13-Feb-2024

କନ୍ଧମାଳ, (ପ୍ରେରଣା ଖବର) କନ୍ଧମାଳ ଜିଲ୍ଲା ରୁ ସୁଲୋଚନା ଦିଗାଲ ଙ୍କ ରିପୋର୍ଟ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ମୁଖ୍ୟାଳୟ ଠାରେ ଥିବା ଦମକଳ କେନ୍ଦ୍ର ଵା ଅଗ୍ନିଶମ କାର୍ଯ୍ୟାଳୟ ପରିସରରେ ଅଗ୍ନିଶମ ବିଭାଗ ର କର୍ମଚାରୀ ମାନଙ୍କ ରହିବା ପାଇଁ ଏକ ଆପାର୍ଟମେଣ୍ଟ ନିର୍ମାଣ କରାଯାଇଛି I ପ୍ରଥମ ତଃ ଏହି ଆପାର୍ଟମେଣ୍ଟ ଟି ର ନିର୍ମାଣ କାର୍ଯ୍ୟସରିଵା ବହୁ ବିଳମ୍ବ ହୋଇଥିବା ବେଳେ ବାହାରୁ ଚିକ୍କଣ ଓ ସୁନ୍ଦର ଦେଖାଯାଉଥିବା ଏହି ଆପାର୍ଟମେଣ୍ଟ ଟି ଅତି ନିମ୍ନ ମାନର ହୋଇଥିବା ଆପାର୍ଟମେଣ୍ଟ ରେ ରହୁଥୁବା କର୍ମଚାରୀ ମନେ ଅଭିଯୋଗ କରିଛନ୍ତି I ଗୋଟେପଟେ ଆପାର୍ଟମେଣ୍ଟ ରେ ତିଆରି ହୋଇଥିବା ଘର ଗୁଡିକ ଅତିଛୋଟ ହୋଇଥିବାରୁ କର୍ମଚାରୀ ମାନଙ୍କୁ ରହିବାରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଥିବା ବେଳେ ଅନ୍ୟପରେ କୋଠରୀ ମାନଙ୍କରେ ଲାଗିଥିବା କବାଟ ଝରକା ଠାରୁ ଆରମ୍ଭ କରି କାନ୍ଥରେ ମରାଯାଇଥିବା ସିମେଣ୍ଟ ପ୍ଳାଷ୍ଟର ଛାତ ସବୁ ନିମ୍ନମାନର କାମ ହୋଇଥିବା କହିଛନ୍ତି କାର୍ଯ୍ୟାଳୟ ରେ କାର୍ଯ୍ୟରତ କର୍ମଚାରୀ ମନେ I ଅନ୍ୟପଟେ ଏହି ଆପାର୍ଟମେଣ୍ଟ ର କାନ୍ଥରେ ଛୋଟିଆ କଣ୍ଟାଟିଏ ବାଡେ଼ଇଲେ କାନ୍ଥରୁ ସିମେଣ୍ଟ ଅତଡ଼ା ଖସିପଡୁଥିବା ଦେଖିବାକୁ ମିଲିଛି I ତେବେ ସୂଚନା ଯୋଗ୍ୟଯେ ଏହି ଆପାର୍ଟମେଣ୍ଟ ଟି ଗତ କୋଭିଟ ମହାମାରୀ ସମୟରେ ନିର୍ମାଣ କାମ ଆରମ୍ଭ ହୋଇ ଦିର୍ଘ ସୁଇବର୍ଷ ପରେ ଅର୍ଥାତ ଗତ ଛଅମାସ ତଳେ ସାରିଥିଲା I ନିର୍ମାଣ ସାରିବାର ଛଅ ମାସ ନପୂରୁଣୁ ଏହି ଆପାର୍ଟମେଣ୍ଟ ର ଏଭଳି ଅବସ୍ଥା ଦେଖାଦେଇଥିବାରୁ ଏହାର ସ୍ଥାୟିତ୍ୱ ଉପରେ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି I ତେବେ ଏହି ଆପାର୍ଟମେଣ୍ଟ ଟିକୁ ପୋଲିସ ହାଉସିଂ ବୋର୍ଡ ନିର୍ମାଣ କରିଥିବା ବେଳେ ଏହି ଆପାର୍ଟମେଣ୍ଟ ନିର୍ମାଣ ରେ ପାଖାପାଖି କୋଟିଏ ଟଙ୍କା ମଧ୍ୟ୍ୟ ଖର୍ଚ୍ଚ ହୋଇଛି I ଏବେବି ଏହି ଆପାର୍ଟମେଣ୍ଟ ର ଅନେକ ଅନୁସଙ୍ଗିକ କାର୍ଯ୍ୟ ବାକିଥିବେ ଦେଖିବାକୁ ମିଳିଛି I ତେବେ ଅଭିଯୋଗ ହେବାପରେ ଏହି ଆପାର୍ଟମେଣ୍ଟ କାମ ନିମ୍ନ ମାନର ହୋଇଥିବା ଆପାର୍ଟମେଣ୍ଟ ନିର୍ମାଣ କରିଥିବା ଠିକାଦାର ଙ୍କୁ ପଚାରିବାରୁ ଠିକାଦାର ଜଣକ ଯାହା ପଚାରିବା କଥା ଦାୟିତ୍ୱ ରେ ଥିବା ଯନ୍ତ୍ରୀ ଙ୍କୁ ପଚାରନ୍ତୁ ବୋଲି କହିବା ସହ କଟାକ୍ଷ କଲା ଭଳି କଣ୍ଟା ବାଡେ଼ଇଲେ ସିମେଣ୍ଟ ଅତଡ଼ା ଖସୁଛି ହେଲେ ସମ୍ପୂର୍ଣ ବିଲଡିଂ ଖସି ଯାଇନିତ ବୋଲି ଓଲଟା ଆମକୁ ପ୍ରଶ୍ନ କରିଥିଲେ I ତବେ ସମ୍ପୃକ୍ତ ଠିକାଦାର ଙ୍କ ଏଭଳି ମନ୍ତବ୍ୟ ହାସ୍ୟାସ୍ପଦ ଭଳି ମନେ ହେଉଥିବା ବେଳେ ଏଭଳି ଉତ୍ତର ରୁ ସ୍ପଷ୍ଟ ପ୍ରମାଣିତ ହେଉଛି କି ନିର୍ମାଣ ହୋଇଥିବା ଏହି ଆପାର୍ଟମେଣ୍ଟ କାମ ଟି ନିଶ୍ଚିତ ଭାବରେ କିଛିନାକିଛି ତ୍ରୁଟି ରହିଛି I ଯାହାକି ତଦନ୍ତ ସାପେକ୍ଷ ବୋଲି ସାଧାରଣ ରେ ମତ ପ୍ରକାଶ ପାଇଛି I