29-Jan-2024

ମହାମହିମ ରାଜ୍ୟପାଳ ରଘୁବର ଦାସଙ୍କ ଦିନିକିଆ ବଲାଙ୍ଗୀର ଗସ୍ତ କାର୍ଯ୍ୟକ୍ରମ ଥିଲା । ବଲାଙ୍ଗୀର ଜିଲ୍ଲାର ପ୍ରଥମେ ଖପ୍ରାଖୋଲ ବ୍ଲାକର ଝଳିଆଲିଟିରୁ କାର୍ଯ୍ୟକ୍ରମ ଆରମ୍ଭ ହୋଇ ଫୁଲକୀମୁଣ୍ଡା, ଘୁମସର, ଖପ୍ରାଖୋଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର,ହରିଶଙ୍କର ବିଭିନ୍ନ ବିକାଶ ମୂଳକ ପ୍ରକଳ୍ପ ପରିଦର୍ଶନ କରିଥିଲେ ସେଠାରୁ ବାହାରି ପାଟଣାଗଡ଼ ବ୍ଲକ ଅନ୍ତର୍ଗତ ଉଳବା ଗ୍ରାମ ପଞ୍ଚାୟତର କୁସମକାନି, ଉଳବା ପରେ ଭଇଁସାରେ ହେବାକୁଥିବା କାର୍ଯ୍ୟକ୍ରମ ରେ ଯୋଗଦେଇଥିଲେ । ଆଜି ଜିଲ୍ଲା ଆଦିବାସୀ କଲ୍ୟାଣ ସଂଘର ଆଦିବାସୀ ନେତା ଗୌରାଙ୍ଗ ବରିହା ଓ ହୃଷିକେଶ ଭୋଇଙ୍କ ନେତୃତ୍ୱରେ ମହାମହିମ ରାଜ୍ୟପାଳଙ୍କୁ କୁସୁମକାନି ଠାରେ ଅନୁଷ୍ଠିତ ହେଉଥିବା କାର୍ଯ୍ୟକ୍ରମରେ ଭେଟି ୧୦ଦଫା ଦାବିପତ୍ର ପ୍ରଦାନ କରିଥିଲେ । ଦାବୀ ଗୁଡ଼ିକ ମଧ୍ୟରେ ପାଟଣାଗଡ଼ ଉପଖଣ୍ଡ ଆଦିବାସୀ ବହୁଳ ଉପଖଣ୍ଡ । ଉପଖଣ୍ଡ ମୁଖ୍ୟାଳୟ ପାଟଣାଗଡ଼ ବ୍ରହ୍ମପୁରା ଠାରେ ନିଜସ୍ୱ ଉଦ୍ୟମରେ ୧୦ ଡେସିମିଲ ଜାଗା କିଣି ଏକ ଆଦିବାସୀ ଭବନ ନିର୍ମାଣ କରିଛନ୍ତି । ଏହି ଆଦିବାସୀ ଭବନରେ ଦୁର୍ଗମ ଅଞ୍ଚଳର ଗରିବ ଆଦିବାସୀ ଛାତ୍ର ପାଞ୍ଚ ଜଣ ନିଶୁଳ୍କରେ ରହି ପାଠ ପଢୁଛନ୍ତି । ରୋଗୀମାନେ ଦୂରଦୂରାନ୍ତରୁ ପାଟଣାଗଡ଼ ଡାକ୍ତରଖାନାକୁ ଆସି ରାତ୍ରିଯାପନ କରିଥାନ୍ତି । ପରମ୍ପରା ଅନୁଯାୟୀ ଏହି ଆଦିବାସୀ ଭାବନରେ ଆଦିବାସୀ ଦିବସ, ଆଦିବାସୀ କଳା ସଂସ୍କୃତି ପରମ୍ପରା, ଜାନୀ ଯାତ୍ରା, ପର୍ବ ପର୍ବାଣୀ,ସଭା ସମିତି ଓ ବିଭିନ୍ନ କାର୍ଯ୍ୟକ୍ରମ ମାନ ଏହି ଛୋଟ କେମ୍ପସ ରେ କରିଥାନ୍ତି । ଦୁର୍ଗମ ଅଞ୍ଚଳରୁ ଆସି ପାଟଣାଗଡ଼ ସ୍କୁଲ କଲେଜରେ ପାଠ ପଢ଼ୁଥିବା ଗରିବ ଛାତ୍ରଛାତ୍ରୀ ମାନଙ୍କ ନିଶୁଳ୍କ ରହି ପାଠ ପଢିବା ବ୍ୟବସ୍ଥା ପାଇଁ,ଦୂରଦୂରାନ୍ତରୁ ଆସୁଥିବା ରୋଗୀ ମାନଙ୍କ ନିଶୁଳ୍କ ରାତ୍ରି ଯାପନ ପାଇଁ ତଥା ଆଦିବାସୀ କଲ୍ୟାଣ ସଂଘର ସଭା ସମିତି , ସାଂସ୍କୃତିକ କାର୍ଯ୍ୟକ୍ରମ, ପର୍ବ ପର୍ବାଣୀ ପାଳନ ତଥା ବିଭିନ୍ନ କାର୍ଯ୍ୟକ୍ରମ କରିବା ପାଇଁ ପାଟଣାଗଡ଼ ଠାରେ ୧ ଏକର ସରକାରୀ ଜମି ସହିତ ୧ କୋଟି ଟଙ୍କା ଅଟକଳ ମୂଲ୍ୟରେ ଆଦିବାସୀ ଭବନ ଓ ଆଦିବାସୀ ମ୍ୟୁଜିୟମ ନିର୍ମାଣ । ପାଟଣାଗଡ଼ ବ୍ଲକ ଅନ୍ତର୍ଗତ ସାଲେପାଲି ଗ୍ରା:ପ:ର ନିଲିଯିବାହଲ ଠାରୁ ବେଳପଡା ବ୍ଲକ ଅନ୍ତର୍ଗତ କପାଣି ଗ୍ରା:ପ:ଅନ୍ତର୍ଗତ ବୁଦାମୁଣ୍ଡା ପର୍ଯ୍ୟନ୍ତ ମଧ୍ୟ ଭାଗରେ ଥିବା ୨କି.ମି. ପାହାଡ଼ିଆ କଚ୍ଚା ରାସ୍ତାକୁ ପ୍ରଧାନମନ୍ତ୍ରୀ ସଡ଼କ ଯୋଜନାରେ ସାମିଲ କରି ଉଚ୍ଚ ବ୍ରିଜ ସହ ରାସ୍ତା ନିର୍ମାଣ । ପାଟଣାଗଡ଼ ବ୍ଲକ ସାଲେପାଲି ଗ୍ରା:ପ:ଅନ୍ତର୍ଗତ ଚକାମାଲ ଠାରେ ସରକାରୀ ଉନ୍ନୀତ୍ତ ଉଚ୍ଚ ବିଦ୍ୟାଳୟ ସ୍ଥାପନ ପାଇଁ ରାଜ୍ୟ ସରକାର ମଞ୍ଜୁର କରିଛନ୍ତି ଏବଂ ଚଳିତ ବର୍ଷ ନାମ ଲେଖା ଆରମ୍ଭ କରାଯିବ । ଏଠାରେ ଛାତ୍ରଛାତ୍ରୀ ମାନଙ୍କ ପାଠ ପଢିବା ପାଇଁ ଶ୍ରେଣୀ କୋଠରୀ ନଥିବାରୁ ତିନି ଗୋଟି ନୂତନ ଶ୍ରେଣୀ କୋଠରୀ ନିର୍ମାଣ କରିବା ପାଇଁ ଅନୁଦାନ ପ୍ରଦାନ । ପାଟଣାଗଡ଼ ବ୍ଲକ ବାଲିପଟା ଗ୍ରା:ପ:ଅନ୍ତର୍ଗତ କଳଙ୍ଗାପାଲି ଠାରୁ ଖଲିଆ ପର୍ଯ୍ୟନ୍ତ ୨କି.ମି କଚ୍ଚା ରାସ୍ତାକୁ ପ୍ରଧାନମନ୍ତ୍ରୀ ସଡ଼କ ଯୋଜନାରେ ସାମିଲ କରି ରାସ୍ତା ନିର୍ମାଣ । ପାଟଣାଗଡ଼ ବ୍ଲକ ସାଲେପାଲି ଗ୍ରା:ପ: ଅନ୍ତର୍ଗତ ନିଲିଯିବାହାଲ ଠାରେ ଦୀର୍ଘ ବର୍ଷରୁ ପ୍ରସ୍ତାବିତ କ୍ଷୁଦ୍ର ଜଳ ସେଚନ ପ୍ରକଳ୍ପ (MIP) କାର୍ଯ୍ୟକ୍ଷମ । ପାଟଣାଗଡ଼ ଗଡ଼ଭିତର ଠାରେ ଥିବା ସର୍ବ ପୁରାତନ ମା ପାଟଣେଶ୍ୱରୀ ମନ୍ଦିରର ପୁନରୁଦ୍ଧାର ସହ ସୌନ୍ଦର୍ଯ୍ୟକରଣ ପାଇଁ ୧୦କୋଟି ଟଙ୍କା ମଞ୍ଜୁରୀ । ବହୁ ପ୍ରତୀକ୍ଷିତ ପାଟଣାଗଡ଼ ବାଇପାସ କାର୍ଯ୍ୟ ଶୀଘ୍ର କାର୍ଯ୍ୟକ୍ଷମ । ପାଟଣାଗଡ଼ ଠାରେ ଖେଳାଳୀ ମାନଙ୍କ ପାଇଁ ସ୍ପୋର୍ଟସ ହଷ୍ଟେଲ ନିର୍ମାଣ । ପାଟଣାଗଡ଼ ବ୍ଲକ ଯୋଗୀମୁଣ୍ଡା ଠାରେ ପ୍ରସ୍ତାବିତ ଆଦର୍ଶ ମହାବିଦ୍ୟାଳୟ ଯଥାଶୀଘ୍ର ସ୍ଥାପନ କରାଯାଉ ଏବଂ ପାଟଣାଗଡ଼ ଠାରେ ଏକଲବ୍ୟ ଆଦର୍ଶ ବିଦ୍ୟାଳୟ ସ୍ଥାପନ । ପାଟଣାଗଡ଼ ଉପଖଣ୍ଡ ଚିକିତ୍ସାଲୟରେ ଖାଲିଥିବା ଡାକ୍ତର ପଦବୀ, ଅନ୍ୟାନ୍ୟ ଷ୍ଟାଫ ନିଯୁକ୍ତି ଶୀଘ୍ର ପୂରଣ କରିବା ଆଦି ୧୦ ଦଫା ଦାବୀ ସମୂହକୁ କାର୍ଯ୍ୟକ୍ଷମ କରିବାକୁ ଅନୁରୋଧ କରିଥିଲେ । (ପୂର୍ଣ୍ଣ ଶଶୀ ଶେଖର ରାଓ )