29-Mar-2024

 କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ  ବ୍ଲକ୍ ଅନ୍ତର୍ଗତ ଖଟଖଟିଆ ଗ୍ରାମ ପଞ୍ଚାୟତ ସ୍ଥିତ   ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ବାର୍ଷିକୋତ୍ସବ ଶ୍ରୀ ଜଗନ୍ନାଥ ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି  l  ସକାଳେ ମା ପନ୍ଥେଇଙ୍କ ପୀଠରେ ପୂଜାର୍ଚ୍ଚନା ପରେ ନାମ ସଙ୍କୀର୍ତ୍ତନ ସହ ଏକ ମଶାଲ ଶୋଭାଯାତ୍ରା ଗ୍ରାମ ପରିକ୍ରମା ପରେ ଉତ୍ସବ ମଣ୍ଡପରେ ପହଞ୍ଚିଥିଲା । ସମାଜସେବୀ ବିଜିତ କୁମାର ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ବାର୍ଷିକୋତ୍ସବର କାର୍ଯ୍ୟକ୍ରମକୁ ଉଦଘାଟନ କରିଥିଲେ  ।  ମଧ୍ୟାହ୍ନରେ ସମସ୍ତ ଅପା,ଭାଇମାନଙ୍କୁ ନେଇ ଏକ ପାଠ୍ୟ ଚକ୍ର ଅନୁଷ୍ଠିତ ହୋଇଥିଲା  l  ଭଉଣୀ ସାଗରିକା ପ୍ରଧାନ ଦୁର୍ଗା ସ୍ତୋତ୍ର ଓ ମାତୃ ମନ୍ତ୍ର ଆବୃତ୍ତି ଓ ଜିଲ୍ଲା ସଂଯୋଜକ ରାମ ପ୍ରସାଦ କର୍ଣ୍ଣ ସ୍ବାଗତ ଅଭିଭାଷଣ ରଖିଥିଲେ   l   ଆଲୋଚୋକ ଭାବେ ଗୌରୀ ପ୍ରସାଦ ସାହୁ,ବିରେନ୍ଦ୍ର ଭୂଷଣ ମେଣ୍ଡିଲି, ଦିଲ୍ଲୀପ କୁମାର କର୍ଣ୍ଣ ପ୍ରମୁଖ ଯୋଗଦେଇ  ପୂର୍ଣ୍ଣାଙ୍ଗ ଶିକ୍ଷା ର ଆଭିମୁଖ୍ୟ ଉପରେ ବକ୍ତବ୍ୟ ରଖିଥିଲେ  l ସଂଧ୍ୟାକାଳୀନ ଅଧିବେଶନରେ  ମୁଖ୍ୟ ଅତିଥି ଭାବରେ   ବୌଦ୍ଧ ଜିଲ୍ଲାପରିଷଦ ଉପାଧ୍ୟାକ୍ଷ ଶଙ୍କର୍ଷଣ ପ୍ରଧାନ ମୁଖ୍ୟଅତିଥି ଓ ଭଞ୍ଜ ନଗର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ର ବିବେକ ଭାଇ ମୁଖ୍ୟ ବକ୍ତା ଏବଂ ରାମ ପ୍ରସାଦ କର୍ଣ୍ଣ, ସମାଜସେବୀ ରାଧାକାନ୍ତ ମହାଳିକ , ଶ୍ରୀ ଜଗନ୍ନାଥ ଉଚ୍ଚ ବିଦ୍ୟା ପୀଠର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ଯଜ୍ଞସେନି ଖେତୀ , ସିଆରସିସି ଶଶାଙ୍କ ପୋଢ଼, ସ୍କୁଲ ପରଚାଳନା ସଭାପତି ଗଣେଶ ବାରିକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ  l  ଏହିଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ପ୍ରତିଭାଧାରୀଙ୍କୁ  ଟ୍ରଫି, ମାନପତ୍ର,ଉପଢୌକନ ଦେଇ ସମ୍ମାନିତ କରାଯାଇଥିଲା  l  ଅନୁଷ୍ଠାନର ଉପଦେଷ୍ଟା ରଂଜନ କୁମାର ପାତ୍ର ସଭା ସଂଯୋଜନା ଓ ସୁରେନ୍ଦ୍ର କର୍ଣ୍ଣ ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ l ବିଦ୍ୟାଳୟ ଛାତ୍ର ଛାତ୍ରୀ ମାନଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ ହୋଇଥିଲା  l   ସ୍କୁଲ ଅଧକ୍ଷ ଜଗନ୍ନାଥ କ୍ଷେତି,ସଂପାଦକ ଲଳିତ କୁମାର ବସ୍ତିଆ, ନେପାଳ ଚନ୍ଦ୍ର ପଲିଆ, ସତ୍ୟ ନାରାୟଣ ଖେତି, ସୁମିତ ସାହୁ,ମନୋଜ ସେଠୀ,  ଗୁପ୍ତେଶ୍ୱର ଖେତି,ସଙ୍ଗୀତା ଅପା ,କଲ୍ୟାଣୀ, ଅନୂଷୟା,ମମତା ପ୍ରମୁଖ ସହୋଯୋଗ କରିଥିଲେ  l