14-Feb-2024

ବେଲପଡ଼ା(ପୁର୍ଣ୍ଣ ଶଶୀ ଶେଖର ରାଓ ): ଯାହା ଦୁନିଆଁ କୁ ଜଣାଇ କି ଆସିଥାଏ ତାହା ହେଉଛି ଜୀବନ ଆଉ ଯାହା ହଠାତ୍ ଆସିଥାଏ ତାହା ହେଉଛି ମୃତ୍ୟୁ। ମୃତ୍ୟୁ କେତେବେଳେ କେଉଁ ପରିସ୍ଥିତିରେ ଆସିବ କେହି କହିପାରିବେ ନାହିଁ । ଏମିତି ଏକ ଘଟଣା ଘଟିଥିଲା ବଲାଙ୍ଗିର ଜିଲ୍ଲା ବେଲପଡା ବ୍ଲକ କାନୁଟ ଗାଁ ଅଦାବରିଆ ପରିବାର ରେ। ସୂଚନା ଅନୁସାରେ ଗତ ଶନିବାର ୧୦ ତାରିଖ ଦିନ ପୂଜା ପାଇଁ ସନ୍ଧ୍ୟା ସମୟରେ ବତି ଜାଳି ଘରେ ଟିଭି ଦେଖୁଥିବାବେଳେ ମାଡି ଆସିଥିଲା ବିପଦ ସିଲିଣ୍ଡର ରୁ ଗ୍ୟାସ୍ ଚାରିଆଡ଼େ ବ୍ୟାପିଯାଇଥିଲା। ଉକ୍ତ ଗ୍ୟାସ୍ ଆଉ ଦୀପ ନିଆଁରେ ଚାରିଆଡ଼େ ବିସ୍ଫୋରଣ ଘଟିଥିଲା । ଏଥିରେ ପରିବାର ର ଛଅ ଜଣ ସଦସ୍ୟ ଭାନୁମତୀ ଅତାବରିଆ,ପ୍ରେମରାଜ ଅତାବରିଆ, ଭୈରବୀ ଅତାବରିଆ,ମାଲତୀ ଅତାବରିଆ, ଭାଗ୍ୟବତୀ ଜାଲ ପ୍ରମୁଖ ଗୁରୁତର ଆହତ ହୋଇଥିବା ବେଳେ ସେମାନଙ୍କୁ କଣ୍ଟାବାଞ୍ଜି ଡାକ୍ତରଖାନାକୁ ନିଆଯାଇଥିଲା। ସେଠାରେ ଅବସ୍ଥା ସଙ୍କଟାପନ୍ନ ଥିବା ବେଳେ ବଲାଙ୍ଗିର ଭୀମ ଭୋଇ ମେଡିକାଲ ସ୍ଥାନାନ୍ତରିତ କରାଯାଇଥିଲା ପରେ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ପୁଣି ସେଠାରୁ ଉତ୍ତମ ଚିକିତ୍ସା ନିମନ୍ତେ ରାଉରକେଲାର ଏକ ପ୍ରାଇଭେଟ୍ ମେଡିକାଲ କୁ ନିଆଯାଇଛି। କିନ୍ତୁ ମୃତ୍ୟୁ ସହ ସଂଗ୍ରାମ କରି କରି ଭାନୁମତୀ ଅତାବରିଆ (୫୫) ସୋମବାର ଦିନ ଆଖି ବୁଜି ଦେଇଛନ୍ତି। ତାଙ୍କ ମରଶରୀରକୁ ଆଜି କାନୁଟ ଗାଁ ରେ ଅନ୍ତିମ ସଂସ୍କାର କରାଯାଇଛି। ଏବଂ ଆଉ ପାଞ୍ଚ ଜଣ ରାଉରକେଲାରେ ଚିକିତ୍ସିତ ହେଉଥିବା ଜଣାପଡ଼ିଛି ।