18-Feb-2024

ବଲାଙ୍ଗୀକ୍ସ(ପ୍ରେରଣା ଖବର)-ରାଜ୍ୟସରକାରଙ୍କ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନାରେ ଆଜି ବଲାଙ୍ଗୀର ଜିଲ୍ଲାରୁ ରାଜସ୍ଥାନର ଆଜମେର ଓ ପୁସ୍କରକୁ ମାଗଣାରେ ତୀର୍ଥଯାତ୍ରାର ଶୁଭାରମ୍ଭ କରାଯାଇଛି । ଜିଲ୍ଲା ପର୍ଯ୍ୟଟନକାର୍ଯ୍ୟାଳୟଠାରୁ ଏକ ଭବ୍ୟ ସମାରୋହ ପରେ ମୁଖ୍ୟଅତିଥି ଭାବରେ ଯୋଗଦେଇଥିବା ଅତିରିକ୍ତ ଜିଲ୍ଲାପାଳ ଡ.ବିଜୟକୁମାର ସେଠୀ ସମ୍ବଲପୁର ପର୍ଯ୍ୟନ୍ତ ନେଉଥିବା ବସକୁ ପତାକା ଦେଖାଇ ଶୁଭାରମ୍ଭ କରାଯାଇଛି ।

ବଲାଙ୍ଗୀରରୁ ଏହି ତୀର୍ଥଯାତ୍ରାରେ ୧୭୭ଜଣ ପୁରୁଷ ଓ ମହିଳା ଯାଇଛନ୍ତି । ୩ଜଣ ତତ୍ୱାବଧାରକଙ୍କ ସହ ଏମାନେ ଆଜି ବଲାଙ୍ଗୀରରୁ ୫ଟି ବସରେ ସମ୍ବଲପୁର ପର୍ଯ୍ୟନ୍ତ ଯାଇଛନ୍ତି । ସେଠାରୁ ରାତିରେ ଏକ ସ୍ୱତନ୍ତ ଟ୍ରେନରେ ରାଜସ୍ଥାନର ଆଜମେର ପର୍ଯ୍ୟନ୍ତ ଯିବେ । ସେଠାରୁ ପୁସ୍କରକୁ ଯାଇ ଭାରତର ଏକମାତ୍ର ବ୍ରହ୍ମାମନ୍ଦିର ବୁଲି ଆସନ୍ତା ୨୪ ତାରିଖ ସକାଳେ ଫେରିବେ । ଜିଲ୍ଲା ପର୍ଯ୍ୟଟନ ଅଧିକାରୀ ରବିନ୍ଦ୍ରକୁମାର ଦଳେଇଙ୍କ ସଭାପତିତ୍ୱରେ ଅନୁଷ୍ଠିତ ଅନୁଷ୍ଠିତ ସଭାରେ ବରିଷ୍ଠନାଗରିକ ତୀର୍ଥଯାତ୍ରାର ମହତ୍ୱ

ବିଷୟରେ ଅତିରିକ୍ତ ଜିଲ୍ଲାପାଳ ଡ.ସେଠୀ ବୁଝାଇ ସମସ୍ତଙ୍କୁ ଫୁଲମାଳ ଦେଇ ସମ୍ମର୍ଦ୍ଧିତ କରିଥିଲେ । ସମସ୍ତେ କିଭଳି ଶାନ୍ତିଶୃଙ୍ଖଳାର ସହିତ ଯାଇ ଭଗବାନଙ୍କ ଦର୍ଶନ କରି ଶୁଭରେ ଫେରିଆସିବେ ବୋଲି ଶୁଭମନାସୀଥିଲେ । ସମ୍ମାନୀତ ଅତିଥି ଭାବରେ ଡେପୁଟି କଲେକ୍ଟର ରାଜେନ୍ଦ୍ର ନାୟକ ଯୋଗଦେଇଥିବା ବେଳେ ଶେଷରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସରୋଜକୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।