29-Jan-2024

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲା ସୋନପୁର ରୋୟାଲ ପଡିଆଠାରୁ ଏକ ମିନି ମାରାଥନ ବାହାରି ସହର ପରିକ୍ରମା କରିଥିଲା । କିଟ୍ କିସ ପକ୍ଷରୁ ଆୟୋଜିତ ଏହି ମିନି ମାରାଥନ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ସ୍ୟର୍ଯ୍ୟନାରାୟଣ ଦାଶ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବରେ ସୋନପୁର ବିଡିଓ ସୈାମ୍ୟରଂଜନ ସ୍ୱାଇଁ,ସମାଜସେବୀ ଶ୍ରୀବତ୍ସ ମଲ୍ଲିକ ,ନାଟ୍ୟଶ୍ରୀ ଗଦାଧର ବାରିକ ପ୍ରମୁଖ ଯୋଗଦେଇ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ପରେ ଏକ ସଭାର  ଅନୁଷ୍ଠିତ ହୋଇଥିଲା । ସମସ୍ତଙ୍କ ପାଇଁ ଶିକ୍ଷା ନେଇ ସାଧାରଣରେ ସଚେତନତା ସୃଷ୍ଟି ଉଦ୍ଦେଶ୍ୟରେ କିଟ ଓ କିସର ପ୍ରତିଷ୍ଠାତା ତଥା ଲୋକସଭା ସାଂସଦ ଡ. ଅଚ୍ୟୁତ ସାମନ୍ତଙ୍କ ପ୍ରୋତ୍ସହନରେ ୨୦୧୫ ମସିହାରୁ ଏହା ଆୟୋଜିତ ହୋଇ ଆସୁଥିବା ବେଳେ ଶିକ୍ଷାର ପ୍ରସାର ପ୍ରଚାର ହେବା ସହ ସମସ୍ତେ ଯେପରି ଶିକ୍ଷାରୁ ବଂଚିତ ନ ହେବେ ସେନେଇ ଛାତ୍ର ଛାତ୍ରୀଙ୍କୁ ଅତିଥି ମାନେ ଉଦବୋଧନ ଦେଇଥିଲେ । ଏପରିକି ମଣିଷ ତିଆରି କାରଖାନା କରିଥିବା କିଟ ଓ କିସର ପ୍ରତିଷ୍ଠାତା ତଥା ଲୋକସଭା ସାଂସଦ ଡ. ଅଚ୍ୟୁତ ସାମନ୍ତଙ୍କୁ ଭୂୟଂସି ପ୍ରଶଂସା କରିଥିଲେ । କିସର ସୁବର୍ଣ୍ଣପୁର ଜିଲ୍ଲା ସଂଯୋଜକ ପ୍ରଭଞନ ପୂଝାରୀ ଙ୍କ ତତ୍ୱାବଧାନରେ ଆଜିର ଏହି ମିନି ମାରାଥନ କାର୍ଯ୍ୟକ୍ରମରେ  ୧୦ଟି ସ୍କୁଲର ୩୦୦ରୁ ଉର୍ଦ୍ଧ ଛାତ୍ର ଛାତ୍ରୀ ଭାଗ ନେଇଥିଲେ ।