22-Mar-2024

ସିନ୍ଧେକେଲା(ଦୀନେଶ ଜୈନ ):ବଙ୍ଗୋମୁଣ୍ଡା ଓ ସିନ୍ଧେକେଲା ନିକଟବର୍ତ୍ତି ଗ୍ରାମ ପତ୍ରାପାଳି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଲୁକ୍କାୟିତ ହେଉଥିବା କଳା ସଂସ୍କୃତିର ପୁନରୁଦ୍ଧାର ପାଇଁ ଛାତ୍ରଛାତ୍ରୀ ମାନଙ୍କୁ ନେଇ ଏକ ଜନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ ପଦ୍ମନ ପ୍ରଧାନୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ତଥା ଓଡିଶା ସଙ୍ଗୀତ ନାଟକ ଏକାଡେମୀ ଦ୍ୱାରା ସ୍ୱୀକୃତି ପ୍ରାପ୍ତ ଓଡିଶୀ ସଂଗୀତ ଓ ଲୋକନୃତ୍ୟ ଗୁରୁ ପ୍ରକୃତି ବନ୍ଧୁ ରବୀନ୍ଦ୍ର ସାଏଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ ବିଦ୍ୟାଳୟର ଶତାଧିକ ଛାତ୍ରଛାତ୍ରୀ ଭାଗ ନେଇ ଗ୍ରାମାଞ୍ଚଳରେ ଲୁପ୍ତ ହୋଇ ଯାଉଥିବା ହଳିଆ ଗୀତ , ଝିଅ ମାନଙ୍କ ହୁମୋ ଖେଳ , ଦଶହରାର ଡାଲଖାଇ ଗୀତ , ଯାଇଫୁଲ , ରସକଦମ , ସଜନୀ , ବଉଳି ଆଦି ପରିବେଷଣ କରିଥିଲେ । ଛାତ୍ରୀ ଜସ୍ମିତା ରଣା , ରୁକ୍ମଣୀ ନାଗ , ପ୍ରଜ୍ଞା ପ୍ରମିତା ନାଗ , ବେବି ନାଗ ,

ଅନିତା ଗହୀର ପ୍ରମୁଖ ଡାଲଖାଇ ଓ ଯାଇଫୁଲ ନୃତ୍ୟ ପରିବେଷଣ କରି ସମସ୍ତଙ୍କୁ ସଚେତନତାର ବାର୍ତ୍ତା ଦେଇଥିଲେ । ଛାତ୍ରୀ ବୀଣା ଗହୀର , ଓ କ୍ଷୀରବତୀ ତାଣ୍ଡି ରସକଦମ ନୃତ୍ୟ ପରିବେଷଣ କରି ଦର୍ଶକଙ୍କୁ ବିମୋହିତ କରିଥିଲେ । ଶିକ୍ଷକ ରବୀନ୍ଦ୍ର ନାଏକ ଓ ଶିକ୍ଷୟିତ୍ରୀ ପ୍ରିୟତ୍ତମା ଯାନୀ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଶିକ୍ଷକ ଶ୍ରୀକର ବେହେରା , ଲକ୍ଷ୍ମୀ ନାରାୟଣ ଛତରିଆ , ମୃତୁଞ୍ଜୟ କୁଆଁର , ସାଗର ନାହକ ପ୍ରମୁଖ ସହଯୋଗ କରିଥିଲେ ।