11-Apr-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ସହର ସ୍ଥିତ ଶାରଦା ଭବନ ଠାରେ ଆଜି କୋଶଳ ମୁକ୍ତି ମୋର୍ଚ୍ଚା ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା।ଡିଙ୍ଗର କୁମ୍ଭାର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ବରଗଡ଼ର କୋଶଳ ସଂଗ୍ରାମୀ ଦମଣୀ ଦନ୍ତା,ପ୍ରତିଶ ଦାସ, ଅଂଶୁମାନ ନନ୍ଦ,ନନ୍ଦନ ମହାନନ୍ଦ ,ଜନସନ ନାଗ,ସୁବାସ ଆଚାର୍ଯ୍ୟ, ଶାନ୍ତନୁ ବୁଦ୍ଧିଆ ,ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ। ଏଥିରେ ପାଟଣାଗଡ଼ ନିର୍ବାଚନ ମଣ୍ଡଳୀର ଦାଦନ ସମସ୍ୟା, ଶିଳ୍ପ କାରଖାନା, ସ୍ବାସ୍ଥ୍ୟ,ବୈଷୟିକ ଶିକ୍ଷା, ଧନ୍ଦାମୂଳକ ଶିକ୍ଷା, ପାନୀୟ ଜଳ ସମସ୍ୟା, ବିଦ୍ୟୁତ ସମସ୍ୟା ଆଦି ସମସ୍ୟାର ସମାଧାନ ଦିଗରେ ଭାରତ ସ୍ଵାଧିନତା ର ଦୀର୍ଘ ୭୫ ବର୍ଷ ବିତିଯାଇଥିଲେ ସୁଦ୍ଧା  ନିର୍ବାଚିତ ଜନପ୍ରତିନିଧି ଙ୍କ ଇଚ୍ଛା ଶକ୍ତି ଅଭାବ ଯୋଗୁଁ ସମସ୍ୟାର ସମାଧାନ ହୋଇପାରିନାହିଁ। ଅନ୍ୟପକ୍ଷେ ଅଞ୍ଚଳ ରେ ଖଣି ଖାଦାନ ଭର୍ ପୂର ଥିବା ବେଳେ ଶିଳ୍ପବୀହିନ ହେତୁ ଲୋକେ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି କୋଶଳ ସଂଗ୍ରାମୀ ନେତା ମାନେ ମନ୍ତବ୍ୟ ଦେଇଛନ୍ତି। ସ୍ବତନ୍ତ୍ର କୋଶଳ ରାଜ୍ୟ ଗଠନ କଲେ ପଶ୍ଚିମାଞ୍ଚଳ ର ସବୁ କ୍ଷେତ୍ରରେ ଉନ୍ନତି ହୋଇପାରିବା ସହ ସମସ୍ୟାର ସମାଧାନ ଦିଗରେ ସ୍ବର ଉଠାଇବା ପାଇଁ ଆଗାମୀ ନିର୍ବାଚନରେ କୋଶଳ ସଂଗଠନ ରୁ ବିଧାୟକ ପ୍ରାର୍ଥୀ ଚୟନ କରାଯାଉଥିବାବେଳେ ପାଟଣାଗଡ଼ ନିର୍ବାଚନ ମଣ୍ଡଳୀ ପାଇଁ ସମାଜସେବୀ ବଲରାମ ବଗର୍ତ୍ତି ଙ୍କୁ କୋଶଳ ମୁକ୍ତି ମୋର୍ଚ୍ଚା ପକ୍ଷରୁ ପ୍ରାର୍ଥୀ ଚୟନ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ଘୋଷଣା କରାଯାଇଛି। ବଲରାମ ବଗର୍ତ୍ତି ଙ୍କ କହିବା ଅନୁଯାୟୀ ମୁଁ ଛୋଟ ବେଳୁ ଦେଖି ଆସୁଅଛି ଯେ ଆମ ବଲାଙ୍ଗିର ଜିଲ୍ଲା ବହୁ ଅବହେଳିତ ହୋଇ ପଡିରହିଥିବା ବେଳେ ଲୋକେ କାମଧନ୍ଦା ନ ପାଇ ବାହାର ରାଜ୍ୟକୁ ଦାଦନ ଖଟିବାକୁ ଯାଇ ଅନେକ ନିର୍ଯ୍ୟାତନା ର ଶିକାର ହୋଇଛନ୍ତି। ଅନେକ ଦାଦନ ଶ୍ରମିକ ନିର୍ଯ୍ୟାତିତ ହୋଇ ହାତ ଗୋଡ ହରାଇବା ସହ ମୃତ୍ୟୁବରଣ କରି କାହା ଶବ ଭିଟା ମାଟି କୁ ଫେରିପାରୁଛିତ କାହା ଶବ ସେଠି ଯାଯାବର ଭଲି ଶ୍ବାନ,ଶୃଗାଳ ଝାଂପି ଖାଇଦେଉଛନ୍ତି । ଯେତେବେଳେ ଏ ବିଷୟରେ ପରିବାର ଲୋକଙ୍କ ପାଖକୁ ଖବର ଆସୁଛି ତ ଶୁଣିଲା ମାତ୍ରେ ଆଖିରୁ ଧାର ଧାର ହୋଇ ଲୁହ ଗଢ଼ି ଉଠୁଛି ।  ଏସବୁକୁ ଦୃଷ୍ଟି ରେ ରଖି ମୁଁ ଇଞ୍ଜିନିୟରିଂ ପାଠପଢି ଚାକିରି ନକରି ଲୋକଙ୍କ ସେବା ରେ ନିଜକୁ ସମର୍ପିତ କରିଦେଇଥିବା ବେଳେ ମୁଁ ଜଣେ ନିର୍ବାଚିତ ପ୍ରାର୍ଥୀ ହୋଇ ଅଞ୍ଚଳର ଲୋକଙ୍କ ସାଧାରଣତଃ ମୌଳିକ ସମସ୍ୟା କୁ ନେଇ ବିଧାନସଭାରେ ସ୍ବରଉତ୍ତୋଳନ କରିବି ବୋଲି ଆଶା ରଖିଛି । ପୂର୍ବରୁ ଶାସକ ଦଳ ରେ ପ୍ରାର୍ଥୀ ହୋଇ ଛିଡା ହେବି ବୋଲି ଭାବିଥିଲି । କିନ୍ତୁ ଭାଗ୍ୟରେ ନ ଥିଲା। ତଥାପି ମୁଁ ହାର ମାନିନି ସେଥିପାଇଁ ଆଜି ମୁଁ କୋଶଳ ମାଁ ମାଟି ପାଇଁ ଲଢେଇ କରିବି ବୋଲି ପ୍ରତିଜ୍ଞା ନେଇଛି। ଆଜି ମାଁ ପାଟେଣେଶ୍ଵରୀ , ସମଲେଶ୍ଵରୀ, ସୁରେଶ୍ଵରୀ,ଦଶମତୀ ଙ୍କ ଠାରେ ଶପଥ କରି କୋଶଳ ମୁକ୍ତି ମୋର୍ଚ୍ଚା ପକ୍ଷରୁ ପାଟଣାଗଡ଼ ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢି ଆପଣ ମାନଙ୍କ ଆର୍ଶିବାଦ ନେଇ ବିଜୟ ହେବି ବୋଲି ମୁଁ ଆଶା କରେ । କୋଶଳ ମୁକ୍ତି ମୋର୍ଚ୍ଚା ପକ୍ଷରୁ ପୁଷ୍ପମାଳ୍ୟ ଅର୍ପଣ କରି ବଲରାମ ବଗର୍ତ୍ତି ଙ୍କୁ ସ୍ବାଗତ କରାଯାଇଥିଲା । ଏଥିରେ ଶତାଧିକ କୋଶଳ ସଂଗ୍ରାମୀ ,ପ୍ରେମୀ , ବୁଦ୍ଧିଜିବୀ ଯୋଗଦାନ କରି କାର୍ଯ୍ୟ କୁ ଉପଭୋଗ କରିଥିଲେ ।