02-Jan-2024

ବଲାଙ୍ଗୀର(ପ୍ରେରଣା ଖବର ):  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩ ତାରିଖ ଦିନ ବହୁ ଉପେକ୍ଷିତ ଲୋୟର ସୁକତେଲ ପ୍ରକଳ୍ପ ର ଶୁଭ ଉଦ୍ଘାଟନ କରିବା ପାଇଁ ଆସୁଛନ୍ତି।ଏଥିପାଇଁ ଜୋରସୋର ରେ ଚାଲିଛି ସାଜସଜ୍ଜା।ପ୍ରକଳ୍ପ ରେ ଜଳ ନାହିଁ।ଚାଷୀ ଏହି ପ୍ରକଳ୍ପ ର ଜଳ ରୁ ଉପକୃତ ହୋଇ ନାହାନ୍ତି।ପ୍ରକଳ୍ପ ରେ ବିସ୍ଥାପିତ ହୋଇଥିବା ଅନେକ ପରିବାର ତାଙ୍କର ପ୍ରାପ୍ୟ ପାଇ ନଥିବା ତଥା ଥଇଥାନ ହୋଇ ନ ଥିବା ବେଳେ ମୁଖ୍ୟମନ୍ତ୍ରୀ ଏ ଅଞ୍ଚଳରେ ଦୟନୀୟ ପରିସ୍ଥିତି ରେ ଥିବା ବିସ୍ଥାପିତ ଲୋକଙ୍କ ଲୋତକ ଭରା ବିକଲ ଚିତ୍ର ଦେଖିବାକୁ ଆସୁଛନ୍ତି କି ବୋଲି ଚର୍ଚ୍ଚା ହେଉଛି।ବର୍ତ୍ତମାନ ମଧ୍ୟ ଜଳବୁଡ଼ି ଅଞ୍ଚଳର ଅନେକ ଗ୍ରାମରେ ଲୋକେ ନୂତନ ବାସସ୍ଥାନ ନ ପାଇ ଭଗବାନ ଙ୍କ ଭରସାରେ ପଡ଼ି ରହିଛନ୍ତି।ସେହି ଗ୍ରାମ ମାନଙ୍କରେ ପିଇବା ପାଇଁ ନା ପାନୀୟ ଜଳ ଅଛି ନା ବିଜୁଳି ଅଛି।ଅନ୍ୟପଟେ ପ୍ରକଳ୍ପ କାର୍ଯ୍ୟ ସମ୍ପୂର୍ଣ୍ଣ ହୋଇ ନ ଥିବା ବେଳେ ନବୀନ ବାବୁ ଜଳ ବିହୀନ ପ୍ରକଳ୍ପ କୁ ଉଦ୍ଘାଟନ କରି ବାଃ ବାଃ ନେବେ କି?ନିର୍ବାଚନ ପାଖେଇ ଆସୁଛି।ଏହା ନବୀନ ପଟ୍ଟନାୟକ ଙ୍କ ନିର୍ବାଚନୀ ପ୍ରଚାର ନୁହେଁ ତ ବୋଲି ଚର୍ଚ୍ଚା ହେଉଛି।
       ପ୍ରକଳ୍ପ ଉଦ୍ଘାଟନ କୁ ସାମ୍ବାଦିକ ମାନେ ଯିବା ପାଇଁ ପ୍ରସ୍ତୁତ ହେଉଥିବା ବେଳେ କିଛି ସାମ୍ବାଦିକ ଙ୍କୁ ପାସ୍ ଦେଇଥିବା ବେଳେ ଅନେକ ସାମ୍ବାଦିକଙ୍କୁ ପାସ୍ ଦିଆଯାଇ ନ ଥିବାରୁ ସାମ୍ବାଦିକ ମହଲରେ ଅସନ୍ତୋଷ ଦେଖା ଦେଇଛି।ବଲାଙ୍ଗୀର ଡିଆଇପିଆରଓ ଙ୍କୁ ପାସ୍ ବିଷୟ ନେଇ ପଚାରିବାରୁ ପାସ୍ ପାଇଁ ରାଜ୍ୟ କୁ ସାମ୍ବାଦିକ ଙ୍କ ନାମ ପଠାଯାଇଥିବା ପ୍ରକାଶ କରିଥିଲେ।ହେଲେ ପ୍ରକଳ୍ପ ଠାରେ ସାମ୍ବାଦିକ ମାନଙ୍କ ବସିବା ପାଇଁ ବ୍ୟବସ୍ଥା କରାଯାଇଥିବା ସିଟ୍ ଅନୁଯାୟୀ ପାସ୍ ଦିଆଯାଇଥିବା କହିଥିଲେ।ତେବେ ରାଜ୍ୟ ସରକାର ସାମ୍ବାଦିକ ମାନଙ୍କ ମଧ୍ୟରେ ପାତର ଅନ୍ତର କରି ସାମ୍ବାଦିକ ମାନଙ୍କ ଏକତା କୁ ଭଙ୍ଗ କରୁଥିବା ପରିଲକ୍ଷିତ ହୁଏ।ବିଜେଡି ସରକାର ବ୍ରିଟିଶ ନୀତି ଅବଲମ୍ବନ କରି ସାମ୍ବାଦିକ ମାନଙ୍କୁ ଭାଗ ଭାଗ କାରବାର ପ୍ରୟାସ ନିନ୍ଦନୀୟ ଅଟେ ବୋଲି ଚର୍ଚ୍ଚା ହୁଏ।