03-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ଥାନା ଅନ୍ତର୍ଗତ ଉଦେପୁର ଗ୍ରାମ ଠାରେ ଜଙ୍ଗଲୀ ହାତୀ ଉପଦ୍ରବ ନେଇ ମଙ୍ଗଳବାର ଦିନ ସକାଳ 6ଟା ଠାରୁ ବିଭିନ୍ନ ଦାବିରେ ଗ୍ରାମବାସୀମାନେ ରାସ୍ତାରୋକ କରିଥିଲେ l କଣ୍ଟାମାଳ - ତିଲକାମାଲ ମୁଖ୍ୟ ରାସ୍ତାର ଉଦେପୁର ଠାରେ ରାସ୍ତାରୋକ କରାଯିବା ଫଳରେ ଶତାଧିକ ଗାଡିମଟର ଅଟକି ରହିଥିଲା l ଫଳରେ ଯାନବାହାନ ଚଳାଚଳ ଦୀର୍ଘ ଦଶ ଘଣ୍ଟା ଧରି ସମ୍ପୂର୍ଣ୍ଣ ବ୍ୟାହତ ହୋଇଥିଲା l  ସୂଚନା ପ୍ରକାରେ କଣ୍ଟାମାଲ ଥାନା ଅନ୍ତର୍ଗତ ଉଦେପୁର ଗ୍ରାମ ଅଂଚଳରେ ଏକ ଜଙ୍ଗଲୀ ଦନ୍ତା ହାତୀ ୩ ଦିନ ହେଲା ଉପଦ୍ରବ କରୁଛି l ଗ୍ରାମ ନିକଟ ଜଙ୍ଗଲରେ ରହୁଥିବା ଜଙ୍ଗଲୀ ଦନ୍ତା ହାତୀ ଗତ କାଲି ଦିନ ସମୟରେ ଗ୍ରାମ ମଧ୍ୟରେ ପଶିଯାଇ ଗ୍ରାମର ଝଟକୁ ହରିପାଲ, ବୈଦ୍ୟନାଥ ଭୋଇ ଓ ରାଧେଶ୍ୟାମ ସାହୁ ଆଦି ତିନିଜଣ ଙ୍କ

ଘର ଭାଙ୍ଗିବା ସହ ଘରେ ରଖାଯାଇଥିବା ଧାନ ଚାଉଳ ଖାଇ ନଷ୍ଟ କରିଥିବା ଅଭିଯୋଗରୁ ଜଣାଯାଇଛି l  ସନ୍ଧ୍ୟା ସୁଦ୍ଧା ବହୁ ପରିଶ୍ରମ ପରେ ବନ ବିଭାଗ କର୍ମଚାରିମାନେ ଜଙ୍ଗଲୀ ଦନ୍ତା ହାତୀ କୁ ତେଲନଦୀ ପାର କରାଇ ସୋନପୁର ଜିଲା କୁ ଘଉଡ଼ାଇ ଦେଇଥିଲେ l ମାତ୍ର କlଲି ରାତିରେ ଜଙ୍ଗଲୀ ଦନ୍ତା ହାତୀ ଟି ଆଉ ଥରେ ନଦୀ ପlରିହୋଇ ଉଦେପୁର ଗ୍ରାମ ନିକଟ ଜଙ୍ଗଲକୁ ଫେରି ଆସିଛି l  ହାତୀର ଫେରିବାକୁ ନେଇ ଆତଙ୍କିତ ଉଦେପୁର ଗ୍ରାମବାସୀ ଆଜି ସକାଳୁ କଣ୍ଟାମାଳ -ତିଲକlମାଲ ରାସ୍ତାର ଉଦେପୁର ଠାରେ ରାସ୍ତା ରୋକ କରିଥିଲେ  l  ଜଙ୍ଗଲୀ ଦନ୍ତା ହାତୀ ଦ୍ୱାରା ହୋଇଥିବା କ୍ଷୟ କ୍ଷତି ର ଆକଳନ କରି କ୍ଷତିଗ୍ରସ୍ତଙ୍କୁ ପ୍ରଶାସନ ତରଫରୁ ସହାୟତା ଯୋଗାଇ ଦେବା,ଗ୍ରାମରେ ସୋଲାର ଲାଇଟ ବ୍ୟବସ୍ଥା ଓ ହାତୀ ଦାଉରୁ ରକ୍ଷା ପାଇଁ ସ୍ଥାୟୀ ବ୍ୟବସ୍ଥା ଆଦି ଦାବି  କରିଛନ୍ତି ଉତ୍ୟକ୍ତ ଗ୍ରାମବାସୀ l ଏନେଇ କଣ୍ଟାମାଳ ପୋଲିସ ସହ ଭାରପ୍ରାପ୍ତ କଣ୍ଟାମାଳ ରେଞ୍ଜର ତଥା ଏସିଏଫ କ୍ଷୀରlବ୍ଧି ପ୍ରଧାନ ଘଟଣାସ୍ଥଳରେ ପହଂଚି ଆନ୍ଦୋଳନକାରୀ ଙ୍କ ସହ ଆଲୋଚନା କରି ଥିଲେ ହେଁ ଡ଼ିଏଫଓ ବୌଦ୍ଧ ଆଲୋଚନା

ପାଇଁ ନ ଆସିଲେ ରାସ୍ତାରୁ ହଟିବୁ ନାହିଁ ବୋଲି ନିଜ ଜିଦରେ ଅଟଳ ଥିଲେ l ପରେ ଅପରାହ୍ନ 4ଟା ସମୟରେ ଡ଼ିଏଫଓ ବୌଦ୍ଧ ଦେବପ୍ରିୟ କମ୍ପ ପହଂଚି ଆନ୍ଦୋଳନକାରି ଗ୍ରାମବାସୀଙ୍କ ସହ ଆଲୋଚନା କରିବା ପରେ ରାସ୍ତାରୋକ ହଟିଥିଲl ଓ ଯାନବାହନ ଚଳାଚଳ ସ୍ୱାଭାବିକ ହୋଇଥିଲା l ତେବେ ହାତୀଟି ଗ୍ରାମ ନିକଟ ଉଦେପୁର ଜଙ୍ଗଲରେ ଥିବାରୁ ଗ୍ରାମବାସୀ ଆତଙ୍କିତ ଥିବା ଜଣାଯାଇଛି l