03-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲଶାଗୋରା ମିଳିତ ଗ୍ରାମ ପଞ୍ଚାୟତ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଅରୁଣ କୁମାର ଖଟୁଆଙ୍କୁ ମୁଖ୍ୟମନ୍ତ୍ରୀ ଶିକ୍ଷକ ପୁରସ୍କାର ପାଇଛନ୍ତି |ସୂଚନା ଅନୁସାରେ କ୍ରୀଡା ଶିକ୍ଷକ ଅରୁଣ କୁମାର ଖଟୁଆ ୧୯୯୭ ମସିହା ରେ କଣ୍ଟାମାଳ ବ୍ଲକ ଆମ୍ବଗାଁ ହାଇସ୍କୁଲରେ ପ୍ରଥମେ କ୍ରୀଡା ଶିକ୍ଷକ ଭାବେ ଯୋଗଦାନ କରି ୨୦୦୨ମସିହା ରେ ପଲଶାଗୋରା ହାଇସ୍କୁଲରେ ଯୋଗଦେଇଥିଲେ |ପଲଶାଗୋରା ହାଇସ୍କୁଲରେ ଯୋଗଦେବା ପରେ ସେ ବିଦ୍ୟାଳୟ ରେ ବିଭିନ୍ନ ବ୍ଲକ ସ୍ତରୀୟ, ଜିଲ୍ଲାସ୍ତରୀୟ ଓ ଥରେ ରାଜ୍ୟ ସ୍ତରୀୟ ପ୍ରତିଯୋଗିତା ମଧ୍ୟ ସଫଳତାର ସହ ଆୟୋଜନ କରିବାରେ ତାଙ୍କର ଅବଦାନ ଅତୁଳନୀୟ |ଯେଉଁଠି ଯେକୌଣସି କ୍ରୀଡା ପ୍ରତିଯୋଗିତା ଆୟୋଜନ କଲେ ସହଯୋଗ ପାଇଁ ନିମନ୍ତ୍ରଣ କଲେ ବିନା ଦ୍ଵିଧାରେ ଯୋଗଦେଇ ପ୍ରତିଯୋଗିତାକୁ ଆଗେଇନେଇ ସାରିବା ପର୍ଯ୍ୟନ୍ତ ରହିଥାନ୍ତି |ଏହା ସହ ସେ ଜଣେ ପରିବେଶ ପ୍ରେମୀ ଭାବେ ବିଦ୍ୟାଳୟରେ ବ୍ୟାପକ ବୃକ୍ଷ ରୋପଣ କରିଥିବାରୁ ବିଦ୍ୟାଳୟ ଦୁଇଥର ରାଜ୍ୟସ୍ତରୀୟ ପ୍ରକୃତି ମିତ୍ର ପୁରସ୍କାର ପାଇଛି |ଜଣେ କ୍ରୀଡା ଶିକ୍ଷକ ଭାବେ ଜିଲ୍ଲା ସ୍ତରରେ ସୁପରିଚିତ ଥିବା ଶ୍ରୀ ଖଟୁଆଙ୍କୁ ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷକ ପୁରସ୍କାର କାର୍ଯ୍ୟକ୍ରମରେ ବୌଦ୍ଧ ଜିଲ୍ଲାରେ ପ୍ରଥମ ପୁରସ୍କାର ଗ୍ରହଣ କରିଛନ୍ତି |ଶ୍ରୀ ଖଟୁଆ ପୁରସ୍କାର ପାଇବାପରେ ସବୁଆଡୁ ଶୁଭେଚ୍ଛାର ସୁଅ ଛୁଟିଛି |