲେ । ନୂତନ ଅଧ୍ୟକ୍ଷ ଭାବେ ବିଜୟୀ ହୋଇଥିବା ମନୋଜ ଜୈନ ତାଙ୍କ ପ୍ରତିକ୍ରିୟାରେ ସଂଘୀୟ କାର୍ଯ୍ୟ ପାଇଁ ଆଗାମୀ ଦିନରେ ବିଭିନ୍ନ ପ୍ରକାର କାର୍ଯ୍ୟ କରିବା ପାଇଁ ପ୍ରକାଶ କରିଥିଲେ । ସମ୍ପାଦକ ଅନୁପ ଜୈନ ମଞ୍ଚ ପରିଚାଳନା କରିଥିବାବେଳେ  ମହାସଭା ଆଞ୍ଚଳିକ ପ୍ରଭାରୀ ଛତ୍ରପାଳ ଜୈନ , ପ୍ରାନ୍ତୀୟ ସଭା କୋଷାଧ୍ୟକ୍ଷ ସୁଦର୍ଶନ ଜୈନ , ସହ ସମ୍ପାଦକ ସୁନିଲ ଜୈନ , ମହାସଭା କାର୍ଯ୍ୟକାରିଣୀ ସଦସ୍ୟ ଭୁପେନ ଜୈନ , କଣ୍ଟାବାଞ୍ଜି ଶାଖା ଅଧ୍ୟକ୍ଷ ଯୁବରାଜ ଜୈନ , ବଲାଙ୍ଗିର ସଭା ଅଧ୍ୟକ୍ଷ ଧୁବ ଜୈନ , ତୁଷୁରା ସଭା ଅଧ୍ୟକ୍ଷ ଅଶୋକ ଜୈନ , ସାୱାରିଆ ଜୈନ , ଗଣେଶ ଜୈନ , ସଞ୍ଜୟ ଜୈନ , ପ୍ରସନ୍ନ ଜୈନ , ନରେନ୍ଦ୍ର ଜୈନ , ମାଣିକ ଚନ୍ଦ୍ର ଜୈନ ,  ସମେତ ଟିଟିଲାଗଡ଼ , କଣ୍ଟାବାଞ୍ଜି , ସିନ୍ଧେକେଲା , ବଙ୍ଗୋମୁଣ୍ଡା , ନବରଙ୍ଗପୁର , ରାୟଗଡା , ସଇଁନ୍ତଲା , କେସିଙ୍ଗା , ବେଳପଡା ଗ୍ରାମର ବହୁ ଜୈନ ଧର୍ମାବଲମ୍ବୀ ଲୋକମାନେ କାର୍ଯ୍ୟକ୍ରମରେ ସାମିଲ ହୋଇଥିଲେ । ମନୋଜ ଜୈନ ପ୍ରାନ୍ତୀୟ ସଭା ନୂତନ ଅଧ୍ୟକ୍ଷ ନିର୍ବାଚିତ ହେଲାପରେ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟୁଛି । ସେ ତାଙ୍କର କାର୍ଯ୍ୟକାରିଣୀ କମିଟି ଗଠନ କଲାପରେ ଶପଥ ଗ୍ରହଣ କରିବେ ବୋଲି ସୂଚନା ମିଳିଛି