22-Jul-2026

ନବରଙ୍ଗପୁର(ପ୍ରିୟଦର୍ଶିନୀ ପାତ୍ର)
ବୁଞ୍ଜି ମାଛ(ଚୁନା ମାଛ) ,ତୁରୁ ମାଛ, ପିତା ମାଛ, ବାମି, ତେଙ୍ଗନା, ଗଡସି ଆଦି ମାଛ ଦେହ ପାଇଁ ବେଶ ଉପକାରୀ କାରଣ, ଏଥିରେ ପ୍ରଚୁର ପରିମାଣରେ କ୍ୟାଲସିୟମ ରହିଥିବାରୁ ଏହାକୁ ଖାଇବା ପାଇଁ ଡାକ୍ତରମାନେ ପରାମର୍ଶ ଦେଇଥାନ୍ତି। ଏହି ଚୁନା ମାଛ ରୋଗ ପ୍ରତିରୋଧକ ଶକ୍ତି ବଢେଇବା ସହିତ ଉଚ୍ଚ ରକ୍ତଚାପ, ମଧୁମେହ ରୋଗୀମାନ ନଙ୍କ ପାଇଁ ଔଷଧ ପରି କାର୍ଯ୍ୟ କରିଥାଏ।ଏହି ମାଛ ଶରୀର ପାଇଁ ଉପକାରୀ ଓ ସୁସ୍ବାଦ ହୋଇଥିବାରୁ ଗାଁ ଠାରୁ ସହରୀ ବାବୁ ମାନଙ୍କର ଚାହିଦା ରହି ଥାଏ । ଅତୀତରେ, ଏହି ବର୍ଷା ଦିନେ ଗାଁ ଗହଳିରେ ନାଳ,ପୋଖରୀ, ଗାଡ଼ିଆ, ବିଲ ମାନଙ୍କରେ ଏହି ଚୁନା ମାଛ ପ୍ରବଳ ପରିମାଣରେ ଦେଖା ଯାଉଥ୍ଲା। ବିଶେଷକରି, ବର୍ଷା ଦିନେ ବିଲରେ ପାଣିର ସୁଅ ହୁଡ଼ା ଭାଙ୍ଗି ଚାଲିଥିବାବେଳେ ଚାଷୀମାନେ ବିଲହୁଡାରେ ବିଶର, ଦାନ୍ଦ୍ରର ଓ ମୁଗୁରା ବସେଇ ଚୁନା ମାଛ ପ୍ରଚୁର ପରିମାଣରେ ଧରିଥାନ୍ତି। ଯାହାକି ବର୍ତମାନ ଏହା ଦେଖୁବାକୁ ମିଳୁ ନାହିଁ । ଧାନ ଫସଲରେ କୀଟ ନାଶକ ଔଷଧ ପ୍ରୟୋଗ ଫଳରେ ଏହି ଚୁନା ମାଛ ଲୋପ ହେବାକୁ ବସିଲାଣି । ଯେଉଁଠି ମିଳୁଛି କମ ପରିମାଣରେ ମିଳୁଛି। ସ୍ଥାନୀୟ ଅଂଚଳରେ ଏହାର ଚାହିଦା ଅଧିକ। ସ୍ଥାନୀୟ ଜନସାଧାରଣ ବିଭିନ୍ନ ନଦୀ ନାଳରୁ ଧରି ବିକ୍ରି କରିଥାନ୍ତି ଏହି ଚୁନା ମାଛ କୁ । ଏହି ମାଛ ବର୍ଷା ମାସରେ ଅଧିକ ମିଳିଥାଏ କିନ୍ତୁ ଆସନ୍ତା କିଛି ବର୍ଷ ମଧ୍ୟରେ ଜଳ ପ୍ରଦୂଷଣ ଏବଂ କୀଟନାଶକ ଔଷଧ ପ୍ରଭାବରେ  ଏହି ଚୁନା ମାଛ ହଜିବାକୁ ବସିବ ବୋଲି  ପରିବେଶ ବିତ ମାନେ ମତ ପ୍ରକାଶ କରୁଛନ୍ତି।