01-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ଉଚ୍ଚ ବିଦ୍ୟାଳୟ ର ୧୯୮୪ ବ୍ୟାଚ ବନ୍ଧୁ ମିଳନ ପର୍ବ ନିରଞ୍ଜନ ସାହୁଙ୍କ ତତ୍ୱାବଧାନ ରେ ଅନୁଷ୍ଠିତ ହୋଇଯାଇଛି l  ଏହି ବନ୍ଧୁମିଳନ ଉତ୍ସବର ମୁଖ୍ୟ କାରଣ ହେଲା ସମସ୍ତ ବନ୍ଧୁ ଏକତ୍ରିତ ହୋଇ ସମାଜସେବା ତଥା ସମାଜରେ ଅବହେଳିତ ଜନତାଙ୍କୁ ବିଭିନ୍ନ ସମୟରେ ସାହାଯ୍ୟ ସହଯୋଗର ହାତ ବଢାଇବା ପାଇଁ ସମସ୍ତେ ନିଷ୍ପତ୍ତି ନେଇଥିଲେ  l  ଏହି ଅବସରରେ ଉପସ୍ଥିତ ସମସ୍ତ ବନ୍ଧୁ ମିଶି

ପିଲାଦିନର ଓ ସ୍କୁଲ କଲେଜ ସମୟର ଅଭୁଲା ସ୍ମୃତିକୁ ଆଲୋଚନା କରିବା ସହ ସ୍ମୃତିଚାରଣ କରିଥିଲେ l  ପ୍ରାରମ୍ଭରେ ହାଇସ୍କୁଲ ର ଦିବଂଗତ ଶିକ୍ଷକ ଓ ସହପାଠୀ ବନ୍ଧୁ ମାନଙ୍କ ବିୟୋଗରେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା l  ସମସ୍ତ ବନ୍ଧୁମାନେ ନିଜ ନିଜର ପରିଚୟ ପ୍ରଦାନ କରି ସମାଜରେ ଅବକ୍ଷୟ ଘଟୁଥିବା ନୈତିକ ଓ ଆଧ୍ୟାତ୍ମିକ ମୂଲ୍ୟବୋଧ ସମ୍ପର୍କରେ କ୍ଷୋଭ ପ୍ରକାଶ କରିବା ସହ ଭବିଷ୍ୟତ ପିଢ଼ିକୁ ସଚେତନ କରିବା କ୍ଷେତ୍ରରେ ବୟସ୍କ ନାଗରିକ ମାନଙ୍କ ଭୂମିକା ସମ୍ପର୍କ ରେ ଆଲୋକପାତ କରିଥିଲେ  l ଏହି ବନ୍ଧୁମିଳନ କାର୍ଯ୍ୟକ୍ରମକୁ ଉକ୍ତ ବ୍ୟାଚର ସମସ୍ତ ବନ୍ଧୁ ସହଯୋଗ କରିଥିଲେ  l