27-Dec-2023

ସମ୍ବଲପୁର- (ସଂଜୀବପାଣିଗ୍ରାହୀ) 
କିଛି ଦିନ ହେବ ଲୋକାର୍ପିତ ହୋଇଛି ସମ୍ବଲପୁର ରେ ନବନିର୍ମିତ ରାଜଘାଟ l
ମହାନଦୀ ମନ୍ଦଲିଆ ମୁହାଣ ରେ କୋଟି କୋଟି ଟଙ୍କାବ୍ୟୟ ଅଟକଳ ରେ ନିର୍ମିତ ଏହି ରାଜଘାଟ ସମସ୍ୟା ପିଛା ଛାଡ଼ୁନି l ଉଦଘାଟନ ପୂର୍ବରୁ ନବନିର୍ମିତ କୋଠା ଛାତ ରୁ ପାଣି ଗଳୁଥିବା ବିଷୟ କାହାକୁ ଅଛପା ନାହିଁ l ଶବଦାହ ସମୟରେ ଧୂଆଁ ଉପରେ ଯିବାର ରାସ୍ତା ଠିକ ରେ ନାହିଁ l  ଶବଦାହ ପାଇଁ ଶୁଖିଲା କାଠ ର ବ୍ୟବସ୍ଥା କରିବାରେ ଠିକ କରିନ ପାରୁଥୁବା ଅତ୍ୟନ୍ତ ଦୁର୍ଭାଗ୍ୟ ର ବିଷୟ ବୋଲି ସମାଜସେବୀ ସୂର୍ଯ୍ୟ ପାଣିଗ୍ରାହୀ ଏକ ପ୍ରେସ ବିବୃତି ରେ ପ୍ରକାଶ କରିଛନ୍ତି l ଯେତେବେଳେ ଦେଖିବ ରାଜଘାଟ ରେ କଞ୍ଚା ଥିବା ବଡ଼ ବଡ଼ ଗଣ୍ଡି  କାଠ l ତାହା ପୁଣି ଗୋଟେ କ୍ଵିଣ୍ଟାଲ କୁ 400 ଟଙ୍କା l ସମ୍ବଲପୁର ରେ ଏହା ଏକ ନିତିଦିନିଆ ସମସ୍ୟା ରେ ପରିଣତ ହୋଇଗଲାଣି ବୋଲି ଶ୍ରୀ ପାଣିଗ୍ରାହୀ କହିଛନ୍ତି l
ଏହି ସମସ୍ୟା ସମ୍ବନ୍ଧ ରେ ବାରମ୍ବାର ପ୍ରଶାସନ ର ଦୃଷ୍ଟି ଆକର୍ଷଣ କରାଯାଉଛି ତଥା ଗଣମାଧ୍ୟମ ଜରିଆରେ ସୂଚନା ଦେଲା ସତ୍ୱେ ମଧ୍ୟ କିଛି ସୁଫଳ ମିଳିନଥିବା ଉଦବେଗ ର ବିଷୟ l
ଏହି ସମସ୍ୟା ଭୋଗୁଥିବା ଲୋକେ ବାଧ୍ୟ ହୋଇ  ସୁଦୂର ରେମେଡ଼ ଫରେଷ୍ଟ କର୍ପୋରେସନ ରୁ କ୍ୱିଣ୍ଟାଲ ପ୍ରତି 350 ଟଙ୍କା ଦରରେ ଶୁଖିଲା ଶବଦାହ କାଠ ନହେଲେ  ବେସରକାରୀ କାଠ ଗୋଦାମ ରୁ କ୍ୱିଣ୍ଟାଲ ପ୍ରତି 500 ଟଙ୍କା ଦରରେ ଶବଦାହ କାଠ ଆଣି ଶବଦାହ କରିବାକୁ ବାଧ୍ୟ ହେଉଛନ୍ତି ବୋଲି ଶ୍ରୀ ପାଣିଗ୍ରାହୀ ପ୍ରକାଶ କରିଛନ୍ତି l ଶ୍ରୀ ପାଣିଗ୍ରାହୀ ପ୍ରଶ୍ନ କରିଛନ୍ତି ଯେ, ଏହି କୋଟି କୋଟି ଟଙ୍କା ସରକାରୀ ଅର୍ଥ ବ୍ୟୟ ରେ ନିର୍ମିତ ରାଜଘାଟ ଜନସାଧାରଣ ଙ୍କର ସୁବିଧା ଯୋଗାଇବା ପାଇଁ କି ହଇରାଣ ରେ ପକାଇବା ପାଇଁ ?
ଜିଲ୍ଲା ପ୍ରଶାସନ ଏହି ସମସ୍ୟା କୁ ଗୁରୁତ୍ୱ ର ସହ ବିଚାର କରି ତୁରନ୍ତ ସମାଧାନ କରିବାକୁ ସମାଜସେବୀ ଶ୍ରୀ ପାଣିଗ୍ରାହୀ ଜିଲ୍ଲା ପ୍ରଶାସନ ପାଖରେ ଦାବୀ ଉପସ୍ଥାପନ କରିଛନ୍ତି l