06-Apr-2024

ବଲାଙ୍ଗୀର (ପ୍ରେରଣା ଖବର )  ତା. ୦୬/୦୪: ଗ୍ରୀଷ୍ମୠତୁରେ ରକ୍ତର ଆବଶ୍ୟକତାକୁ  ଲକ୍ଷ୍ୟ କରି ଶିଶୁ ଓ ମହିଳା ବିକାଶ ସୋସାଇଟି ତରଫରୁ ସ୍ୱେଚ୍ଛାକୃତ ରକ୍ତଦାନ ଶିବିର ବଲାଙ୍ଗୀର ଭୀମଭୋଇ ମେଡିକାଲ ଓ ହସ୍ପିଟାଲର ପରିସରରେ ଥିବା ରକ୍ତ ସଂଗ୍ରହ କେନ୍ଦ୍ରରେ  ଅନୁଷ୍ଠିତ ହୋଇଯାଇଛି ।  ଶିଶୁ ଓ ମହିଳା ବିକାଶ ସୋସାଇଟି (ସିଡବ୍ଲୁଡିଏସ୍‌)ର ଅଧ୍ୟକ୍ଷ ମେଜର ଡ. କଳ୍ପନା ଦାଶଙ୍କର ପ୍ରତ୍ୟକ୍ଷ ତତ୍ତ୍ୱାବଧାନରେ  ସ୍ୱେଚ୍ଛାକୃତ  ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । 

କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ  ଭାରତୀୟ ମାରୱାଡ଼ି ମହିଲା ସମାଜ , ବଲାଙ୍ଗୀର ଶାଖାର ସଭାପତି ଲକ୍ଷ୍ମୀ ଅଗ୍ରୱାଲ  ଓ ସମ୍ମନିତ ଅତିଥି ଭାବରେ ଶିକ୍ଷକ ଘନଶ୍ୟାମ ମେହେର ଓ ଶିକ୍ଷକ ଦୁର୍ଯୋଧନ ପାଶୟତ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ ।  ଶିବିରରେ ସ୍ୱେଚ୍ଛାକୃତ ଭାବରେ ୫୦ ଜଣ ରକ୍ତଦାନ କରିଥିଲେ  । 

ଏହି ଅବସରରେ ରକ୍ତଦାତା ଭାବରେ ଯଦୁମଣି ବଗର୍ତ୍ତୀ  ଓ ଚନ୍ଦ୍ର ଶେଖର ସେଠକୁ ସମ୍ମର୍ଦ୍ଧିତ କରାଯାଇଥିଲା । ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ ରାମ ନାରାୟଣ ଦାଶ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସଦସ୍ୟ ପ୍ରଭାକର ଛନ୍ଦ  ଧନ୍ୟବାଦ ଅର୍ପଣ କରିଥିଲେ ।