06-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କେକେବିଏନ ସଂଗଠନ ର ଦୁଇ ମହିଳା ମାଓବାଦୀ ବୌଦ୍ଧ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି  l  ସମାଜର ମୁଖ୍ୟ ସ୍ରୋତରେ ସାମିଲ ହେବାପାଇଁ ନିଜକୁ ଆତ୍ମସମର୍ପଣ କଲେ  l  ଆତ୍ମସମର୍ପଣ କରିଥିବା ଏହି ଦୁଇ ମହିଳା ମାଓବାଦୀମାନେ ହେଲେ ମନିଷା ଥାଟି ଓ ଚମ୍ପା କୋରାମ  l   ଏମାନେ ଛତିଶଗଡ଼ ବିଜାପୁର ଅଂଚଳର ବୋଲି ସୂଚନା ମିଳିଛି  l  ଗତ 2018 ମସିହାରୁ ସିପିଆଇ ମାଓ ସଂଗଠନରେ ସାମିଲ ହୋଇ ଉଭଏ ସଂଗଠନ ପାଇଁ କାମ କରୁଛନ୍ତି  l  ତେବେ ପାହାଡ଼

ଜଙ୍ଗଲ ଦୁର୍ଗମ ଅଞ୍ଚଳରେ ଯାତାୟାତ ରେ ଅସୁବିଧା ଏବଂ ସମାଜର ମୁଖ୍ୟ ସ୍ରୋତରେ ସାମିଲ ହେଲେ ସରକାରଙ୍କ ସୁବିଧା ସୁଯୋଗକୁ ଲକ୍ଷ୍ୟ କରି ଆତ୍ମସମର୍ପଣ ପାଇଁ ନିଷ୍ପତି ନେଇଥିବା ନେଇ ଦକ୍ଷିଣାଞ୍ଚଳ ପୋଲିସ ଆଇଜି ଜୟନାରାୟଣ ପଙ୍କଜ ବୌଦ୍ଧ ପୋଲିସ ମୁଖ୍ୟାଳୟରେ ଗଣମାଧ୍ୟମ କୁ ଏହି ସୂଚନା ଦେଇଛନ୍ତି  l  ବୌଦ୍ଧ ଜିଲ୍ଲାରେ ସକ୍ରିୟ ହୋଇ ଉଠିଛନ୍ତି ଲାଲ୍ ବାହିନୀ ।  ଜିଲ୍ଲାର କନ୍ଧମାଳ ଜିଲ୍ଲାକୁ ସଂଲଗ୍ନ ବିଭିନ୍ନ ଆଭ୍ୟନ୍ତରୀଣ ଜଙ୍ଗଲ ଅଞ୍ଚଳରେ ଗତ କିଛି ମାସ ହେଲା କେକେବିଏନ ମାଓ ଡିଭିଜନ ସମ୍ପୂର୍ଣ୍ଣ ସକ୍ରିୟ ହୋଇ ଉଠିଥିବା ସୂଚନା ମିଳିଛି । ଗତ ଦୁଇ ମାସ ମଧ୍ୟରେ ବୌଦ୍ଧ ଜିଲ୍ଲାର ବିଭିନ୍ନ ଜଙ୍ଗଲ ଅଞ୍ଚଳରେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିବା ବେଳେ ପୋଲିସ କେତେକ ମାଓ କ୍ୟାମ୍ପ ଧ୍ୱଂସ କରିବାରେ ସଫଳତା ପାଇଛି । ତେବେ ଜିଲ୍ଲାରେ ବୃଦ୍ଧି ପାଉଥିବା ମାଓବାଦୀଙ୍କ ଗତିବିଧି ଉପରେ ଜିଲ୍ଲା ପୋଲିସ କଠୋର ଆଭିମୁଖ୍ୟ ଗ୍ରହଣ କରିବା ସହିତ ମାଓବାଦୀଙ୍କ ଗତିବିଧି ସକ୍ରିୟ ଥିବା ଅଞ୍ଚଳରେ ଜନ ମୈତ୍ରୀ ଅଭିଯାନ

ମାଧ୍ୟମରେ ସ୍ଥାନୀୟ ଅଧିବାସୀଙ୍କୁ ସଚେତନ କରୁଛି  l   ଗତ ୧୦ ଦିନ ମଧ୍ୟରେ ଶଗଡ଼ା ଓ ନାରାୟଣ ପ୍ରସାଦ ପଞ୍ଚାୟତରେ ଦୁଇଟି ଜନ ମୈତ୍ରୀ ଅଭିଯାନ ଜିଲ୍ଲା ପୋଲିସ ଆୟୋଜନ କରିଛି । ପୂର୍ବରୁ ବୌଦ୍ଧ ଏସପି ରାଜ ପ୍ରସାଦଙ୍କ ନେତୃତ୍ବରେ ଗଠିତ ସ୍ବତନ୍ତ୍ର ସୁରକ୍ଷା ବାହିନୀ ପାଞ୍ଚ ଥର ମାଓବାଦୀଙ୍କ ଛତ୍ରଭଙ୍ଗ କରିଥିବା ବେଳେ ସେଠାରୁ ବିପୁଳ ପରିମାଣରେ ମାଓ ସାମଗ୍ରୀ ଜବତ କରାଯାଇଛି । ସେପଟେ ଏଭଳି ସମୟରେ ଜିଲ୍ଲା ପୋଲିସକୁ ମାଓ ଦମନରେ ମିଳିଛି ଆଉ ଏକ ବଡ଼ ସଫଳତା । ଦୁଇ ଜଣ ମହିଳା କ୍ୟାଡ଼ର ମାଓବାଦୀ ବୌଦ୍ଧ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି । ଏ ସମ୍ପର୍କରେ ଆଜି ଦକ୍ଷିଣାଞ୍ଚଳ ପୋଲିସ ଆଇଜି ଜୟ ନାରାୟଣ ପଙ୍କଜ ବୌଦ୍ଧ ପୋଲିସ ମୁଖ୍ୟାଳୟରେ ଗଣମାଧ୍ୟମକୁ ବିସ୍ତୃତ ସୂଚନା ପ୍ରଦାନ କରିଛନ୍ତି । ଆତ୍ମସମର୍ପଣ କରିଥିବା ଯୁବତୀ ମାଓବାଦୀଙ୍କୁ ନାଚଗୀତ ପାଇଁ ମାଓ ସଂଗଠନରେ ସାମିଲ ପରେ ସଂଗଠନର ବରିଷ୍ଠ କ୍ୟାଡର ମାନଙ୍କ ଦ୍ୱାରା ନିର୍ଯାତନାର ଶୀକାର ହେଉଥିବା ଯୁବତୀ ମାଓବାଦୀ ଗଣମାଧ୍ୟମକୁ କହିଛନ୍ତି ।