07-May-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ)ବୌଦ୍ଧ ବନଖଣ୍ଡ କଣ୍ଟାମାଳ ରେଞ୍ଜ ବରପଦର ସେକ୍ସନ ଲମ୍ବସରି ଅଞ୍ଚଳରେ ଚଢ଼ାଉ କରି ବିପୁଳ ପରିମାଣର ଚଉକାଠ ସହ ଘଟଣାରେ ତିନୋଟି ବାଇକ୍ କୁ ଜବତ କରିଥିବା ବେଳେ ଘଟଣାରେ ସଂପୃକ୍ତ ଥିବା ୩ କାଠ ମାଫିଆ ଫେରାର ଥିବା ବନ ବିଭାଗ ପକ୍ଷରୁ କୁହାଯାଇଛି। ସୂଚନା ଅନୁସାରେ ବିଶ୍ଵସ୍ତ ସୂତ୍ରରୁ ଖବର ପାଇବରପଦର ଫରେଷ୍ଟର ବୁଲି ବେହେରାଙ୍କ ନେତୃତ୍ୱରେ ବନ ବିଭାଗର ଏକ ଟିମ୍ ଲମ୍ବସରି ଅଞ୍ଚଳର ଦେମୁହାନିରେ ଗତକାଲି ରାତିରେ ପେଟ୍ରୋଲିଂ କରୁଥିଲେ । ଉକ୍ତ ରାସ୍ତାରେ ୩ ବାଇକ ରେ ତିନି ଜଣ ଚଉକାଠ ଧରି ଆସୁଥିବା ବେଳେ ବନ କର୍ମଚାରୀ ମାନେ ତାଙ୍କୁ ଅଟକାଇଥିଲେ | ବନ କର୍ମଚାରୀଙ୍କୁ ଦେଖି ମାଫିଆ ମାନେ ଗାଡ଼ି ଛାଡ଼ି ଘଟଣା ସ୍ଥଳରୁ ଫେରାର ମାରିଥିଲେ | ସେମାନଙ୍କ ନିକଟରୁ ୨୫ ଖଣ୍ଡ ଚଉକାଠ ଜବତ କରିଥିବା ବେଳେ ୩ ବାଇକ୍ କୁ ଜବତ କରିଛିl ଘଟଣାରେ ବ୍ୟବହୃତ ଗୋଟିଏ ହିରୋ ଏଚ ଏଫ୍ ଡିଲକ୍ସ , ହିରୋ ହୋଣ୍ଡା ଡିଲକ୍ସ ଓ ବାଜାଜ୍ ଡିଷ୍କଭର୍ ବାଇକ୍ ଜବତ ହୋଇଥିବା ବନ ବିଭାଗ ପକ୍ଷରୁ ସୂଚନା ମିଳିଛି | ଏହି ଚଢ଼ାଉରେ ଫରେଷ୍ଟର ବୁଲି ବେହେରା, ଫରେଷ୍ଟ ଗାର୍ଡ ସୁନିଲ ପ୍ରଧାନ , ତୋଫାନ ମହାକୁଡ, ଜୟକୃଷ୍ଣ ମହାକୁଡ, ପରମେଶ୍ବର ପ୍ରଧାନ ପ୍ରମୁଖ ସାମିଲ ଥିଲେ | ଏ ସମ୍ପର୍କରେ ବନ ବିଭାଗ ପକ୍ଷରୁ ଏକ ମାମଲା ରୁଜ୍ଜୁ କରାଯାଇ ଅଧିକ ତଦନ୍ତ ଜାରି ରହିଛି |