09-May-2024

ସୋନପୁର, ତା. ୯/୫- (ପ୍ରେରଣା ଖବର)ଯୁଦ୍ଧ ସ୍ଥଳୀରୁ ଶାନ୍ତି କ୍ଷେତ୍ର ପର୍ଯ୍ୟନ୍ତ ପରିବ୍ୟାପ୍ତ ବିଶ୍ୱ ସ୍ତରୀୟ ଅନୁଷ୍ଠାନ ରେଡକ୍ରସ ମହାବାତ୍ୟା, ପ୍ରାକୃତିକ ବିପର୍ଯ୍ୟୟ, ମାହାମାରୀ, ବ୍ୟକ୍ତିତ୍ୱ ସଂଗଠନ ଭଳି ବିଭିନ୍ନ କାର୍ଯ୍ୟକୁ ସବୁବେଳେ ସଂପାଦନ କରିଆସିଛି । ରେଡକ୍ରସ ପ୍ରତିଷ୍ଠାତା  ହେନେରୀ ଡୁନାଂଟଙ୍କ ଜନ୍ମଦିନ ମଇ ୮ ତାରିଖ କୁ ବିଶ୍ୱବ୍ୟାପୀ ରେଡକ୍ର ଦିବସ ରୂପରେ ପାଳନ କରାଯାଇଥାଏ । ଏହି କ୍ରମରେ ସୁବର୍ଣ୍ଣ ଜିଲ୍ଲା ଜୁନିୟର ରେଡକ୍ରସ ତରଫରୁ ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇଙ୍କ ଆହ୍ୱାନ ତଥା ପରାମର୍ଶକ୍ରମେ ସ୍ଥାନୀୟ ବ୍ଲକ ଛକ ଠାରେ ରେଡକ୍ରସ ଦିବସ ପାଳିତ ହୋଇଯାଇଛି । ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ମଞ୍ଜୁଲତା ଭୋଇ ମୁଖ୍ୟ ଅତିଥି ଭାବରେ ଯୋଗଦେଇ ହେନେରୀ ଡୁନାଂଟଙ୍କ ଫଟୋଚିତ୍ର ରେ ପୁଷ୍ପମାଲ୍ୟ ଅର୍ପଣ କରିବା ସହିତ ପୂଜାର୍ଚ୍ଚନା କରିଥିଲେ ଓ ଜନସାଧାରଣଙ୍କ ଉଦ୍ଦେଶ୍ୟରେ ଆୟୋଜିତ ହୋଇଥିବା ଜଳଛତ୍ରକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବରେ ଜିଲ୍ଲା ଜୁନିୟର ରେଡକ୍ର କମିଟୀ ଉପସଭାପତି ଗିତକୃଷ୍ଣ ମିଶ୍ର, ପ୍ରଧାନଶିକ୍ଷକ  କାଳିଆ କର୍ମି, ବୌଦ୍ଧ ଜିଲ୍ଲା ଘଂଟାପଡା ହାଇସ୍କୁଲର ପ୍ରଧାନଶିକ୍ଷକ  ପିତବାସ ପଣ୍ଡା, ଡିଏସଏସ ପର୍ଶୁରାମ ମେହେର ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ । ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ କାର୍ଯ୍ୟକ୍ରମକୁ ପରିଚାଳନା କରିଥିଲେ । ସାଧନକର୍ମି ଚନ୍ଦ୍ରମଣି ବାଘ, ଚନ୍ଦ୍ର ଶେଖର ମହାପାତ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ ।

ସୋନପୁର ମୂଖ ରାସ୍ତାରେ ପଥିକ ଓ ପଦାଚାରୀ ମାନଙ୍କୁ ଦହିସରବତ ବଂଟନ କରାଯାଇଥିଲା । ସୋନପୁର ଜିଲ୍ଲା ରକ୍ତ ସଂଗ୍ରହ କେନ୍ଦ୍ରରେ କାଉନସିଲର ମାନେ ରକ୍ତଦାନ କରିଥିଲେ । ଅଂଶୁଘାତ ସଂପର୍କରେ ଜନାସାଧାରଣଙ୍କୁ ସଚେତନ କରାଯାଇଥିଲା । ପ୍ରଧାନଶିକ୍ଷକ ଅକ୍ଷୟ କୁମାର ସାହୁ, ପ୍ରଧାନଶିକ୍ଷୟତ୍ରୀ ମଂଜୁ ଜଗଦଲା, ବାଳିକା ହାଇସ୍କୁଲର ବରିଷ୍ଠ ଶିକ୍ଷୟିତ୍ରୀ ପ୍ରଜ୍ଞା ପରମିତା ମିଶ୍ର, ସନ୍ତୋଷ ସାହୁ, ସାଧନକର୍ମି ଝସକେତନ ମେହେର, ହୃଷିକେଶ ଡାଙ୍ଗ, ଶେଷଦେବ ଛତ୍ର, ବିସିସି ଗୋପେ ପଣ୍ଡା, ନିମାଇ ଚରଣ ମଲ୍ଲୀକ, ପ୍ରହଲ୍ଲାଦ ନାୟକ, ବିଜୟ କୁମାର ପଣ୍ଡା, ବୈକୁଣ୍ଠ ନାୟକ, ପରାମର୍ଶଦାତା ହୃହିକେଶ ଚାନ୍ଦ, ହେମନ୍ତ ମେହେର, ବ୍ରତାନନ୍ଦ ଭୋଇ,ଅନୀତା ମହାରା, ଜଗଦୀଶ ଦାଶ, ନିତ୍ୟାନନ୍ଦ ସାହୁ ପ୍ରମୁଖ  କାର୍ଯ୍ୟକ୍ରମ ପରିଚାଳନାରେ  ସହଯୋଗ କରିଥିଲେ ।  ପରାମର୍ଶଦାତା ହୃହିକେଶ ଚାନ୍ଦ ଧନ୍ୟବାଦ ଅର୍ପଣ କରିଥିଲେ ।