03-Feb-2024

ତୁଷୁରା(ପଞ୍ଚାନନ ନାଏକ ) ବଲାଙ୍ଗିର ଜିଲ୍ଲା  ଗୁଡଭେଲା ବ୍ଲକ୍ ଅନ୍ତର୍ଗତ ସମରା ପଞ୍ଚାୟତ ଲୁର୍କୀ ଗ୍ରାମର ସରକାରୀ ନୂତନ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ  ବିଶ୍ୱ ଓଡିଶା ଭାଷା ସମ୍ବିଳନୀ ସୃଜନ ଶୀଳତା ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ ଭକ୍ତବନ୍ଧୁ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ  ବିଦ୍ୟାଳୟ ପରିଚାଳନା କମିଟି ସଭାପତି କିଶୋର ଚନ୍ଦ୍ର ଭୋଇ ମୁଖ୍ଯ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ  ଉଦଘାଟନ କରିଥିଲେ ।  ଯଦୁମଣି ପ୍ରଧାନ ମୁଖ୍ଯବକ୍ତା ଭାବେ ଯୋଗ ଦେଇ ଏଭଳି ଏକ ଭବ୍ୟ କାର୍ଯ୍ୟକ୍ରମ ଆୟୋଜନ କରିଥିବାରୁ ପ୍ରଧାନ ଶିକ୍ଷକଙ୍କୁ ଭୂୟସୀ ପ୍ରଶଂସା କରିଥିଲେ। ଭୁପାଳ ଚନ୍ଦ୍ର ପ୍ରଧାନ ସମ୍ମାନିତ ଅତିଥି ଭାବେ ଯୋଗଦେଇଥିଲେ ।  ଗୀତ, ନାଚ, କାହାଣୀ, ଚିତ୍ର କଳା ଆଦି ପ୍ରତିଯୋଗିତାମାନ ଅନୁଷ୍ଠିତ ହୋଇଥିବା ବେଳେ କୃତ ପ୍ରତିଯୋଗିତାମାନଙ୍କୁ ପୁରସ୍କୃତ କରାଯାଇଥିଲା। ଶିକ୍ଷକ ଚନ୍ଦ୍ରମଣି ମେହେର ଧନ୍ୟବାଦ ଅର୍ପଣ କରିଥିବା ବେଳେ  କେଶବ ବଗର୍ତ୍ତ ମଞ୍ଚ ପରିଚାଳନା କରିଥିଲେ । ଚେଳାନନ୍ଦ ଭୋଇ , ପ୍ରବାସିନୀ ସାହୁ, ପ୍ରଦୀପ କୁମାର ପ୍ରଧାନ, ପୁଷ୍ପାଞ୍ଜଳୀ ପ୍ରଧାନ, ଟିକେବାନି ପ୍ରଧାନ, କୁମୁଦିନୀ ପ୍ରଧାନ,ରାଇବାରୀ ବଘାର ସହଯୋଗ କରିଥିଲେ ।