29-Jan-2024

ବଲାଙ୍ଗୀର(ଚିତ୍ରସେନ ବେହେରା)-ବଲାଙ୍ଗୀର ସହରରୁ ପ୍ରକାଶିତ ହୋଇଆସୁଥିବା ସାପ୍ତାହିକ ଖବରକାଗଜ ତକ୍ଷକର ବାର୍ଷିକୋତ୍ସବ ଅବସରରେ ଆସନ୍ତା ଫେବୃୟାରୀ ୧୮ ତାରିଖରେ ଏକ ବାର୍ଷିକ ବିଶେଷାଙ୍କ ପ୍ରକାଶିତ ହେବାକୁଯାଉଛି । ତେଣୁ ଏହାର ପ୍ରଚ୍ଛଦପୃଷ୍ଠାର ଉନ୍ମୋଚନ ହୋଇଯାଇଛି । ସ୍ଥାନୀୟ ରୁଗୁଡିପଡା ମାଛବଜାରଛକ ସେରଶୁଆଁଗୁଡି କମିଟି ପକ୍ଷରୁ ଏହି ବାର୍ଷିକ ବିଶେଷାଙ୍କର ପ୍ରଚ୍ଛଦ ଉନ୍ମୋଚନ କରାଯାଇଛି । ତକ୍ଷକ ଖବରକାଗଜର ସଂପାଦକ ତଥା ପ୍ରକାଶକ ବିଶ୍ୱମୟ ପୂଜାହାରୀ(ବାବୁ)ଙ୍କ ସଭାପତିତ୍ୱ ଓ ସାମ୍ବାଦିକ ଶ୍ରୀମନ୍ତ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଓ ମୁଖ୍ୟବକ୍ତା ଭାବରେ ଭୀମସାର ବୁର୍ଲା ହସପିଟାଲର ଆସୋସିଏଟ ପ୍ରଫେସର ଡ.ବେଣୁଧର ପାଣ୍ଡେ ଯୋଗଦେଇ ପ୍ରଚ୍ଛଦପୃଷ୍ଠାର ଉନ୍ମୋଚନ କରିଥିଲେ । ଏହି ଅବସରରେ ବଲାଙ୍ଗୀର ଭଳି ଏକ ଛୋଟ ସହରରୁ ଦୀର୍ଘବର୍ଷଧରି ପ୍ରକାଶିତ ହୋଇ ଆସୁଥିବା ଖବରକାଗଜ ତାହାର କଳେବର ବୃଦ୍ଧି ସାଙ୍ଗକୁ ଲୋକଙ୍କ ବିଶ୍ୱସନୀୟତା ବଜାୟ ରଖିଛି ବୋଲି ଅତିଥିଗଣ ମତବ୍ୟକ୍ତ କରିଥିଲେ । ଖବରକାଗଜର ମୁଖ୍ୟସଂପାଦକ ମଳୟ ମିଶ୍ର ଖବରକାଗଜ ଓ ବାର୍ଷିକବିଶେଷାଙ୍କ ବିଷୟରେ ସୂଚନା ଦେଇଥିଲେ । ସେହିପରି ପୂର୍ବତନ ସୈନିକସଂଘର ସଂପାଦକ ପ୍ରତାପ ରଥ ଖବରକାଗଜର ଉତ୍ତରୋତ୍ତର ଉନ୍ନତି କାମନା କରିଥିଲେ । ଶେଷରେ ସାମ୍ବାଦିକ ରଘୁନନ୍ଦନ ସିଂ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ସେରୁସୁଆଁଗୁଡି କମିଟିର ସଭାପତି କମ୍ବୁପାଣି ପୂଜାହାରୀ,ଶିବପ୍ରସାଦ ବେହେରା,ବାବୁଲା ବହିଦାର,ରାହୁଲ ସେଠ,ତେଜରାଜ ସିଂ,ଦାଶରଥି ମଟାରୀ,ପିଙ୍କୁ ବାଗ,ଗୌତମ ଦୋରା,ସନ୍ତୋଷ ସାହୁ,ଗୋଲକ ମାଝୀଜିତୁ (ବାଜୁ) ଦାସ,ସୁନୀଳ ମିଶ୍ର,ଦୀପକ ନନ୍ଦ,ଶିବପ୍ରସାଦ ପୁରୋହିତ,ଆର୍ତ୍ତତ୍ରାଣ ଯୋଷୀ,ବବନ ମିଶ୍ର,ପ୍ରଦୀପ ମହାନ୍ତି,ସୁଧିର ନନ୍ଦ,ଅରୁଣ ନାଏକ,ପ୍ରଭାତ ସାହୁ,ରଜନୀ ସେଠ ପ୍ରମୁଖ ସହଯୋଗ କରିଥିଲେ ।