07-May-2024

ସିନ୍ଧେକେଲା(ଦୀନେଶ ଜୈନ): କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ଦ୍ୱାରସେହ୍ନି ମନ୍ଦିର ସମ୍ମୁଖ ମେନରୋଡ଼ରେ ସିନ୍ଧେକେଲା ଜୋନସ୍ତରୀୟ ବିଜେଡି ନେତୃବୃନ୍ଦଙ୍କ  ଉପସ୍ଥିତିରେ ବିଜେଡି ନିର୍ବାଚନ କାର୍ଯ୍ୟାଳୟ ଉଦଘାଟିତ ହୋଇଯାଇଛି । ବିଜେଡି ଜିଲ୍ଲା ଉପ ସଭାପତି ଉମାକାନ୍ତ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଘାଟନୀ କାର୍ଯ୍ୟକ୍ରମରେ 

ବଙ୍ଗୋମୁଣ୍ଡା ବ୍ଲକ ବିଜେଡି ପର୍ଯ୍ୟବେକ୍ଷକ ଦେବେନ୍ଦ୍ର ଦାସ ପହଞ୍ଚି ଉକ୍ତ ୨୦୨୪ ସାଧାରଣ ନିର୍ବାଚନ ପାଇଁ କାର୍ଯ୍ୟାଳୟର ଫିତା କାଟି ଶୁଭ ଉଦଘାଟନ କରିଥିଲେ । କଣ୍ଟାବାଞ୍ଜି ବିଧାନସଭା ନିର୍ବାଚନ ମଣ୍ଡଳୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତଥା ବିଜେଡି ସୁପ୍ରିମୋ ନିଜେ ବିଧାୟକ ପ୍ରାର୍ଥୀ ହୋଇଥିବା ହେତୁ ବହୁ ଉତ୍ସାହର ସହିତ ଶତାଧିକ କର୍ମୀଙ୍କ ଗହଣରେ କାର୍ଯ୍ୟାଳୟ ଉଦଘାଟନ କରାଗଲା। ଏହି ଅବସରରେ କଣ୍ଟାବାଞ୍ଜି ପୂର୍ବତନ ବିଧାୟକ ପ୍ରାର୍ଥୀ ଅଜୟ ଦାସ, ବିଜେଡିର ସିନ୍ଧେକେଲା ଅଞ୍ଚଳର ଭୀଷ୍ମ ପିତାମହ ମୁନିରାଜ ଜୈନ, ବିଜେଡି ଜିଲ୍ଲା ଉପ ସଭାପତି ବୁଲୁ ସିଂଦେଓ, ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ, ରୂପେଶ ବେହେରା, ରାଜ୍ୟ ସଭା ସାଂସଦ ପ୍ରତିନିଧି ତଥା ସିନ୍ଧେକେଲା ବଣିକ ସଙ୍ଘ ସଭାପତି ସୁବାଷ ଜୈନ, ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ, ଅଲଣ୍ଡା ସରପଞ୍ଚ ଯୁବରାଜ ବାଗ, ଅରସାତୁଲା ସରପଞ୍ଚ ସଞ୍ଜୟ ପୁଟେଲ, ଝଲପ ସରପଞ୍ଚ ଗୋବିନ୍ଦ ପୁଟେଲ, ଠେମରା ସରପଞ୍ଚ ଲକ୍ଷ୍ମୀଧର ବାଗ, ଗନ୍ଧରଲା ସରପଞ୍ଚ ପ୍ରଦୀପ ଜାଳ, ଦେଢ଼ଗାଁ ସରପଞ୍ଚ ଯୋସିଏଲ ସେନାପତି, ଗଣ୍ଡା ବେହେରା, ରାଜା ଅରୁଣ ସିଂଦେଓ,  ଦିଲୀପ ପାଣ୍ଡିଆ, ବ୍ଲକ ଯୁବ ବିଜେଡି ସଭାପତି ଭକ୍ତବନ୍ଧୁ ବେହେରା , ପବିତ୍ର ରଣା , ବଙ୍ଗୋମୁଣ୍ଡା ବ୍ଲକ ବିଜେଡି ମହିଳା ନେତ୍ରୀ ଅନିତା ଦଣ୍ଡସେନା , ଦେବରାଜ ଦଣ୍ଡସେନା , ଲଳିତ ସାହୁ, ପୂର୍ବତନ ସମିତି ସଭ୍ୟ ବିସମ୍ବର ସାହୁ , ଭିକାରୀ ବେହେରା, ବାବୁଲାଲ ଅଦା , ଦ୍ରୋପଦ ନାଏକ, ପୂର୍ବତନ ବ୍ଲକ ଅଧ୍ୟକ୍ଷ ପୂର୍ଣ୍ଣଚନ୍ଦ୍ର ବେହେରା, ପୂର୍ବତନ ଦେଢ଼ଗାଁ ସରପଞ୍ଚ ସୁଶୀଲ ସାହୁ , ରାଜିନ୍ଦ୍ର ଛୁରା, ଅମିତ ସାହୁ, ସଞ୍ଜୟ ବାଗ, ମନୋଜ ଅଗ୍ରୱାଲ, ନୟନ ବେହେରା , ନେତ୍ର ବେହେରା, ପ୍ରଦୀପ ପୁଟେଲ, ସନ୍ତୋଷ ନାଗ, ଉଦୟ ନାଗ, ବେଣୁ ବେହେରା, ଗୌରାଙ୍ଗ ମହାନନ୍ଦ, ଫକୀର ତ୍ରିପାଠୀ, ରାମ ଅବତାର ଜୈନ ପ୍ରମୁଖଙ୍କ ସହ ଶତାଧିକ ଜନସାଧାରଣ ସାମିଲ ହୋଇଥିଲେ । ଉଦଘାଟନୀ ଅବସରରେ ଝଲପ ପଂଚାୟତର ବିଜେପି ନେତା ସତ୍ୟବାନ ସାହୁ, ପବିତ୍ର ସାହୁ, ସତ୍ୟ ନାରାୟଣ ସାହୁ, ମହେନ୍ଦ୍ର ସାହୁ , ନାଏବ ସରପଞ୍ଚ ଝସକେତନ 

ବାରିକ ପ୍ରମୁଖ ବିଜେଡିର ଯୋଗଦାନ କରିଥିଲେ । ସେମାନଙ୍କୁ ବିଜେଡି ପକ୍ଷରୁ ପୁଷ୍ପମାଲ୍ୟ ସହ ସମ୍ମାନିତ କରାଯାଇଥିଲା । ଉକ୍ତ ସଭାରେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ପ୍ରାର୍ଥୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଲକ୍ଷ୍ୟାଧିକ ଭୋଟରେ ତଥା ବଲାଙ୍ଗୀର ସାଂସଦ ପ୍ରାର୍ଥୀ ସୁରେନ୍ଦ୍ର ସିଂଦେଓଙ୍କୁ ବିପୁଳ ଭୋଟରେ ବିଜୟୀ କରିବା ପାଇଁ ଆହ୍ୱାନ ନେତାମାନେ ଦେଇଥିଲେ ।