05-Jan-2024

ଶେଷରେ ଧରା ହେଲା ପଟକିଆ ଦନ୍ତା ହାତୀ : ଅଞ୍ଚଳବାସୀ ଆଶ୍ୱସ୍ତ

କଣ୍ଟାମାଳ,05.01 : ବନବିଭାଗ ର ଅକ୍ଲାନ୍ତ ପରିଶ୍ରମ ପରେ ଶେଷରେ ଗୁରୁବାର ସନ୍ଧ୍ୟା ପ୍ରାୟ 8ଘଣ୍ଟା ସମୟରେ ଧରାହେଲା ପଟକିଆ ଦନ୍ତା ହାତୀ l ଡ଼ିଏଫଓ ବୌଦ୍ଧ ଦେବପ୍ରିୟ କମ୍ପ ଙ୍କ ନେତୃତ୍ୱରେ ବୌଦ୍ଧ ବନଖଣ୍ଡ କଣ୍ଟାମାଳ ରେଞ୍ଜ ଅଧୀନ ବରଗାଁ ପଞ୍ଚାୟତର ଲୁଇସିଂ ଅଂଚଳରୁ ଟ୍ରାଙ୍କୁଲାଇଜିଙ୍ଗ କରି ଏହି ଦାନ୍ତlହାତୀଟିକୁ କାବୁ କରିଛି ବନବିଭାଗ  l  ସୂଚନାନୁସାରେ ଡ଼ିଏଫଓ ଙ୍କ ପୂର୍ବପ୍ରସ୍ତୁତି ଅନୁସାରେ ଲୁଇସିଂ ଗ୍ରାମର ଗୋଟିଏ ସ୍ଥାନରେ ଧାନ ରଖlଯାଇଥିଲା  l  ହାତୀଟି ଧାନ ଖାଇବାକୁ ଆସିବାରୁ ଟ୍ରlଙ୍କୁଲାଇଜିଙ୍ଗ କରି ତାହାକୁ ଆୟତ୍ତ କରିଥିଲେ l  ପ୍ରକାଶଯୋଗ୍ୟ ଯେ ଉକ୍ତ ଦନ୍ତା ହାତିଟି ଗତ 4/5ଦିନ ହେଲା କଣ୍ଟାମାଳ ରେଞ୍ଜ ଅନ୍ତର୍ଗତ ଉଦେପୁର ଗ୍ରାମ ଭିତରେ ପଶି ଲୋକଙ୍କ ଘର ଭାଙ୍ଗି ଧାନ ଚାଉଳ ଖାଇ ନଷ୍ଟ କରିବା ସହ ବହୁ ଫସଲ ନଷ୍ଟ କରିଥିଲା l  ଫଳରେ ବନବିଭାଗ ର ଅପାରଗତାକୁ ନେଇ ଉତ୍ୟକ୍ତ ଗ୍ରାମବାସୀ ରାସ୍ତାରୋକ କରିଥିଲେ l  ଏବେ ହାତୀଟିକୁ ଟ୍ରାଙ୍କୁଲାଇଜିଙ୍ଗ ପରେ ଲୁହା ଶିକୁଳି ଦ୍ୱାରା ଗଛରେ ବାନ୍ଧି ରଖାଯାଇଛି  l  

ଏଥିରେ ଏସିଏଫ ଆଶିଷ କହଁର,ଭାରପ୍ରାପ୍ତ କଣ୍ଟାମାଳ ରେଞ୍ଜର ତଥା ଏସିଏଫ କ୍ଷୀରାବ୍ଧି ପ୍ରଧାନ ଙ୍କ ସହ ଫରେଷ୍ଟର ଚିତ୍ତରଞ୍ଜନ ପ୍ରଧାନ, ରବୀନ୍ଦ୍ର କୁମ୍ଭାର ଓ କଣ୍ଟାମାଳ ରେଞ୍ଜ ଅଧୀନ ଅନ୍ୟ ସମସ୍ତ ବନ କର୍ମଚାରୀ ଏହି ମିଶନ ହାତୀ ଧାରାରେ ସାମିଲ ଥିଲେ  l  ଆଜି ହାତୀଟିକୁ ନନ୍ଦନକାନନ ପଠାଯିବା ନେଇ ଡ଼ିଏଫଓ ଶ୍ରୀ କମ୍ପ ପ୍ରକାଶ କରିଛନ୍ତି  l