01-Jan-2024

ବଲାଙ୍ଗିର(ପ୍ରେରଣା ଖବର)-ଯେଉଁମାନେ ନିଜର ସୁଖ ସୁବିଧା ପରିବାରରେ ଥଇଥାନ ଭୁଲିଯାଇ ସମାଜ ର ବାଧିଜନଙ୍କର ସେବା ରେ ନିଜକୁ ଉତ୍ସର୍ଗ କରି ସୁସ୍ଥ ସମାଜ ନିର୍ମାଣ ରେ ନିଃସ୍ୱାର୍ଥ ସେବା କରନ୍ତି ସେପରି ଲୋକମାନେ କେବେ ମରି ପାରନ୍ତି ନାହିଁ ବୋଲି ବାଧିତ ଜନବନ୍ଧୁ ପ୍ରଭାକର ରଥ ଙ୍କ ୧୦୪ ତମ ଜନ୍ମ ଜୟନ୍ତୀ ବକ୍ତାମାନେ ମତବ୍ୟକ୍ତ କରିଛନ୍ତି । ପ୍ରଭାକର ରଥ ସ୍ମୃତି ସମିତି ତରଫରୁ ଆଜି ପୂର୍ବାହ୍ନ ରେ ଟାଉନ ବାଳିକା ବିଦ୍ୟାଳୟରେ ସଭାପତି ଜୟରାମ ମିଶ୍ରଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ପ୍ରମେୟ ସଂସ୍କରଣର ପଶ୍ଚିମ ଓଡିଶା ମୁଖ୍ୟ ଅଖିଳ ଚନ୍ଦ୍ର ହୋତା ମୁଖ୍ୟ ଅତିଥି, ମହିଳା ମହାବିଦ୍ୟାଳୟର ଓଡିଆ

ଅଧ୍ୟାପକ ରତିକାନ୍ତ ନାଏକ ମୁଖ୍ୟବକ୍ତା ଓ ନାଟ୍ୟଭୂଷଣ ଜଗଦାନନ୍ଦ ଛୁରିଆ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ସଭା ଆରମ୍ଭର ପ୍ରଭାକର ରଥଙ୍କ ଫଟୋଚିତ୍ରରେ ଧୂପ ଦୀପ ଓ ମାଲ୍ୟାର୍ପଣ କରାଯାଇଥିଲା । ବେଦମନ୍ତ୍ର ପାଠ କରିଥିଲେ ସୃଜନୀ ଶୁଭଲକ୍ଷ୍ମୀ ନାୟକ ଓ ସ୍ୱାଗତ ସଂଗୀତଗାନ କରିଥିଲେ ପ୍ରିୟା ପରିମିତା ମିଶ୍ର । କବି ରତ୍ନମୟ ତ୍ରିପାଠୀ ଅତିଥି ପରିଚୟ କରିଥିବା ବେଳେ ସଂପାଦକ ମଧୁ ସାହୁ ସମିତିର ଆଭିମୁଖ୍ୟ

ଉପସ୍ଥାପନ କରିଥିଲେ । ଏହି ପାର୍ବଣରେ ଚଉବନ ଥର ରକ୍ତଦାନ କରିଥିବା ଶଙ୍କର ଜୁଏଡ ଙ୍କ ସମ୍ବର୍ଦ୍ଧିତ କରାଯାଇଥିଲା । ମଦନ ମୋହନ ରଥ ସ୍ମୃତି ସମିତିର କାର୍ଯ୍ୟକ୍ରମ ଉପରେ ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମକୁ ସହଯୋଗ କରିଥିଲେ ହୃଷିକେଶ ପୁରୋହିତ, ସୁନାଧନ ବନଛୋର, ଚୁଡେନ୍ଦ୍ର କୁମାର ବେହେରା, ରାଜେଶ ସାହୁ, ପ୍ରଶାନ୍ତ ଷଡଙ୍ଗୀ, ଧିରେନ୍ଦ୍ର ନାରାୟଣ ସିଂହଦେଓ, ଡା. ଅଶୋକ କୁମାର ସେଠୀ, ଶୁଭେନ୍ଦ୍ର ନେପାକ, ପ୍ରଦୀପ ପଶାୟତ, ମାଳତି ଉଦ୍‌ଗାତା, ଜ୍ୟୋତିରାଣୀ ମିଶ୍ର, ଅନୁପ୍ରିୟା ମିଶ୍ର, ଶେଷରେ କସ୍ତୁରୀ ରଥ ଧନ୍ୟବାଦ ଅର୍ପଣ କରିଥିଲେ ।