22-Mar-2024

ବୌଦ୍ଧ (ଜୟାନନ୍ଦ ମିଶ୍ର ): ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଚାରିଛକସ୍ଥିତ ପୁରୁଣାକଟକ ଥାନା ପରିସରରୁ ଶୁକ୍ରବାର ରାତିରେ ପୁରୁଣାକଟକ ବନାଞ୍ଚଳ କର୍ମଚାରୀ ଏକ ଜଙ୍ଗଲୀ କୁଟୁରାକୁ ଉଦ୍ଧାର କରିଥିବା ଜଣାପଡିଛି।ସୂଚନା ଅନୁସାରେ ଆଜି ରାତି ପ୍ରାୟ ୮.୩୦ ସମୟରେ ନିକଟସ୍ଥ ପାରାପିଟ ଜଙ୍ଗଲରୁ ଏକ ଜଙ୍ଗଲୀ କୁଟୁରା ପୁରୁଣାକଟକ ଥାନା ପରିସରକୁ ପଶି ଆସି ଏକ କ୍ୱାର୍ଟର ଭିତରେ ପଶି ଅlସି ଥିଲା । ଏ ନେଇ ପୁରୁଣାକଟକ ଥାନା ଆଈ. ଆଈ. ସି ପୁରୁଣାକଟକ ରେଞ୍ଜ ଅଫିସରକୁ ଖବର ଦେଇଥିଲେ। ଖବର ପାଇ ପୁରୁଣାକଟକ ବନପାଳ ଗୋବର୍ଦ୍ଧନ ମେହେର, ଚାରିଛକ ବନପାଳ ବିଜୟାନନ୍ଦ ସାହୁ, ବନପାଳ ସତୀଶ ରଞ୍ଜନ କମ୍ପ ସ୍କ୍ୱାର୍ଡ ଟିମ ପହଁଚି କୁଟୁରାଟିକୁ ଜୀବନ୍ତ ଉଦ୍ଧାର କରିଥିଲେ। ପରେ ପୁରୁଣାକଟକ ପ୍ରାଣୀଚିକିତ୍ସା କେନ୍ଦ୍ରକୁ କୁଟୁରାକୁ ନେଇ ସ୍ୱାସ୍ଥ୍ୟ ଅବସ୍ଥା ଯାଞ୍ଚ କରାଯାଇଥିଲା। ଆସନ୍ତାକାଲି ଆଉ ଥରେ କୁଟୁରାର ସ୍ୱାସ୍ଥ୍ୟ ଅବସ୍ଥା ଯାଞ୍ଚ ପରେ ତାକୁ ଜଙ୍ଗଲରେ ଛଡାଯିବ ବୋଲି ବନବିଭାଗ ପକ୍ଷରୁ ସୂଚନା ମିଳିଛି। ଉଦ୍ଧାର କୁଟୁରାଟି ପୁରୁଷ ବର୍ଗର ହୋଇଥିବା ବେଳେ ବୟସ ୨ବର୍ଷରୁ ଅଧିକ ହେବ ବୋଲି ସୂଚନା ମିଳିଛି।