20-May-2024

ନୂଆପଡ଼ା - (ରାମନାଥ ପଣ୍ଡା)ଗତକାଲି ନୂଆପଡ଼ା ଜିଲ୍ଲା କୋମନା ଥାନା ବିରୁନପଦର ଛକ ନିକଟରେ ବାଇକ ଦୁର୍ଘଟଣାରେ ଜଣେ ସିଆରପିଏଫ ଯବାନଙ୍କ ମୃତ୍ୟୁ ଘଟିଥିଲା। ମୃତ ଯବାନ ଜଣକ ହେଲେ ବୋଡ଼େନ ଥାନା ଖୀରମାଲ ଗାଁର ଚୈତନ୍ୟ ଶବର।ଚୈତନ୍ୟ ନୂଆପଡ଼ା ଆରପିଏଫ ୨୧୬ ବ୍ୟାଟଲିୟନ ଅଧୀନରେ ସୁନାବେଡ଼ା ଅଭୟାରଣ୍ୟ ଦାତୁନାମା କ୍ୟାମ୍ପରେ ନିୟୋଜିତ ଥିଲେ। ଗତକାଲି ମଧ୍ୟାହ୍ନରେ ଚୈତନ୍ୟ ବାଇକରେ କୌଣସି କାମରେ  କୋମନାକୁ ଆସିଥିଲେ। । ଅପରାହ୍ନରେ ଫେରିବା ବେଳେ ଏନଏଚ ୩୫୩  ବିରୁନପଦର ଛକରେ ଏକ ଟ୍ରକ ତାଙ୍କୁ ପଛପଟୁ ଧକ୍କା ଦେଇଥିଲା। ଏଥିରେ ବାଇକରୁ ସେ  ଛିଟିକି ପଡ଼ି ଗୁରୁତର ଆହତ ହୋଇ ହୋଇଥିଲେ। ତାଙ୍କର ମୁଣ୍ଡରେ ଗୁରୁତର କ୍ଷତ ସହ ଗୋଡ ଭାଙ୍ଗି ଯାଇଥିଲା। କୋମନା ପୁଲିସ ତାଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲା,ଅବସ୍ଥା ଖରାପ ଦୃଷ୍ଟିରୁ ପରେ ତାଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସା କିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ସନ୍ଧ୍ୟାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧିନ ଅବସ୍ଥାରେ ଚୈତନ୍ୟଙ୍କ ମୃତ୍ୟୁ ଘଟିଥିଲା। ଆଜି ଶବ ବ୍ୟବଚ୍ଛେଦ ପରେ ତାଙ୍କ ଗାଁ କୁ ଆଣି ଶବ ସତ୍କାର କରାଯାଇଥିଲା। ଶବ ପହଞ୍ଚିବା ପରେ ଗାଁ ରେ ଶୋକର ଛାୟା ଖେଳି ଯାଇଥିଲା । ମୃତ ଚୈତନ୍ୟ ଶବରଙ୍କୁ ସି ଆର୍ ପି ଏଫ୍ ୨୧୬ ବାଟାଲିୟନ କମାଣ୍ଡାଣ୍ଟ ଇରିକ ଗିଲବର୍ଟ ଯୋଶୀ,ସେକେଣ୍ଡ ଇନ କମାଣ୍ଡାଣ୍ଟ ଏସ ଜେ ନାୟାର, ଡି ଆର୍. ଯାଦବ, କମାଣ୍ଡିଙ୍ଗ ଅଫିସର ଟି.ନିତ୍ୟନନ୍ଦମ୍ ତଥା ସମସ୍ତ ସି ଆର୍ ପି ଏଫ୍ ଯବାନଙ୍କ ଉପସ୍ଥିତିରେ ଗାର୍ଡ ଅଫ ଅନର୍ ଦେଇ ଶବସତ୍କ।ର  କରାଯାଇଥିଲା ।ଏନେଇ ପୁଲିସ କୋମନା ଥାନାରେ ଏକ ମାମଲା ରୁଜୁ କରି ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରି ତଦନ୍ତ ଜାରି ରଖିଥୁବା ସୂଚନା ଦେଇଛନ୍ତି।