10-Feb-2024

ବଲାଙ୍ଗୀର(ପ୍ରେରଣା ଖବର ): ଜେ ଏସ ଏମ  ବାଣିଜ୍ଯ ଓ କଳା  ମହାବିଦ୍ୟାଳୟର ଭାଷା ସାହିତ୍ୟରେ ସୃଜନଶୀଳତା କାର୍ଯ୍ୟକ୍ରମରେ ଭାଷା ହିଁ ମଣିଷର ପରିଚୟ ଶୀର୍ଷକ ଆଲୋଚନାଚକ୍ର  ଅନୁଷ୍ଠିତ ହୋଇଯାଇଛି। ଆଲୋଚନାଚକ୍ରରେ  ମହାବିଦ୍ୟାଳୟର ଚେଆରମେନ ସି ଏ ଶ୍ରୀକାନ୍ତ ଶର୍ମା,  ନିର୍ଦେଶିକା ଶ୍ରୀମତୀ ସୁମନ ଶର୍ମା , ମଞ୍ଚାସୀନହୋଇଥିବା ବେଳେ ମୁଖ୍ଯ ଅତିଥି ଭାବରେ ଯୋଗ ଦେଇ ଥିଲେ  କବି ଅଧ୍ୟାପକ ସନ୍ଦୀପ କୁମାର କୁଅଁର।  ଶିକ୍ଷାବିତ ମନୋରଂଜନ ସାହୁ ସମ୍ମାନିତ ଅତିଥି ଭାବରେ ଯୋଗ ଦେଇଥିବା ବେଳେ  ଛାତ୍ରଛାତ୍ରୀଙ୍କ ସ୍ବାଗତ ସଂଗୀତ ଗାନ ପରେ ଅତିଥିବୃନ୍ଦ  ଭାଷା ସାହିତ୍ୟ ଓ ସୃଜନଶୀଳତା ଆଜିର ଜୀବନ

ପାଇଁ କିପରି ଆବଶ୍ୟକ, ସେ ସଂପର୍କରେ  ବକ୍ତବ୍ଯ ପ୍ରଦାନ କରିଥିଲେ। ଛାତ୍ର ସଂଜୟ ସାହୁ  ଭାଷା ହିଁ   ମଣିଷର ଭବିଷ୍ୟତ କିପରି ଗଠନ କରେ ସେ ସଂପର୍କରେ ବକ୍ତବ୍ଯ  ଦେଇଥିଲେ। ବିଭିନ୍ନ ଉଦାହରଣ ମାଧ୍ୟମରେ ଭାଷାକୁ ବ୍ୟବହାର କଲେ ତାହା ବଢେ ଓ ଅବ୍ୟବହୃତ ଭାଷା ତାର ଅସ୍ତିତ୍ବ ହରାଇବସେ। ଯେ କୌଣସି ଭାଷା ହେଉ, ସାମାଜିକତା ହିଁ ତାକୁ ବଂଚାଇ ରଖିବ। ଯିଏ ଯେତେ ଭାଷା ଶିଖୁଛି , ଭଲ। ହେଲେ ମାତୃଭାଷା ହିଁ ଭାବ ପ୍ରକାଶ ର ପ୍ରକୃତ ମାଧ୍ୟମ। ଋଢିବାଦୀ ମାନସିକତା ଓ ବୈଶ୍ବିକରଣ ଭାବ  ଭାଷିକ ସଂକଟର  ମୂଳ କାରଣ ।  ଓଡିଆ ହେଉ କି ଯେ କୌଣସି ପ୍ରାନ୍ତିୟ  ଭାଷା, ତାର ବ୍ୟବହାର ଉପରେ ନିର୍ଭର କରେ ତାର

ଅସ୍ତିତ୍ବ ରହିବ କି ନାହିଁ ବୋଲି ମତ ଦେଇଥିଲେ କବି ଅଧ୍ୟାପକ ସନ୍ଦୀପ କୁମାର କୁଅଁର।  ଜେ ଏସ ଏମ ର ଓଡିଆ ଅଧ୍ୟାପିକା ଶ୍ରୀମତୀ ଅନସୂୟା ନନ୍ଦ କାର୍ଯ୍ୟକ୍ରମକୁ  ସଂଯୋଜନା କରିଥିବା ବେଳେ ଇଂରାଜୀ ଅଧ୍ୟାପିକା  ଶ୍ରୀମତୀ ହୀମାନୀ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ । ମହାବିଦ୍ୟାଳୟର ଅନ୍ଯ ଅଧ୍ୟାପକ ଅଧ୍ୟାପିକା  କାର୍ଯ୍ୟକ୍ରମ ପରିଚାଳନାରେ ସହଯୋଗକରିଥିଲେ।