06-Jan-2024

ବୋଡ଼େନ  (ଡୋଲେସ୍ବର ଵାଗ )
 ନୂଆପଡ଼ା ଜିଲ୍ଲାରୁ ବର୍ଷକୁ ବର୍ଷ ହଜାର ହଜାର ସଂଖ୍ୟାରେ ଦାଦନ ଯାଉଛନ୍ତି ବାହାର ରାଜ୍ୟକୁ।କୌଣସି ପଞ୍ଚାୟତରେ ନାମ ପଞ୍ଜିକରଣ ତାଲିକା ରଖୁନାହାନ୍ତି ,ଏହା ହେଉଛି ସରକାରୀ ଦୁର୍ବଳତା ।ନିରୀହ ଶ୍ରମିକ ଶ୍ରେଣୀର ଲୋକ ପେଟ ପୋଷିବାକୁ କିଛି ଅର୍ଥ ନିମିତ୍ତ  ନିଜ ଭିଟାମାଟି ଛାଡ଼ି ଅନ୍ୟତ୍ର ଯାଆନ୍ତି କିଛି ମାସ ପାଇଁ ଏବଂ ପରେ ଫେରି ଆସିଥାନ୍ତି ।ହେଲେ ପ୍ରତିବର୍ଷ ଦାଦନ କରୁଣ କାହାଣୀର ଦୁଃଖ ପ୍ରତି ଦିନ ସବୁ ଖବର କାଗଜରେ ସ୍ଥାନ ପାଏ।ତଥାପି ସୁଧୁରି ନାହାନ୍ତି ମାଲିକ,ସର୍ଦ୍ଦାର ଓ ଦଲାଲ ।ଲୋକଙ୍କୁ ଅର୍ଥ ଲୋଭ ଦେଖାଇ ନେଇ ଯାଆନ୍ତି ଏବଂ କଠିନ ପରିଶ୍ରମ କରାଇଥାନ୍ତି ।ଠିକ୍ ସେହି ବଲାଙ୍ଗୀର ଜିଲ୍ଲା କୁଇବାହଲ ଗ୍ରାମର ସର୍ଦ୍ଦାର ଅମର ସିଂ ତାଣ୍ଡି ଓ ଦଲାଲ ଶୁନାପୁର ଗ୍ରାମର ସୋମନାଥ କାଣ୍ଡଙ୍କ ଜରିଆରେ ସେହି ଗ୍ରାମର ମଧୁ କାଣ୍ଡ ଓ ତାଙ୍କ ସ୍ତ୍ରୀ ଗୁଣ ବତି କାଣ୍ଡ ତାଙ୍କର ଦୁଇଟି ଝିଅ ଓ ଗୋଟିଏ ପୁଅ ସହିତ ସପରିବାର ତେଲେଙ୍ଗାନାର ଚିକଲ ମାମଲି ଗ୍ରାମକୁ ଇଟା ଗଢ଼ିବା ପାଇଁ ଯାଇଥିଲେ ।ମାତ୍ର ୧୫ ଦିନ ମଧ୍ୟରେ ମଧୁ କାଣ୍ଡ ଙ୍କ ୩ ବର୍ଷର ଝିଅ ନେହା କାଣ୍ଡ ଝାଡ଼ା ବାନ୍ତିରେ ଆକ୍ରାନ୍ତ ହୋଇ ମୃତ୍ୟୁ ବରଣ କରିବାପରେ ତାଙ୍କୁ ଡାକ୍ତର ଖାନାକୁ ନିଆଯାଇଥିଲା ,ସେଠାରେ ଡାକ୍ତର ମୃତ ଘୋଷଣା କରିଥିଲେ ।ପୋଷ୍ଟମର୍ଟମ ସରିବା ପରେ ତାଙ୍କୁ ଆମ୍ବୁଲାନ୍ସ ଯୋଗେ ସୁନାପୁର ଗ୍ରାମକୁ ଅଣାଯାଇଥିଲା ।ପରିବାର ବର୍ଗଙ୍କୁ ବହୁତ୍ ହଇରାଣ ହେବାକୁ ପଡିଥିବା ପ୍ରକାଶ କରିଛନ୍ତି ।କିଛି ଆର୍ଥିକ ସହାୟତା ମଧ୍ୟ ଦେଇ ନାହାନ୍ତି ।ଶିଶୁର ମୃତ୍ୟୁରେ ପରିବାର ସମ୍ପୂର୍ଣ୍ଣ ଭାଙ୍ଗି ପଡିଛନ୍ତି ।ସର୍ଦ୍ଦାର ଓ ଦଲାଲ ମାନେ ସବୁବେଳେ ନିର୍ଯ୍ୟାତନା ଦେଇ ଆସୁଥିବା ଅଭିଯୋଗ ହେଉଛି ।ଏଥି ପ୍ରତି ପୋଲିସ ଓ ଜିଲ୍ଲା ପ୍ରଶାସନ ଦୃଷ୍ଟି ଦେଇ ଉଚିତ୍ ନ୍ୟାୟ ପ୍ରଦାନ କରିବାକୁ ସାଧାରଣରେ ଆଲୋଚନା ହେଉଛି ।