10-Jan-2024

ବୌଦ୍ଧ(ଦୁର୍ଯ୍ଯୋଧନ ବିଶି ):ଜୱାହର ନବୋଦୟ ବିଦ୍ୟାଳୟ, ପାଲଝର ତରଫରୁ ବରିଷ୍ଠ ଶିକ୍ଷକ ଦିଲୀପ କୁମାର ବାଡତ୍ୟାଙ୍କ ଉଦ୍ୟମରେ  ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ (ଏଫ.ଏଲ.ଏନ.) କୁ ନେଇ ଏକ ସଚେତନତା କାର୍ଯ୍ୟକ୍ରମ ସମ୍ପନ୍ନ  ହେଇଯାଇଛି। ହରଭଙ୍ଗା   ବ୍ଲକ ଅନ୍ତର୍ଗତ ସରସରା କ୍ଲଷ୍ଟରର  ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ପଦ୍ୟ ଆବୃତ୍ତି ଓ ଗଦ୍ୟ ପଠନ  ମାଧ୍ୟମରେ ମୌଳିକ ସାକ୍ଷରତା ଜ୍ଞାନ ପ୍ରତି ସଚେତନତା ସମ୍ପର୍କିତ କର୍ମଶାଳାରେ ଉପସ୍ଥିତ ରହି ଦିଲୀପ କୁମାର ବାଡତ୍ୟା ତାଙ୍କ ବକ୍ତବ୍ୟରେ  ଅକ୍ଷର ଜ୍ଞାନ,ଆବୃତି  ଓ ପଠନ  ଉପରେ ଗୁରୁତ୍ଵ ଦେବା ସଙ୍ଗେସଙ୍ଗେ  ପିଲାମାନକୁ ଆଗାମୀ ନବୋଦୟ ବିଦ୍ୟାଳୟ ପ୍ରବେଶିକା ପରୀକ୍ଷା ପାଇଁ ଶୁଭକାମନା ବ୍ୟକ୍ତ କରିଥିଲେ। କାର୍ମଶାଳା ରେ ସରସରା କ୍ଲଷ୍ଟର ର ସିଆରସିସି ଶ୍ରୀ ଶ୍ରିବନ୍ତ୍  ନାୟକ ଏବଂ ପ୍ରଧାନ ଶିକ୍ଷକ ତ୍ରିଲୋଚନ ବେହେରା ଉପସ୍ଥିତ ରହି କାର୍ଯ୍ୟକ୍ରମ ସଞ୍ଚାଳନ କରିଥିଲେ ।  ଉପସ୍ଥିତ ଅତିଥି ମାନେ ତାଙ୍କ  ବକ୍ତବ୍ୟରେ ବିଦ୍ୟାଳୟ ର ଛାତ୍ରଛାତ୍ରୀ ମାନଙ୍କ ଅନ୍ତର୍ନିହିତ ପ୍ରତିଭାକୁ  ବିକଶିତ କରିବା ପାଇଁ  ଶିକ୍ଷକମାନଙ୍କ ଯୋଗଦାନ କୁ ପ୍ରଶଂସା କରିଥିଲେ । ବିଦ୍ୟାଳୟ ରେ ଛାତ୍ରଛାତ୍ରୀ ମାନଙ୍କ ପାଇଁ ଉଦ୍ଦିଷ୍ଟ  ମୌଳିକ ପଠନ  ଓ ଆବୃତ୍ତି  ବିଷୟରେ ଆଲୋଚନା କରା ଯାଇଥିଲା । ପିଲାଙ୍କ ପାଇଁ ଆୟୋଜିତ  ପଦ୍ୟ ଆବୃତ୍ତି  ପ୍ରତିଯୋଗିତାରେ  ବିଦ୍ୟାଳୟର ପଞ୍ଚମ ଶ୍ରେଣୀ ଛାତ୍ରୀ  ସୁଶ୍ରୀ ଅମୃତା ଗୁରୁ , ଚତୁର୍ଥ ଶ୍ରେଣୀ ଛାତ୍ରୀ ସିମ୍ରନ ପ୍ରଧାନ, ଚତୁର୍ଥ ଶ୍ରେଣୀ ଛାତ୍ରୀ ଅନ୍ଵେଷା ପ୍ରଧାନ ଯଥାକ୍ରମେ ପ୍ରଥମ, ଦ୍ଵିତୀୟ ଓ  ତୃତୀୟ  ସ୍ଥାନ ଗ୍ରହଣ କରିଥିଲେ । ଗଦ୍ୟ ପଠନ  ପ୍ରତିଯୋଗୀତାରେ ପଞ୍ଚମ ଶ୍ରେଣୀ ଛାତ୍ର  ଆକାଶ ବାରିକ , ଚତୁର୍ଥ ଶ୍ରେଣୀ ଛାତ୍ରୀ ସୋନାଲୀ ପ୍ରଧାନ, ତୃତୀୟ ଶ୍ରେଣୀ ଛାତ୍ରୀ ରୁଚିସ୍ମିତା ସ୍ଵାଇଁ ଯଥାକ୍ରମେ ପ୍ରଥମ , ଦ୍ଵିତୀୟ ଓ  ତୃତୀୟ  ସ୍ଥାନ ଗ୍ରହଣ କରିଥିଲେ ।  କାର୍ଯ୍ୟକ୍ରମ ର  ଶେଷରେ ବିଦ୍ୟାଳୟ ର  ପ୍ରଧାନ ଶିକ୍ଷକ  ଓ ଏଫ.ଏଲ.ଏନ  ର ସଂଯୋଜକ ଶ୍ରୀ ଦିଲୀପ କୁମାର ବାଡତ୍ୟାଙ୍କ ଦ୍ଵାରା କୃତୀ  ବିଜେତା ମାନଙ୍କୁ ପ୍ରଶଂସା ପତ୍ର ବିତରଣ କରାଯାଇଥିଲା । ସରସରା  ଉଚ୍ଚ ପ୍ରାଥମିକ  ବିଦ୍ୟାଳୟ ର ଅନ୍ୟାନ୍ୟ ଶିକ୍ଷକ ଓ ଶିକ୍ଷୟିତ୍ରୀ ମାନେ ସମସ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ ।