12-Apr-2024

ଆଗଲପୁର, (ବିନୋଦ କୁମାର ଦୀପ) ବିଗତ କିଛି ଦିନ ଧରି ଲାଗି ରହିଥିବା ଅଦିନିଆ ବର୍ଷା ରେ ବହୁ ପରିମାଣ ରେ ଡାଲି ଜାତୀୟ ଫସଲ ନଷ୍ଟ ହୋଇ ଥିବାର ଦେଖିବାକୁ ମିଳିଛି। ଅଦିନିଆ ଝିପି ଝିପି ବର୍ଷା ସହିତ ପବନ ବହିବା ଯୋଗୁଁ ବହୁ ଫସଲ ନଷ୍ଟ ହୋଇ ଯାଇଛି l ଅଦିନିଆ ବର୍ଷା ହେବା ଫଳରେ ଚାଷୀ ମୁଣ୍ଡରେ ଚଡ଼କ ପଡ଼ିଯାଇଛି l ମୁଣ୍ଡରେ ହାତ ଦେଇ ହତାଶ ହୋଇଯାଇଛି ଚାଷୀ। ଏ ସବୁ ହେବାସତ୍ତ୍ବେ ମଧ୍ୟ ବ୍ଲକ୍ କୃଷି ବିଭାଗ ହାତ ବାନ୍ଧି ବସି ଥିବାର ଦେଖିବାକୁ ମିଳିଛି l ସରକାରଙ୍କ ଦ୍ଵାରା ଯୋଗାଇ ଦିଆ ଯାଉଥିବା ସାର, କୀଟନାଶକ ଔଷଧ ମଧ୍ୟ ଚାଷୀ ଙ୍କୁ ମିଲୁ ନଥିବା ଚାଷୀମାନେ ଅଭିଯୋଗ କରିଛନ୍ତି l ଚାଷୀ ମାନଙ୍କର ଆଉ ଏକ ସାଙ୍ଘାତିକ ଅଭିଯୋଗ ହେଉଛି ଯେଉଁମାନେ ପ୍ରକୃତ ମୁଗବିରି ଚାଷ କରି ନାହାନ୍ତି ସେମାନଙ୍କୁ ସାହାଯ୍ୟ ମିଳୁଥିବା ବେଳେ ଯେଉଁମାନେ ଚାଷ କରିଛନ୍ତି ସେମାନଙ୍କୁ ପ୍ରକୃତ ସହାୟତା ମିଳୁନାହିଁ ବୋଲି ଚାଷୀମାନେ ଅଭିଯୋଗ କରିଛନ୍ତି l ଏ ବିଷୟରେ ଆମ୍ଭେ ବ୍ଲକ କୃଷି ଅଧିକାରୀ ଙ୍କୁ ଭେଟି ପ୍ରତିକ୍ରିୟା ଦେବାକୁ କହିଥିଲୁ ହେଲେ ସେ ପ୍ରତିକ୍ରିୟା ଦେବାକୁ ମନା କଲେ l ଆଉ କହିଥିଲେ ଯେ ଯେଉଁମାନେ ମୁଗବିରୀ ଚାଷ ପାଇଁ ଵୀମା କରିଛନ୍ତି ସେମାନେ ସାହାଯ୍ୟ ପାଇ ପାରିବେ ବୋଲି ସଫେଇ ଦେଇଥିଲେ। ଅଭିଯୋଗ ସମ୍ପର୍କରେ ପଚାରିବାରୁ ମୋ ପାଖକୁ କୌଣସି ଅଭିଯୋଗ ଆସିନାହିଁ ଯଦି ଏଭଳି କିଛି ହୋଇଛି ତା ହେଲେ ଏହା ଉପରେ ତଦନ୍ତ କରାଯାଇ ଉଚିତ୍ ପଦକ୍ଷେପ ନେବାକୁ କହିଛନ୍ତି l