27-Jan-2024

ବଲାଙ୍ଗିର (ସନ୍ତୋଷ କୁମାର ଠାକୁର ): ଜେ ଏସ୍ ଏମ୍  ବାଣିଜ୍ୟ ଏବଂ କଳା ମହାବିଦ୍ୟାଳୟ  କଲେଜ ପରିସରରେ ୭୫ତମ ଗଣତନ୍ତ୍ର ଦିବସ ଦିବସ ପାଳନ କରାଯାଇଛି  | ମହାବିଦ୍ୟାଳୟର ନିର୍ଦ୍ଦେଶକ ସିଏ ଶ୍ରୀକାନ୍ତ ଶର୍ମା, ଉପଦେଷ୍ଟା ମନରଞ୍ଜନ୍ ସହୁ, ଅଧ୍ୟକ୍ଷ ପିତବାସ ପଣ୍ଡା ଯୋଗ ଦେଇଥିଲେ l ମୁଖ୍ୟ ଅତିଥି ବରିଷ୍ଟ ଓକିଲ ଅମରେନ୍ଦ୍ର ମିଶ୍ରଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ ସହ ଜାତୀୟ ସଂଗୀତ  ଗାନ  କରାଯାଇଥିଲା । ଅଧ୍ୟକ୍ଷ ପିତବାସ ପଣ୍ଡା  ସ୍ୱାଗତ ସମ୍ବର୍ଦ୍ଧନା କରିଥିଲେ l 

ଗଣତନ୍ତ୍ର  ବା ସମ୍ୱିଧାନ ଆଜି ଆମକୁ କିପରି ମିଳିଅଛି ଓ ଛାତ୍ରଛାତ୍ରୀମାନେ ଏହାର ଗୁରୁତ୍ୱକୁ ବୁଝିବା ନିମନ୍ତେ କଲେଜ ର ଉପଦେଷ୍ଟା ମନୋରଞ୍ଜନ ସାହୁ ପରାର୍ମଶ ପ୍ରଦାନ କରିଥିଲେ ।  ଛାତ୍ର ସମୟରେ ଗଣତନ୍ତ୍ରର ଗୁରୁତ୍ୱକୁ ବୁଝି ନିଜର ଭବିଷ୍ୟତ ଗଠନ କରି ଦେଶକୁ ଆଗେଇ ନେବା ଆମର କର୍ତ୍ତବ୍ୟ ବୋଲି କଲେଜର ନିର୍ଦ୍ଦେଶକ ସି ଏ ଶ୍ରୀକାନ୍ତ ଶର୍ମା ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ଥିଲେ l

 ମୁଖ୍ୟ ଅତିଥି ଅମରେନ୍ଦ୍ର ମିଶ୍ର  ପିଲାମାନଙ୍କୁ ଗଣତନ୍ତ୍ର ଦିବସ ର  ତାତ୍ପର୍ଯ୍ୟ ବିଷୟରେ ବୁଝାଇ ଥିଲେ l ଆଗକୁ ବଢିବା  ନିମନ୍ତେ ନିଜର ନିଜର ଆଧିକାର ଓ କର୍ତ୍ତ୍ୟବ ଜାଣିବା ନିତାନ୍ତ ଆବଶ୍ୟକ ରହିଛି ବୋଲି ଶ୍ରୀ ମିଶ୍ର ପ୍ରକାଶ କରିଥିଲେ l
ଛାତ୍ର ପରିଷଦର  ଶ୍ରୀ ପି ସାୱନ ସାମ ୭୫ତମ ଗଣତନ୍ତ୍ର ଦିବସ ଉପଲକ୍ଷେ ବକ୍ତବ୍ୟ ପ୍ରଦାନ କରିଥିଲେ । ଶେଷରେ ଶିକ୍ଷୟିତ ଶ୍ରୀମତୀ ସୁପ୍ରିୟା ମହାପାତ୍ର ଧନ୍ୟବାଦ ପ୍ରଦାନ କରି କାର୍ଯ୍ୟକ୍ରମକୁ ସାଙ୍ଗ କରିଥିଲେ  ।