21-Dec-2020

ଟିଟିଲାଗଡ଼,(ପ୍ରେରଣା ଖବର) - ଟିଟିଲାଗଡ ଥାନା ଅନ୍ତର୍ଗତ ଘୋଡ଼ାର ଗ୍ରାମର ଜଣେ ଯୁବତୀଙ୍କୁ ବିବାହ ପାଇଁ ପ୍ରସ୍ତାବ ଦେଇଥିବା ପରିବାର ସହ ବିବାହ କରିବାକୁ କନ୍ୟାପକ୍ଷ ନାରାଜ  ହୋଇ ଥିବା ବେଳେ ଉକ୍ତ ଯୁବକ ଓ ତାଙ୍କ କିଛି ବନ୍ଧୁ ଆସି ଉକ୍ତ ଯୁବତୀଙ୍କୁ ଅପହରଣ କରିନେଇ ଯିବା ନେଇ ଟିଟିଲାଗଡ ଥାନାରେ ଏତଲା ଦିଆଯାଇଛି। ସୂଚନା ଅନୁଯାୟୀ, ଟିଟିଲାଗଡ ଥାନା ଅନ୍ତର୍ଗତ ଘୋଡ଼ାର ଗ୍ରାମର କେତୁସ୍ୟାମ କଟା ନାମକ ଜଣେ ଯୁବକ ତାଙ୍କ ଭଉଣୀ ଗୁଲମି କଟା(୧୯)ଛଦ୍ମନାମ ଙ୍କ ବିବାହ ପାଇଁ ଟିଟିଲାଗଡ ଥାନା ଅନ୍ତର୍ଗତ ମହଗାଁ ଗ୍ରାମର ସମ୍ରାଟ ବନଚୋର (୨୨) ସହ ଉଭୟ ପରିବାର ତରଫରୁ ବିବାହ ପାଇଁ ଆଲୋଚନା ଚାଲିଥିଲା । ହେଲେ କିଛି ସ୍ଥିର ହୋଇପାରି ନଥିବା ବେଳେ ଉକ୍ତ ଯୁବକ ସାମ୍ରାଟ ଓ ତାର କିଛି ବନ୍ଧୁ ଯୋଜନାବଦ୍ଧ ଭାବେ ମିଶି ଗତ ୧୩ ତାରିଖ ଦିନ ଭୋର ରାତି ପ୍ରାୟ ୪ ଟା ସମୟରେ ଲୁଚି ଆସି ଘର ବାରି ରୁ ଜୋରଜବରଦସ୍ତ ଅପହରଣ କରି ନେଇ ଏକ  ବୋଲେରୋ ଯୋଗେ ଫେରାର ହୋଇଯାଇଥିଲେ । ଏ ନେଇ ପରିବାର ଅନେକ ଖୋଜାଖୋଜି କରି କିଛି ସୂଚନା ନ ପାଇ ଟିଟିଲାଗଡ ଥାନାରେ ଏତଲା ଦେଇଛନ୍ତି । ତେବେ ବର୍ତ୍ତମାନ ଉକ୍ତ ଯୁବତୀଙ୍କୁ ଅପହରଣ କରି ନେଇ ଉକ୍ତ ବିବାହ ପ୍ରସ୍ତାବ ଦିଆଯାଇଥିବା ଯୁବକ ସାମ୍ରାଟ ନିଜ ଘରେ ବଳପୂର୍ବକ ଅଟକ ରଖିଥିବା ଯୁବତୀଙ୍କ ଭାଇ କେତୁସ୍ୟାମ ଲିଖିତ ଅଭିଯୋଗ କରିଛନ୍ତି । ଏ ନେଇ ଏକ ମାମଲା ରୁଜ୍ଜୁ କରାଯାଇଥିବା ସୂଚନା ମିଳିଛି । ତେବେ ବର୍ତ୍ତମାନ ପୋଲିସ ଏ ନେଇ ତଦନ୍ତ ଆରମ୍ଭ କରିଥିବା ଜଣାଯାଇଛି।