08-Jan-2024

ବିନିକା(ହିମାଂଶୁ ଶେଖର ପୁଟେଲ) ବିନିକା ଏନଏସି ଉଲ୍ଲେ ଗ୍ରାମର ବିଶିଷ୍ଟ ସମାଜସେବୀ ସ୍ବର୍ଗତ ରାଜେନ୍ଦ୍ର ପ୍ରସାଦ ପଣ୍ଡାଙ୍କ ୮୨ ତମ ଜୟନ୍ତୀ ସୃତି କମିଟି ପକ୍ଷରୁ ଗତକାଲି ସନ୍ଧ୍ୟାରେ ଧୁମଧାମରେ ପାଳିତ ହୋଇଯାଇଛି l ଏହି ଅବସରରେ ମାଗଣା ଚକ୍ଷୁ ଚିକିତ୍ସା ଅନୁଷ୍ଟିତ ହୋଇଥିବା ବେଳେ ଅସହାୟ ବୃଦ୍ଧ ବୃଦ୍ଧାଙ୍କୁ ଶୀତ ବସ୍ତ୍ର ବିତରଣ,ଛାତ୍ରୀ ଛାତ୍ରଙ୍କୁ ପୁରସ୍କୃତ,ସାମାଜିକ କର୍ମୀ,ସାମାଜିକ ଅନୁଷ୍ଠାନ,ସାମ୍ବାଦିକ,କଳାକାର ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା l ମହାନଦୀ ନେତ୍ର ଚିକିତ୍ସାଳୟ ପଣ୍ଡାପାଲି ବୀରମହାରାଜପୁର ସହଯୋଗରେ ଅନୁଷ୍ଟିତ ମାଗଣା ଚକ୍ଷୁ ଶିବିରରେ ୩୮ ଜଣଙ୍କର ଚକ୍ଷୁ ପରୀକ୍ଷା ହୋଇଥିଲା l ସେମାନଙ୍କ ମଧ୍ୟରୁ ୭ଜଣଙ୍କ ଚକ୍ଷୁ ଅସ୍ତ୍ରପ୍ରଚାର ପାଇଁ ଡାକ୍ତରଖାନାକୁ ରେଫର କରା ହୋଇଥିଲା ଶିବିରକୁ ସମାଜସେବୀକା ଜାହ୍ନବୀ ପଣ୍ଡା ଉଦ୍ଘାଟନ କରିଥିଲେ ।ସେହିପରି ସନ୍ଧ୍ୟାରେ ପାପକ୍ଷୟ ଘାଟ ବିକାଶ ପରିଷଦ ସଭାପତି ତଥା ଗ୍ରାମର ସଚେତନ ନାଗରିକ ସନ୍ତୋଷ କୁମାର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଟିତ ସଭାରେ ଯୋଗଦେଇଥିବା ଅତିଥି ମାନେ ସ୍ବର୍ଗତ ରାଜେନ୍ଦ୍ର ପ୍ରସାଦ ପଣ୍ଡାଙ୍କ ଫଟୋ ଚିତ୍ର ଉପରେ ପୁଷ୍ପମାଲ୍ୟ ଅର୍ପଣ କରି ସମାଜ ପାଇଁ ତାଙ୍କର ଅବଦାନ ଉପରେ ଆଲୋକପାତ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ମୁଖ୍ୟ ବକ୍ତା ଶିକ୍ଷାବିତ  ଡ଼  ଅନିରୁଦ୍ଧ କୁର୍କୁରିଆ,ସ୍ଵତନ୍ତ୍ର ଅତିଥି ଓଡ଼ିଶା ସଙ୍ଗୀତ ସାହିତ୍ୟ ଏକାଡେମୀ ସଦସ୍ୟ ଶାଶ୍ଵତ ତ୍ରିପାଠୀ,ସମ୍ମାନିତ ଅତିଥି ଶିକ୍ଷାବିତ ମୁରଳିଧର ବିଶ୍ଵାଳ,ବିନିକା ଏନଏସି ଉପାଧ୍ୟକ୍ଷା ତପସ୍ୱିନୀ ମେହେର,ଯୁବ ଉଦ୍ୟୋଗୀ ହିମାଂଶୁ ପାଣିଗ୍ରାହୀ,ଆବାହକ ତଥା ଯୁବ ସଂଗଠକ ମମତାଜ ପଣ୍ଡା,ସୃତି କମିଟି ପ୍ରତିଷ୍ଠାତା ରାମ ଗୋପାଳ ବାଘ ପ୍ରମୁଖ ଯୋଗଦେଇଥିଲେ ।ସଭାକୁ ଶିକ୍ଷକ ହିମାଂଶୁ ଭୂଷଣ ପଣ୍ଡା ସଂଯୋଜନା କରିଥିବା ବେଳେ ଶେଷରେ କାଉନସିଲର ଆଶାରାଣୀ ପଣ୍ଡା ଧନ୍ୟବାଦ ଅର୍ପଣ କରିଥିଲେ। ପରେ ଦେଖଣାହାରୀ ଦର୍ଶକଙ୍କ ମନୋରଂଜନ ପାଇଁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।