27-Jan-2024

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ )
ଜିଲ୍ଲା  ସଦର ମହକୁମାରେ ଆନନ୍ଦ ଉଲ୍ଲାସ ମଧ୍ୟରେ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି I ଶ୍ରୀମତୀ ଉଷାଦେବୀ, ମାନ୍ୟବର ମନ୍ତ୍ରୀ  ଗୃହ ଓ ନଗର ଉନ୍ନୟନ ବିଭାଗ , ଓଡିଶା ସରକାର ,ମୁଖ୍ୟ ଅତିଥି ରୂପେ ଯୋଗଦେଇ ସକାଳ 8.30 ମି ସମୟରେ ରାମେଶ୍ଵର  ଷ୍ଟାଡିୟମ୍ ରେ ଜାତୀୟ ପତାକା ଉତ୍ତୋଳନ କରି  ଜିଲ୍ଲା ବାସୀ ଙ୍କ ଉଦ୍ଦେଶ୍ୟରେ ଉଦବୋଧନ ଦେଇଥିଲେ  l  ଜିଲ୍ଲାପାଳ  ବିମଳେନ୍ଦୁ ରାୟ ଓ ଜିଲ୍ଲା  ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ମଞ୍ଚରେ ମନ୍ତ୍ରୀଙ୍କୁ ସ୍ଵାଗତ କରିଥିଲେ  l ମାନ୍ୟବର ମନ୍ତ୍ରୀ ଉଷାଦେବୀ  ସୁବର୍ଣ୍ଣପୁର ର ଇତିହାସ ଐତିହ୍ୟ କଳା ସଂସ୍କୃତିର ଭୂୟସୀ ପ୍ରଶଂସା କରିବା ସହିତ ଜିଲ୍ଲାର ପର୍ୟଟନସ୍ଥଳୀ ଏବଂ ପାଟ ମଠା ବୟନଶିଳ୍ପ ଜିଲ୍ଲା କୁ ସ୍ଵତନ୍ତ୍ର ପରିଚୟ ପ୍ରଦାନ କରିଛି ବୋଲି  କରିଥିଲେ l  ଜିଲ୍ଲାର ସର୍ବାଙ୍ଗୀନ ଉନ୍ନତି ପାଇଁ ସରକାରଙ୍କ  ତରଫରୁ ନିଆଯାଉଥିବା ବିଭିନ୍ନ କଲ୍ୟାଣକାରୀ ପଦକ୍ଷେପ ସମ୍ବନ୍ଧରେ ସୂଚନା  ଦେଇଥିଲେ I ଷ୍ଟାଡିୟମ୍ ଠାରେ ପରେଡ କମାଣ୍ଡର ଆର ଆଇ, କାହ୍ନୁଚରଣ ମାରାଣ୍ଡିଙ୍କ ତତ୍ୱାବଧାନ ରେ ସମବେତ ପରେଡ୍ ରେ  ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟ ରୁ  37 ଟି ଦଳ ଅଂଶଗ୍ରହଣ କରିଥିଲେ l   ବିଭିନ୍ନ ବିଭାଗର ଉନ୍ନୟନ ଓ କଲ୍ୟାଣକାରୀ ଯୋଜନା ସମ୍ପର୍କିତ ପ୍ରଜ୍ଞାପନ ମେଢ଼ ପଡିଆରେ ପ୍ରଦର୍ଶିତ ହୋଇଥିଲା  I  ଜନରାଜ୍ଯ  ଦିବସ ପାଳନ ଅବସରରେ  ଜିଲ୍ଲାରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ଦେଇଥିବା  ବ୍ୟକ୍ତିବିଶେଷ, ସଂସ୍ଥା , କର୍ମଚାରୀ ଏବଂ ବୟନ ଶିଳ୍ପ କ୍ଷେତ୍ରରେ ପାରଦର୍ଶିତା ପ୍ରଦର୍ଶନ କରିଥିବା 13 ଜଣ ଶୀଳ୍ପିଙ୍କୁ ମଞ୍ଚରେ ମୁଖ୍ୟ ଅତିଥି ସମ୍ବର୍ଦ୍ଧିତ କରିଥିଲେ I ପ୍ୟାରେଡରେ  ଉତ୍କୃଷ୍ଟ ପ୍ରଦର୍ଶନ କରିଥିବା ଏନ ସି ସି,ସ୍କାଉଟ,ଗାଇଡ଼, ରେଡ଼କ୍ରସ, ସିଭିଲିଆନ ଗ୍ରୁପ୍ ରୁ ବିଭିନ୍ନ  ବର୍ଗରେ 12 ଟି  ଦଳଙ୍କୁ ବିଭିନ୍ନ ଟ୍ରଫି ସହ ସମ୍ମାନିତ କରାଯାଇଥିଲା I

ପରେ ମନ୍ତ୍ରୀ ସ୍ଥାନୀୟ ଶିଶୁ ଗୃହରେ ଅନ୍ତେବାସୀ ମାନଙ୍କୁ ମିଷ୍ଟାନ୍ନ ଓ ଫଳ ବଣ୍ଟନ କରିଥିଲେ l ଦିବସ ପରିପ୍ରେକ୍ଷୀରେ ଅପରାହ୍ନ ରେ ରୋୟାଲ ପଡିଆରେ ଅନୁଷ୍ଠିତ ଏକ ପ୍ରଦର୍ଶନୀ ଫୁଟବଲ ମ୍ଯାଚ ରେ ଜିଲ୍ଲାପାଳ ଏକାଦଶ , ନଗରପାଳ ଏକାଦଶ ଦଳକୁ 2- 0 ଗୋଲ୍ ରେ ପରାସ୍ତ କରିଥିଲେ lସନ୍ଧ୍ୟାରେ ନୂତନ ଟାଉନହଲ୍ ରେ ଏକ ପୁରସ୍କାର ବିତରଣ  ଏବଂ ସାଂସ୍କୃତିକ ସନ୍ଧ୍ୟାର ଆୟୋଜନ କରାଯାଇଥିଲା l ଏଥିରେ ଗଣତନ୍ତ୍ର ଦିବସ  ପାଇଁ ପୂର୍ବରୁ ଆୟୋଜିତ  ହୋଇଥିବା ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀ ମାନଙ୍କୁ ମାନପତ୍ର ଓ  ଟ୍ରଫି ପ୍ରଦାନ କରାଯାଇଥିଲା I ଭୀମଭୋଇ କଳା ପରିଷଦର କଳାକାର ମାନେ ସ୍ଵାଗତ ସଙ୍ଗୀତ ପରିବେଷଣ କରିଥିଲେ I ସାହାରା ଟ୍ରଷ୍ଟ୍ ହାଇସ୍କୁଲ, ଆଦର୍ଶ ୟୁପି ସ୍କୁଲ୍, ବାଳିକା ଉଚ୍ଚ ବିଦ୍ୟାଳୟ , ଶ୍ରୀ ଅରବିନ୍ଦ ଉଚ୍ଚ ବିଦ୍ୟାଳୟ ,କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ର  ଛାତ୍ରଛାତ୍ରୀ ଏବଂ  କଳାକାର ମାନେ ତଥା ଶିଶୁ କଳାକାର ଅଂଶୀକା  ମିଶ୍ର , ଡଃ ପ୍ରତ୍ୟୁଷ ବାଗ ପ୍ରମୁଖ ସୁନ୍ଦର ନୃତ୍ୟ ସଙ୍ଗୀତ ପରିବେଷଣ କରିଥିଲେ I ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ , ଜିଲ୍ଲା ଉନ୍ନୟନ ଅଧିକାରୀ ଅଶ୍ଵିନି ମେହେର ଙ୍କ ସହିତ ପ୍ରଶାସନ ର ବରିଷ୍ଠ ଅଧିକାରୀମାନେ ଏହି କାର୍ଯ୍ୟକ୍ରମରେ ଯୋଗଦେଇ ଛାତ୍ରଛାତ୍ରୀ ଏବଂ କଳାକାର ମାନଙ୍କୁ  ଉତ୍ସାହିତ କରିଥିଲେ l ଜିଲ୍ଲା ସଂସ୍କୃତି ଅଧିକାରୀ ଯମୁନା ପଧାନ, ଜିଲ୍ଲା କ୍ରୀଡ଼ା ଅଧିକାରୀ ଚିତ୍ତରଞ୍ଜନ ମିଶ୍ର ଏବଂ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଅଶ୍ଵିନି କୁମାର  ଭୋଇ ସମସ୍ତ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସାଂସ୍କୃତିକ କାର୍ଯ୍ୟକ୍ରମ କୁ ବିଦ୍ୟାପତି ପଣ୍ଡା ସଂଯୋଜନା କରିଥିଲେ I ଦିବସର ପ୍ରାତଃ ସମୟରେ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସହରରେ ରାମଧୁନ ପରିବେଷଣ କରାଯାଇଥିବା ବେଳେ ସକାଳ 6.30ମି ସମୟରେ ଜିଲାପାଳ, ଅତିରିକ୍ତ ଜିଲ୍ଲାପାଳ ଏବଂ ପ୍ରଶାସନ ର ବରିଷ୍ଠ ଅଧିକାରୀମାନେ ସହରସ୍ଥିତ  ବିଭିନ୍ନ ମହାପୁରୁଷ ମାନଙ୍କ ପ୍ରତିମୂର୍ତ୍ତିରେ  ପୁଷ୍ପ ମାଲ୍ୟାର୍ପଣ  କରିଥିଲେ l ଦିବସର ଅନୁଷ୍ଠିତ ବିଭିନ୍ନ କାର୍ଯ୍ୟକ୍ରମ ରେ ସମସ୍ତ ଜିଲ୍ଲାସ୍ତରୀୟ ଅଧିକାରୀ  , ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନ ର କର୍ମକର୍ତ୍ତା  ଉପସ୍ଥିତ ରହି ଜାତୀୟ ଦିବସ ପାଳନ ରେ ସହଯୋଗ କରିଥିଲେ l