28-Jan-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ଓଡ଼ିଶାର ମହାମହିମ ରାଜ୍ୟପାଳ ଶ୍ରୀ ରଘୁବର ଦାସଙ୍କ ବଲାଙ୍ଗିର ଜିଲ୍ଲା କୁ ଏକ ଦିନିଆ ଗସ୍ତ ହୋଇଥିଲା।  ସର୍ବପ୍ରଥମେ ନୂଆପଡ଼ା ଜିଲ୍ଲାରୁ ଆସି ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଳକ ଲାଠୋର ପଞ୍ଚାୟତ ଝିଲିଆଲିଟି ଗ୍ରାମରେ ପହଞ୍ଚି ଅଙ୍ଗନୱାଡି କେନ୍ଦ୍ର ପରିଦର୍ଶନ କରି ଶିଶୁମାନଙ୍କ ସହ ସମୟ ବିତେଇଥିବା ବେଳେ ଶିଶୁ ମାନେ ହେଉଛନ୍ତି "ଦେଶର ଭବିଷ୍ୟତ" କୁପୋଷଣଠାରୁ ଦୁରେଇ ରଖିବାକୁ ଦରକାର ବୋଲି ଅଭିଭାବକ ମାନଙ୍କୁ ପରାମର୍ଶ ଦେଇଛନ୍ତି। ଶିଶୁ ମାନଙ୍କୁ ନେଇ ଚାଲୁଥିବା  ବିଭିନ୍ନ ଯୋଜନା ସମ୍ପର୍କରେ ଧ୍ୟାନ ଦେବାକୁ ପଡ଼ିବ ବୋଲି କହିଛନ୍ତି।ଏହା ପରେ ଫୁଲକିମୁଣ୍ଡା ପଞ୍ଚାୟତ ଉଚ୍ଚ ବିଦ୍ୟାଳୟ ରେ ପହଞ୍ଚି ଛାତ୍ର ଛାତ୍ରୀଙ୍କୁ ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଙ୍କ ଉଦାହରଣ ତଥା ରାଷ୍ଟ୍ରୀୟ ଶିକ୍ଷାନୀତି ବିଷୟରେ ଉଦ୍ବୋଧନ ଦେଇଥିଲେ । ଇ ଲାଇବ୍ରେରୀ ତଥା ଜ୍ଞାନକୌଶଳବ୍ୟବହାର ଦ୍ୱାରା ପିଲାମାନେ ଜିଜ୍ଞାଶୁ ହେଉଛନ୍ତି । ଓଡ଼ିଶାରେ ଥିବା କୁପୋଷଣ କୁ ଦୂର କରିବାକୁ ଛାତ୍ର ଛାତ୍ରୀଙ୍କୁ ଆହ୍ବାନ କରିଥିଲେ । ଭବିଷ୍ୟତରେ ସମାଜ ସେବା ଦ୍ୱାରା ଲୋକଙ୍କ ସେବା କରିବାକୁ କହିଥିଲେ । ଖପ୍ରାଖୋଲ ପହଞ୍ଚି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପରିଦର୍ଶନ କରି ରୋଗୀ ମାନଙ୍କୁ ଉଚିତ୍ ବ୍ୟବହାର ପ୍ରଦର୍ଶନ କରିବାକୁ ଆଦେଶ ଦେଇଥିଲେ।ତାପରେ ଓଡ଼ିଶାର ପ୍ରସିଦ୍ଧ ଶୈବପୀଠ ହରିଶଙ୍କର କୁ ପରିଦର୍ଶନ କରିବାକୁ ଯାଇଥିଲାବେଳେ ହରିଶଙ୍କର ବାବାଙ୍କ ଆଶିର୍ବାଦ ନେଇଥିଲେ। ଏବଂ ମିସନ ଶକ୍ତି ଏସଏମଇ ପାର୍କ ରେ ଧୂପକାଠି , ସଳିତା , ସୁରା , ପନିପରିବା , ଉଖୁଡା ଓ ଶୁଖା ଭୋଗ୍ ପ୍ୟାକିଂ ୟୁନିଟ୍ ବୁଲିଦେଖିଥିଲେ । ଶାଢ଼ୀ ର ପ୍ରଚାରପ୍ରସାର ସହ ଉଚ୍ଚକୋଟିର ଡିଜାଇନ ଦ୍ୱାରା ଲୋକଙ୍କ ପାଖରେ ପହଞ୍ଚେଇବାକୁ ଉପାସ୍ଥିତ ମହିଳା ମାନଙ୍କୁ ପରାମର୍ଶ ଦେଇଥିଲେ। ହରିଶଙ୍କର କାଫେ ଠାରେ ମଧ୍ୟାହ୍ନ ଭୋଜନ କରି ବିଶ୍ରାମ ନେଇଥିବା ବେଳେ ଅପରାହ୍ନ ୩ ଟା ରେ ପାଟଣାଗଡ଼ ଅଭିମୁଖେ ପ୍ରସ୍ଥାନ କରିଥିଲେ।

ଉଳବା ଗାଁ ରେ ପ୍ରଧାନ ମନ୍ତ୍ରୀ ଗ୍ରାମୀଣ ଆବାସ ଯୋଜନା ରେ ଘର ପାଇଥିବା ହିତାଧିକାରୀଙ୍କ ଘର ଘର ବୁଲି ଦେଖିଥିଲେ ।
ପରେ ବିଭିନ୍ନ ଲୋକଙ୍କ ସମସ୍ୟା ବିଷୟରେ ଆଲୋଚନା କରିଥିଲେ । ଶେଷରେ ଭଇଁଷା ରେ ଚାଷୀଙ୍କ ସହ ପ୍ରଧାନମନ୍ତ୍ରୀ କିଶାନ ଯୋଜନା , ଫସଲ ବୀମା ଯୋଜନା ଆଦି ବିଷୟରେ କଥା ହୋଇଥିଲେ । ଚିନିକାଳ ପୁନଃ ଉଦ୍ଧାର , କପା ର ମିଲିଙ୍ଗ , ଏମଏସପି ବଢେଇବା ତଥା କୋଲ୍ଡ ସ୍ଟୋରେଜ୍ ପାଇଁ ଦାବି କଥା ନିଶ୍ଚିତ ବୁଝିବେ ବୋଲି କହିଥିଲେ । ଏହି ଗସ୍ତ ସମୟରେ ରାଜ୍ୟପାଳଙ୍କ ବ୍ୟକ୍ତିଗତ ସଚିବ ହିମାଂଶୁ ପଟ୍ଟନାୟକ , ଲେଫ୍ଟନାଣ୍ଟ କମାଣ୍ଡର ହିମାଂଶୁ ସିଂ,  ଜିଲ୍ଲାପାଳ ଶ୍ରୀ ଚଞ୍ଚଳ ରାଣା , ଆରକ୍ଷୀ ଅଧିକ୍ଷକ ଋଷିକେଶ ଖିଲାରୀ ଦ୍ୟଂଦେଓ, ଅତିରିକ୍ତ ଜିଲ୍ଲାପାଳ ଶ୍ରୀ ଲମ୍ବୋଦର ଧରୁଆ , ଜିଲ୍ଲାପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ସୁଶାନ୍ତ ସିଂ ଜିଲ୍ଲା ମୁଖ୍ୟ ଚିକିତ୍ସାଧିକାରୀ  କୁବେର ଚନ୍ଦ୍ର ମହନ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ଲୀଳାବତୀ ନାଗ , ଜିଲ୍ଲା ଶିକ୍ଷାଧିକାରୀ ଧ୍ରୁବ ଚରଣ ବେହେରା ପ୍ରମୁଖ ଉପସ୍ଥିତ ଥିଲେ ।