04-Feb-2024

ବଲାଙ୍ଗୀର(ପ୍ରେରଣା ଖବର ): :ଆଜି ପୂର୍ବାହ୍ନ ୧୦:୩୦ ମିନିଟ ରେ ସ୍ଥାନୀୟ ଟାଉନ ଗାର୍ଲ୍ସ ହାଇସ୍କୁଲ ପରିସରରେ ଜେଏସଏମ କମର୍ସ ଏଣ୍ଡ ଆର୍ଟସ୍ କଲେଜ୍ ର ବାର୍ଷିକ ଉତ୍ସବ ପାଳନ ଆରମ୍ଭ ହୋଇଯାଇଛି।ସଭା ପ୍ରାରମ୍ଭରେ ଅତିଥି ମାନଙ୍କ ଦ୍ଵାରା ଗଣେଶ ଙ୍କ ପ୍ରତିମୂର୍ତ୍ତି ରେ ପ୍ରଦୀପ ପ୍ରଜ୍ବଳନ ସହ ପୁଷ୍ପ ମାଲ୍ୟାର୍ପଣ କରିଥିଲେ।ସ୍ଵାଗତ ଭାଷଣ କଲେଜ୍ ର ଅଧ୍ୟକ୍ଷ ପୀତବାସ ପଣ୍ଡା ଦେଇଥଲେ।ଆଜିର ବାର୍ଷିକ ଉତ୍ସବ ରେ  ମୁଖ୍ୟ ଅତିଥି ଭାବରେ ବଲାଙ୍ଗୀର ପୌରଧ୍ୟକ୍ଷ୍ୟ ଶ୍ରୀମତୀ ଲୀକା ସାହୁ,ମୁଖ୍ୟ

ବକ୍ତା,ବୈଦିକ ସାଇନ୍ସ କଲେଜ୍ ର ଅଧ୍ୟକ୍ଷ ଶ୍ରୀଯୁକ୍ତ ସୁକାନ୍ତ ମହାପାତ୍ର,ସମ୍ମାନିତ ଅତିଥି ଭାବରେ ମନୋରଞ୍ଜନ ସାହୁ ଏବଂ କଲେଜ୍ ର ନିର୍ଦେଶିକା ସୁମନ୍ ଶର୍ମା ଯୋଗଦାନ କରିଥିଲେ।କଲେଜ୍ ର ପ୍ରତିଷ୍ଠାତା ସିଏ ଶ୍ରୀକାନ୍ତ ଶର୍ମା ଉତ୍ସବ ପାଳନ କୁ ସଫଳ କରିବା ସହ ଉପସ୍ଥିତ ସମସ୍ତଙ୍କୁ ବୌଦ୍ଧିକ ଭାଷଣ ଦେଇ ଚକିତ କରିଥିଲେ। ସମାଜର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ତିନି ଜଣ ମହାନୁଭବ ଙ୍କୁ ମାନପତ୍ର ଓ ଉପଢ଼ୌକନ ଦେଇ ସମ୍ମାନିତ କରାଯାଇଥିଲା l ଶିକ୍ଷକ ବିବେକାନନ୍ଦ ମିଶ୍ର , ଖେଳ ଶିକ୍ଷକ ସୁନୀଲ ଚନ୍ଦ୍ର ବିଶ୍ଵାଳ ଓ କାହ୍ନା ସତପଥୀ ସମ୍ବର୍ଦ୍ଧିତ ହୋଇ ଥିଲେ l କଲେଜର ବିଭିନ୍ନ ପ୍ରତିଯୋଗିତାରେ କୃତିତ୍ଵ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା l

ପୂର୍ବତନ ଶିକ୍ଷକ  ମନୋରଞ୍ଜନ ସାହୁ ଙ୍କ ମନମୁଗ୍ଧକର ଭାଷଣରେ ସଭିଏଁ ଚକିତ ହୋଇ ଯାଇଥିଲେ l ସେ କେବଳ ଜଣେ  ଶିକ୍ଷାବିତ୍ ନୁହଁନ୍ତି ବରଂ ଜଣେ ସାମାଜ ସୁଧାରକ ଭାବେ ବେଶ୍ ପରିଚିତ l

ଏହି ବାର୍ଷିକ ଉତ୍ସବରେ ବହୁ ଛାତ୍ର ଛାତ୍ରୀ,ଅଭିଭାବକ, କଲେଜ୍ ର ପୂର୍ବତନ ଛାତ୍ର ଛାତ୍ରୀ ଓ ଶୁଭେଚ୍ଛୁ ଉପସ୍ଥିତ ରହି ବାର୍ଷିକ ଉତ୍ସବ କୁ ସଫଳ କରିବା ସହ ଛାତ୍ର ଛାତ୍ରୀ ମାନଙ୍କ ଦ୍ଵାରା ଆୟୋଜିତ ହୋଇଥିବା ସାଂସ୍କୃତିକ କାର୍ଯ୍ୟକ୍ରମ କୁ ଉପଭୋଗ କରିଥିଲେ।