25-Dec-2023

ବଲାଙ୍ଗିର(ପ୍ରେରଣା ଖବର) ବଲାଙ୍ଗିର ସହରର ବରିଷ୍ଠ ସାମ୍ବାଦିକ ରିତ୍‌ରାଜ ସିଂହ(ରିଟୁ) ଓଡିଶା ସାମ୍ବାଦିକ ୟୁନିଅନ୍ (ଓୟୁଜେ)ର ସାଙ୍ଗଠନିକ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି । ଭୂବନେଶ୍ୱର ଓୟୁଜେ ଭବନରେ ଆୟୋଜିତ ନିର୍ବାଚନରେ ବିଜୟୀ ହେବା ପରେ ୨୦୨୩-୨୫ (ଦୁଇ ବର୍ଷ) ପାଇଁ ତାଙ୍କୁ ରାଜ୍ୟ ସଙ୍ଗଠନ ପକ୍ଷରୁ ଏହି ଗୁରୁଦାୟିତ୍ୱ ପ୍ରଦାନ କରାଯାଇଛି । ସେହିପରି ଓୟୁଜେର ରାଜ୍ୟ ସଭାପତି ଭାବେ ପ୍ରସନ୍ନ ମହାନ୍ତି ଓ ସାଧାରଣ ସମ୍ପାଦକ ଭେବେ କମ୍ବୁପାଣି ମିଶ୍ର ନିର୍ବଚାତି ହୋଇଛନ୍ତି । ଭୂବନେଶ୍ୱର ଜୟଦେବ ଭବନ ଠାରେ ଓୟୁଜେ ର ୨୬ତମ ଦ୍ୱିବାର୍ଷିକ ରାଜ୍ୟସ୍ତରୀୟ ପ୍ରତିଷ୍ଠା

ଦିବସରେ ଓୟୁଜେର ନିର୍ବାଚନ ଅଧିକାରୀ ଅକ୍ଷୟ କୁମାର ସାହୁ ନିର୍ବାଚିତ ପ୍ରତିନିଧିମାନଙ୍କ ନାମ ଘୋଷଣା କରିଥିଲେ । ଏହି ଅବସରରେ ଅତିଥିମାନେ ନବନିର୍ବାଚିତ କର୍ମକର୍ତାଙ୍କୁ ଅଭିନନ୍ଦନ ଜଣାଇଥିଲେ । ସାମ୍ବଦିକଙ୍କ ବୃହତ ସ୍ୱାର୍ଥକୁ ଦୃଷ୍ଟିରେ ରଖି ସମ୍ମାନ, ସୁରକ୍ଷା ଓ ଭତା ପ୍ରଦାନ ନେଇ ସରକାରଙ୍କ ନିକଟରେ ଦାବି ରଖିବେ ବୋଲି ନୂତନ କର୍ମକର୍ତାମାନେ ପ୍ରକାଶ କରିଥିଲେ । ନବନିର୍ବାଚିତ ନୂତନ ପଦାଧିକାରୀ ଓ ରାଜ୍ୟ ସାଙ୍ଗଠାନିକ ସମ୍ପାଦକ ଶ୍ରୀ ସଂହଙ୍କୁ  ଓୟୁଜେ ବଲାଙ୍ଗିର ଜିଲ୍ଲା ସଭାପତି ପ୍ରଦୀପ୍ତ ମିଶ୍ର, ସାଧାରଣ ସଂପାଦକ ଅଭୟ ତ୍ରିପାଠୀ, ଉପସଭାପତି ସରତ ମିଶ୍ର, ପ୍ରଭଜିତ ସିଂହ ସାଲୁଜା, ସଂଜୟ ବେହେରା, ସଂପାଦକ ନରେଶ କୁମାର ସାହୁ, ତାପସ ବେହେରା, ଅନିଲ ତ୍ରିପାଠୀ, ସୁରଦାଶ ବାଗ, ତରୁଣ ବେହରାଙ୍କ ସମେତ  ଓୟୁଜେର ସମସ୍ତ କର୍ମକର୍ତା ଓ ସଦସ୍ୟମାନେ ଶୁଭେଚ୍ଛା ଜଣାଇଛନ୍ତି ।