26-Jan-2024

ଡୁଙ୍ଗୁରିପାଲି (ପ୍ରେରଣା ଖବର): ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ପଞ୍ଚାୟତ ଉଚ୍ଚ ବିଦ୍ୟାଳୟ ଓ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ତରଫରୁ ମିଳିତ ଭାବରେ ୭୫ତମ ଜନରାଜ୍ୟ ଦିବସ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବରେ ମାୟାବର୍ହା ହାଇସ୍କୁଲ ର ପ୍ରଧାନଶିକ୍ଷକ ରବିଚନ୍ଦ୍ର ପଶାୟତ ଜାତିୟ ପତାକା ଉତ୍ତୋଳନ କରି ପ୍ୟାରେଡ ଫଲ୍ ଇନ୍ ର ସମବେତ ଛାତ୍ରଛାତ୍ରୀ ଙ୍କୁ ଭାରତବର୍ଷ ର ସ୍ଵାଧୀନତା ସଂଗ୍ରାମ, ପାର୍ଲିଆମେଣ୍ଟ ଓ ଏକ ବିଂଶର ଡିଜିଟାଲ ଯୁଗର କ୍ରମାଗତ ବିକାଶ ବିଷୟରେ ବକ୍ତବ୍ୟ ରଖିଥିଲେ।

ପରେ ଛାତ୍ରଛାତ୍ରୀ ମାନେ ମାୟାବର୍ହା ଗ୍ରାମ ପରିକ୍ରମା କରିଥିଲେ । ଖେଳ ଶିକ୍ଷକ ପ୍ରହଲ୍ଲାଦ ଦାଶ ଓ ଚୈତନ୍ୟ ବାରିକ କାର୍ଯକ୍ରମ କୁ ପରିଚାଳନା କରିଥିଲେ। ବରିଷ୍ଠ ଶିକ୍ଷକ ତଥା ସ୍କାଉଟ ତାଲିମ କମିଶନର ଦୀନବନ୍ଧୁ ପ୍ରଧାନ ସମଗ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ। ଜୁନିୟର ରେଡ କ୍ରସ ଓ ସ୍କାଉଟ ପିଲାମାନେ ଫିଜିକାଲ ଡିସପ୍ଲେ ଏବଂ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ କରିଥିଲେ।

ମ।ୟ।ବର୍ହା ନୋଡାଲ ସ୍କୁଲର ପ୍ରଧାନ ଶିକ୍ଷୟିତ୍ରୀ ମୌନାବତୀ ଜାଲ, ଶିକ୍ଷକ ନନ୍ଦିଘୋଷ ବାରିକ, ସୁଶିଲ ସାହୁ, ବଲଭୀ ବନଚ୍ଛୋର ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ। ପରିଚାଳନା କମିଟି ଓ ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ ବୃନ୍ଦ ସହଯୋଗ କରିଥିଲେ ।