30-Jan-2024

ବୀରମହାରାଜପୁର,(ବିନୋଦ ପାଣ୍ଡେ): ବୀରମହାରାଜପୁର ମିନି ଷ୍ଟାଡିୟମ ଠାରେ ଆୟୋଜିତ ୨ୟ ଧନୁଯାତ୍ରା ମହୋତ୍ସବର ଷଷ୍ଠ ଦିବସ ସନ୍ଧ୍ୟାରେ ସୋମବାର ସ୍ଥାନୀୟ ବିଧାୟକ ପଦ୍ମନାଭ ବେହେରା, ଉଲୁଣ୍ଡା ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ର, ଜିଲ୍ଲା ପରିଷଦ ସଭ୍ୟା ଚନ୍ଦ୍ରକାନ୍ତି ଦନ୍ତା, ପୂର୍ବତନ ବ୍ଲକ ଅଧ୍ୟକ୍ଷ ରଞ୍ଜିତ ରଥ, ସରକାରୀ ଓକିଲ ଶ୍ରୀନିବାସ ଚାନ୍ଦ, କୃଷକ ନେତା ରଘୁବୀର ପାଣିଗ୍ରାହୀ, ମୁର୍ଷୁଣ୍ଢି ସରପଞ୍ଚ ମନୋଜ ସାହୁ, ସମାଜସେବୀ କୃତ୍ତିବାସ ମିଶ୍ର ପ୍ରମୁଖ ରାଜଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। ରବିବାର ପ୍ରଥମ ପର୍ଯ୍ୟାୟରେ ଶିକ୍ଷାବିତ ଭୁଷଣ ପାତ୍ର, ସ୍ଥାନୀୟ ବାଳକ ହାଇସ୍କୁଲର ପ୍ରଧାନ ଶିକ୍ଷକ ନିରଞ୍ଜନ ଦାସ, ବରିଷ୍ଠ ଆଇନଜୀବି ବଳଦେବ ବେଦବାକ ତଥା ଦ୍ଵିତୀୟ ପର୍ଯ୍ୟାୟରେ ପୂର୍ବତନ ଲୋକସଭା ସାଂସଦ କଳିକେଶନାରାୟଣ ସିଂହଦେଓ, ଆଠମଲ୍ଲିକ ବ୍ଳକର ପୂର୍ବତନ ବ୍ଲକ ଅଧ୍ୟକ୍ଷ ତଥା ବୌଦ୍ଧ ଜିଲ୍ଲା ବିଜେଡ଼ି ପ୍ରଭାରୀ ଚିତ୍ତରଞ୍ଜନ କର୍ଣ୍ଣ, ବ୍ଲକ ସରପଞ୍ଚ ସଂଘ ସଭାନେତ୍ରୀ ଶ୍ରୀୟା କର୍ମୀ, ବାଗବର ସରପଞ୍ଚ ନିରୁପମା ବଗର୍ତ୍ତି ପ୍ରମୁଖ ରାଜ ଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। ଯାତ୍ରା କମିଟି ସଭାପତି କିଶୋର ହୋତା ସଭାରେ ଅଧ୍ୟକ୍ଷତା କରିଥିଲେ। ଦ୍ଵୀତିକୃଷ୍ଣ ପଣ୍ଡା ଓ ଅଭିମନ୍ୟୁ ବଗର୍ତ୍ତି ମଞ୍ଚ ପରିଚାଳନା କରିଥିଲେ। ଆଜି ମହାରାଜା କଂସ ମହାଦେବଙ୍କ ଠାରୁ ରୁଦ୍ରାଶୁଳ ପ୍ରାପ୍ତି, ମହର୍ଷି ନାରଦ ଧନୁଯାତ୍ରା ପାଇଁ ଆୟୋଜନ କରିବା ପାଇଁ ପରାମର୍ଶ, ଧନୁଯାତ୍ରାକୁ କୃଷ୍ଣ ବଳରାମଙ୍କୁ ଆଣିବାକୁ ମନ୍ତ୍ରୀ ଅକ୍ରୁରଙ୍କ ଗୋପପୁର ଗମନ ଆଦି ଦୃଶ୍ୟ ଅଭିନୀତ ହୋଇଥିଲା। ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀଙ୍କ ସମେତ ଅନେକ ଅନୁଷ୍ଠାନର କଳାକାର ମଧ୍ୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। କଂସ ଭୂମିକାରେ ଝସକେତନ ପଧାନ, ନାରଦ ଭୂମିକାରେ ଅଲେଖ ବୁଡେକ, ସେନାପତି ସଙ୍କୀର୍ତ୍ତନ ପଧାନ ଓ ମନ୍ତ୍ରୀ ଭାବରେ ରୁଦ୍ରନାରାୟଣ ମେହେରଙ୍କ ନିଖୁଣ ଅଭିନୟ ବେଶ ପ୍ରଶଂସନୀୟ ହୋଇଥିଲା। ବିମ୍ବିତ ରାତ୍ରୀ ପର୍ଯ୍ୟନ୍ତ ବହୁ ଦର୍ଶକ ମନୋଭରୀ ଉପୋଭୋଗ କରିଥିଲେ।‌