22-Mar-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ଆଜି ବଲାଙ୍ଗିର ଜିଲ୍ଲା ପାଟଣାଗଡ଼ ନିର୍ବାଚନମଣ୍ଡଳୀର ବେଲପଡା ବ୍ଳକ ନୁନହାଡ ସ୍ଥିତ ଆମ୍ବତୋଟା ଠାରେ  ଜୋନ୍ ନଂ ୨୫ ସ୍ତରୀୟ କଂଗ୍ରେସ କର୍ମୀ ସମ୍ମିଳନୀ ସହ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ କଂଗ୍ରେସ ବ୍ଳକ ସଭାପତି ପତିତପାବନ ପ୍ରଧାନ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ  ପିସିସି ସଭ୍ୟ ଅନିଲ କୁମାର ମେହେର ଯୋଗଦେଇ ଉପସ୍ଥିତ କର୍ମୀ ମାନଙ୍କୁ 

ଉଦବୋଧନ ଦେଇଥିଲେ । କେନ୍ଦ୍ର ଓ ରାଜ୍ୟ ସରକାରଙ୍କ ଅପାରଗତା ଶୋଷଣ ନୀତି ଉପରେ ଉଦବୋଧନ ଦେବା ସହ କଂଗ୍ରେସ ସରକାରଙ୍କ ନୀତି ଆର୍ଦଶରେ ୧୫୦/୨୦୦  କର୍ମୀ କଂଗ୍ରେସ ଦଳରେ ସାମିଲ ହୋଇଥିବା ବେଳେ ଦଳୀୟ ପତାକା ଦେଇ କର୍ମୀ ମାନଙ୍କୁ ସ୍ବାଗତ କରିଥିଲେ । ଉକ୍ତ କାର୍ଯ୍ୟକ୍ରମରେ ବନମାଳୀ ମେହେର, ଚନ୍ଦନ ସାହୁ, ସାଧୁଚରଣ ମେହେରଙ୍କ ସମେତ ୨ ହଜାରରୁ ଉର୍ଦ୍ଧ୍ବ କର୍ମୀ ଉପସ୍ଥିତ ଥିଲେ । ମୁଖ୍ୟ ଅତିଥି ନିଜ ବକ୍ତବ୍ୟରେ କହିଥିଲେ ଯେ ଦୀର୍ଘ ୨୫ ବର୍ଷ ଧରି ରାଜ୍ ପରିବାର ରାଜୁତି କରି ଆସୁଥିଲେ କିନ୍ତୁ ଅଞ୍ଚଳର କୌଣସି ବିକାଶ ହୋଇନଥିବାରୁ ୨୦୧୯ ମସିହାରେ ଜନସାଧାରଣ ପରିବର୍ତ୍ତନଶୀଳ କରିବା ପାଇଁ ବିଜେଡି ବିଧାୟକଙ୍କ ଉପରେ ବିଶ୍ବାସ ରଖି ବିଜୟ କରାଇଛନ୍ତି। କିନ୍ତୁ ବିଧାୟକଙ୍କ କାର୍ଯ୍ୟ କାଳରେ ଅଫିସର୍ ରାଜ ଚାଲୁଥିବା ବେଳେ ସାଧାରଣ ଜନତାଙ୍କ ପ୍ରତି ଦୃଷ୍ଟିଗୋଚର ହୋଇ ପାରୁ ନାହିଁ l

 ସରକାରୀ କର୍ମଚାରୀମାନେ ଦୀର୍ଘ ଦିନ ଧରି ଗୋଟିଏ ସ୍ଥାନରେ ରହି ଜନତାଙ୍କ ପ୍ରତି ଉଚିତ ବ୍ୟବହାର ପ୍ରଦର୍ଶନ କରୁନାହାନ୍ତି କି ଠିକ୍ ଭାବରେ କାର୍ଯ୍ୟ ତୁଲାଉନାହାନ୍ତି । ଯଦି ସରକାରୀ କର୍ମଚାରୀଙ୍କ ଜୁଲମ ହଟାଇବା ପାଇଁ ଚାହୁଁଛନ୍ତି ତାହେଲେ ୨୦୨୪ ନିର୍ବାଚନ ରେ କଂଗ୍ରେସ ବିଧାୟକ ଜିତାଇ ନିଜକୁ ନିଜେ ଜଣେ ଅନିଲ ମେହେର ଭାବନ୍ତୁ ବୋଲି ପରାମର୍ଶ ଦେଇଛନ୍ତି।ଅନିଲ ମେହେର ଙ୍କ ଏଭଳି ପ୍ରତିକ୍ରିୟା ଶୁଣି ଜନସାଧାରଣରେ ଖୁସିର ମାହୋଲ ଖେଳିଯାଇଛି।